រដ្ឋមន្ត្រី ស្នើសូមនាយករដ្ឋមន្ត្រី រៀបចំការចាក់វ៉ាក់សាំងកូវីដ នៅក្រសួងមហាផ្ទៃ
- ភ្នំពេញ
ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសរសេរលិខិត ស្នើសុំគោលការណ៍អនុញ្ញាតដ៏ខ្ពង់ខ្ពស់ពីសម្តេចតេជោ នាយករដ្ឋមន្ត្រី ហ៊ុន…
ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសរសេរលិខិត ស្នើសុំគោលការណ៍អនុញ្ញាតដ៏ខ្ពង់ខ្ពស់ពីសម្តេចតេជោ នាយករដ្ឋមន្ត្រី ហ៊ុន…
ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសរសេរលិខិត ស្នើសុំគោលការណ៍អនុញ្ញាតដ៏ខ្ពង់ខ្ពស់ពីសម្តេចតេជោ នាយករដ្ឋមន្ត្រី ហ៊ុន សែន ដើម្បីរៀបចំការចាក់វ៉ាក់សាំងប្រឆាំងជំងឺកូវីដ១៩ នៅក្រសួងមហាផ្ទៃ ជូនថ្នាក់ដឹកនាំ និងមន្ត្រីនគរបាលជាតិចំណុះទីស្តីការក្រសួងមហាផ្ទៃ។
ក្នុងលិខិតលើកឡើងថា តាមការជូនដំណឹងរបស់ក្រសួងសុខាភិបាល ដំណើរការចាក់វ៉ាក់សាំងប្រឆាំងជំងឺកូវីដ១៩ ជូនថ្នាក់ដឹកនាំ និងមន្ត្រីនគរបាលជាតិនៃទីស្តីការក្រសួងមហាផ្ទៃ នឹងប្រព្រឹត្តទៅនៅមន្ទីរពេទ្យមិត្តភាពខ្មែរ-សូវៀត។ ប៉ុន្តែដោយសារមន្ត្រីនគរបាលជាតិចំណុះទីស្តីការក្រសួងមហាផ្ទៃ ដែលនឹងត្រូវទទួលការចាក់វ៉ាក់សាំងមានចំនួនច្រើន និងដើម្បីបញ្ជៀសបានការប្រមូលផ្តុំមនុស្សច្រើន ក៏ដូចជារួមចំណែកកាត់បន្ថយបន្ទុករបស់ក្រុមគ្រូពេទ្យ នៅមន្ទីរពេទ្យមិត្តភាពខ្មែរ-សូវៀត សម្តេចក្រឡាហោម ស ខេង សូមគោរពស្នើសុំគោលការណ៍ដ៏ខ្ពង់ខ្ពស់របស់សម្តេចតេជោ នាយករដ្ឋមន្ត្រី អនុញ្ញាតឲ្យមន្ត្រីជំនាញនៃក្រសួងសុខាភិបាល ធ្វើការបណ្តុះបណ្តាលដល់មន្ត្រីសុខាភិបាលនៃក្រសួងមហាផ្ទៃ អំពីបច្ចេកទេសនៃការចាក់វ៉ាក់សាំង និងផ្តល់វ៉ាក់សាំងក្នុងចំនួនមួយសមស្រប ( អាចចំនួន ២០០ដូស ក្នុង ១ថ្ងៃ រហូតដល់បញ្ចប់ ) ដើម្បីអនុវត្តដំណើរការចាក់វ៉ក់សាំង នៅក្រសួងមហាផ្ទៃ ជូនថ្នាក់ដឹកនាំ និងមន្ត្រីនគរបាលជាតិចំណុះទីស្តីការក្រសួងមហាផ្ទៃ។
ដោយឡែក សម្រាប់កងកម្លាំងនគរបាលជាតិ នៅតាមវរការពារព្រំដែនគោក និងព្រំដែនទឹក ព្រមទាំងមន្ត្រីនគរបាលជាតិ នៅតាមបណ្តាខេត្ត ត្រូវបានសម្តេចក្រឡាហោម ស ខេង ជម្រាបជូនសម្តេចតេជោ ហ៊ុន សែន ថា បន្តអនុវត្តការចាក់វ៉ាក់សាំងតាមការរៀបចំ និងការជូនដំណឹងរបស់ក្រសួងសុខាភិបាល។
ចំពោះការស្នើសូមនេះ ត្រូវបានសម្តេចតេជោ ហ៊ុន សែន ចារផ្ទាល់ដៃ នៅថ្ងៃទី២២ ខែកុម្ភៈ ឆ្នាំ២០២១ថា «យល់ព្រម»៕
ចែករំលែកព័តមាននេះ