ADផ្ទាំងផ្សព្វផ្សាយពាណិជ្ជកម្ម

ដល់.ក! ចាប់គ្រឿងញៀ.នដល់ជាង២៣តោនក្នុងទូកុងតឺន័រ(វីដេអូ)

3 ឆ្នាំ មុន

២៥ ខែ កុម្ភៈ ឆ្នាំ ២០២១ ម៉ោង ១៦:៣៦

ប្រទេសអាល្លឺម៉ង់-បែលហ្ស៊ីក ៖ រដ្ឋអាជ្ញាហូឡង់រាយការណ៍នាថ្ងៃទី២៤ ខែកុម្ភៈ ឆ្នាំ២០២១ ថា ភ្នាក់ងារគយក្រុង HAMBOURG អាល្លឺម៉ង់ និងក្រុងANVERS…

ប្រទេសអាល្លឺម៉ង់-បែលហ្ស៊ីក ៖ រដ្ឋអាជ្ញាហូឡង់រាយការណ៍នាថ្ងៃទី២៤ ខែកុម្ភៈ ឆ្នាំ២០២១ ថា ភ្នាក់ងារគយក្រុង HAMBOURG អាល្លឺម៉ង់ និងក្រុងANVERS បែលហ្ស៊ីក ចាប់បានគ្រឿងញៀនក្នុងចំនួនដ៏ច្រើនបំផុត គឺកូកាអ៊ីន រហូតដល់ជាង២៣តោន ដែលបញ្ជូនទៅប្រទេសហូឡង់ក្នុងឱកាសនៃប្រតិបត្តិការ២ដែលមានក្នុងខែនេះ ។

គ្រឿងញៀនក្នុងទំហំដ៏ច្រើននោះតំណាងឲ្យទឹកប្រាក់ដល់ប្រមាណជា៦០០លានអឺរ៉ូបើលក់
ចេញ ។ ជនជាតិហូឡង់ម្នាក់អាយុ២៨ឆ្នាំដែលជាអ្នកចុះបញ្ជី តំណាងឲ្យកុងតឺន័រ២ដែលផ្ទុកគ្រឿងញៀនរកឃើញបានត្រូវចាប់ខ្លួននាថ្ងៃទី២៤ កុម្ភៈ ។

នៅទីក្រុង HAMBOURG ភាគខាងជើងអាល្លឺម៉ង់ កូកាអ៊ីនដល់១៦,១៧តោនត្រូវបានរកឃើញក្នុងប្រអប់ជាង១.៧០០ ដែលដាក់ក្នុងកុងតឹន័រមួយមកពីប្រទេសប៉ារ៉ាហ្គាយ ។ នៅក្រុង
កំពង់ផែ ANVERS បែលហ្ស៊ិក កូកាអ៊ីន៧,២តោនត្រូវបានរកឃើញក្នុងកុងតឺន័រមួយមកពី
ប៉ាណាម៉ា ។