សហរដ្ឋអាមេរិក ៖ យោងតាមការបញ្ជាក់ពីអ្នកជំនាញវេជ្ជសាស្ត្របានឱ្យដឹងថា ក្តីសង្ឃឹមសម្រាប់កំពូលកីឡាករវាយកូនហ្គោលអាមេរិក Tiger Woods គឺការជាសះស្បើយអាចដើរដូចដើមឡើងវិញ ក្រោយទទួលជោគជ័យជំហានដំបូងលើការវះកាត់ជើងខាងស្តាំរបស់គាត់។ នេះបើយោងតាមការចេញពីផ្សាយពីគេហទំព័រ New…
សហរដ្ឋអាមេរិក ៖ យោងតាមការបញ្ជាក់ពីអ្នកជំនាញវេជ្ជសាស្ត្របានឱ្យដឹងថា ក្តីសង្ឃឹមសម្រាប់កំពូលកីឡាករវាយកូនហ្គោលអាមេរិក Tiger Woods គឺការជាសះស្បើយអាចដើរដូចដើមឡើងវិញ ក្រោយទទួលជោគជ័យជំហានដំបូងលើការវះកាត់ជើងខាងស្តាំរបស់គាត់។ នេះបើយោងតាមការចេញពីផ្សាយពីគេហទំព័រ New York Post។ គួររំលឹកថា ក្តៅៗ! កំពូលកីឡាករវាយកូនហ្គោលដ៏ល្បី១រូបជួបគ្រោះក្រឡាប់រថយន្ត
លោក Tiger Woods ត្រូវបានរកឃើញថាប៉ះទង្គិចជើងស្តាំក្នុងស្ថានភាពធ្ងន់ធ្ងរ បន្ទាប់ពីជួបហេតុការណ៍គ្រោះថ្នាក់ចរាចរណ៍ក្រឡាប់រថយន្តរបស់គាត់ នៅក្បែរទីក្រុងឡូសអាន់ជឺលេស (Los Angeles) រដ្ឋកាលីហ្វ័រញ៉ា (California) កាលពីព្រឹកថ្ងៃទី២៣ ខែកុម្ភៈ ឆ្នាំ២០២១ កន្លងទៅ។ ដោយតម្រូវឱ្យធ្វើការវះកាត់ភ្លាមៗពេលបញ្ជូនដល់មន្ទីរពេទ្យ ហើយក៏ទទួលបានជោគជ័យផងដែរ។
ក្នុងនោះសំនួរជាច្រើនបានចោទសួរថា តើបញ្ហារបួសនេះ អាចនឹងបញ្ចប់អាជីពរបស់កំពូលអ្នកវាយកូនហ្គោល ដែលឈ្នះជើងឯក១៥លើកវ័យ៤៥ឆ្នាំរូបនេះដែរឬទេ?
លោកវេជ្ជបណ្ឌិត Andrew Brief នៅឯមជ្ឈមណ្ឌលវេជ្ជសាស្ត្រ Harbor-UCLA បានប្រាប់ New York Post ឱ្យដឹងថា Tiger Woods កំពុងប្រឈមផ្លូវដ៏វែងឆ្ងាយក្នុងការជាសះស្បើយឡើងវិញ ដែលរួមមានទាំងការព្យាបាលដោយចលនារយៈពេលវែង និងការវះកាត់ជំហានបន្តបន្ទាប់ទៀត លើបញ្ហារបួសបាក់ជើងខាងស្តាំរបស់គាត់ដែលប៉ះពាល់ដល់ការហើមសាច់ដុំផងដែរ។ ហើយជំហានដំបូងយើងមិនអាចគិតដល់ការអាចបន្តអាជីពរបស់គាត់នៅឡើយទេ អ្វីដែលយើងកំពុងគិតគឺការជួយគាត់ឱ្យអាចដើរបានដូចដើមឡើងវិញ។
សូមបញ្ជាក់ថា ជុំវិញហេតុការណ៍គ្រោះថ្នាក់ខាងលើ ប៉ូលិសបានអះអាងថា Tiger Woods មិនទទួលរងការចោទប្រកាន់ណាមួយឡើយ ដោយគ្រោះថ្នាក់នេះមិនពាក់ព័ន្ធក្នុងបទឧក្រិដ្ឋ៕
ចែករំលែកព័តមាននេះ