ខេត្តព្រះសីហនុ ៖ កាលពីវេលាម៉ោង៨ ព្រឹកថ្ងៃទី១៩ កម្ភៈ ឆ្នាំ២០២១ មានករណីអំពើលួចមានស្ថានទម្ងន់ទោស(ប្រើអាវុធខ្លីភ្ជង់ប្លន់ និងប្រើកាំបិតចា.ក់បណ្តាលឲ្យជនរងគ្រោះរងរបួសជាទម្ងន់) ប្រព្រឹត្តិដោយជនជាតិចិនទៅលើជនជាតិចិននៅចំណុចផ្ទះល្វែងបើកផ្សារម៉ាត (ម្ចាស់ជនជាតិចិន)…
ខេត្តព្រះសីហនុ ៖ កាលពីវេលាម៉ោង៨ ព្រឹកថ្ងៃទី១៩ កម្ភៈ ឆ្នាំ២០២១ មានករណីអំពើលួចមានស្ថានទម្ងន់ទោស(ប្រើអាវុធខ្លីភ្ជង់ប្លន់ និងប្រើកាំបិតចា.ក់បណ្តាលឲ្យជនរងគ្រោះរងរបួសជាទម្ងន់) ប្រព្រឹត្តិដោយជនជាតិចិនទៅលើជនជាតិចិននៅចំណុចផ្ទះល្វែងបើកផ្សារម៉ាត (ម្ចាស់ជនជាតិចិន) មួយកន្លែងស្ថិត នៅក្រុមទី១៧ ភូមិ២ សង្កាត់៣ ក្រុង.ខេត្តព្រះសីហនុ ។
តាមសេចក្តីរាយការណ៍ឲ្យដឹងថា អំពើប្លន់នោះបង្កដោយជនសង្ស័យជាជនជាតិចិនចំនួន៣នាក់ ដែលមិនទាន់ស្គាល់អត្តសញ្ញាណ បានធ្វើសកម្មភាពចូលទៅក្នុងផ្ទះល្វែងបើកផ្សារ (ម៉ាត)របស់ជនរងគ្រោះ រួចបានយកអាវុធខ្លីភ្ជង់គំរាម និងប្រើកាំបិតចុងស្រួច ចាក់ទៅលើជនរងគ្រោះបណ្តាលឲ្យរងរបួសរបួសរយះបាតដៃខាងស្តាំ ម្រាមដៃកណ្តាល ចង្អុលដៃខាងស្តាំ និងរបួសស្មងជើងខាងស្តាំ រួចជនសង្ស័យបានគេចខ្លួនបាត់អស់ ។
បន្ទាប់ពីកើតហេតុនោះកើតឡើង លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដាក់បទបញ្ជាទៅកម្លាំងជំនាញ នៃស្នងការដ្ឋាននគរបាលខេត្តព្រះសីហនុ ឲ្យចុះទៅធ្វើការស្រាវជ្រាវជាបន្ទាន់ នឹងដោយយកចិត្តទុកដាក់បំផុត ។ លុះពេលកម្លាំងជំនាញនគរបាលព្រហ្មទណ្ទចុះទៅ ដោយប្រើរយៈពេលជាង៤ ម៉ោង គឺនៅវេលាម៉ោង១២ នឹង៣០នាទី ថ្ងៃត្រង់ ថ្ងៃទី១៩ ខែកម្ភៈ សមត្តកិច្ចបានបំបែកសំណុំរឿងនេះឈានដល់ការបង្ក្រាបបានទាំងស្រុង ចាប់ឃាត់ខ្លួនបានជនសង្ស័យទាំង ៣នាក់ ៖
១-ឈ្មោះ YANG BAO QIANG ភេទប្រុស អាយុ ២៩ឆ្នាំ មុខរបរមិនពិតប្រាកដ គ្មានលិខិតឆ្លងដែនជាប់ខ្លួន ស្នាក់នៅសណ្ឋាគារ ហ្សុងហ័រវួយ ក្នុងភូមិ៤ សង្កាត់៤ ក្រុង-ខេត្តព្រះសីហនុ (ជនដៃដល់ប្រើកាំបិតចាក់ទៅលើជនរងគ្រោះ) ។
២-ឈ្មោះ XU DONG PING ភេទប្រុស អាយុ៣០ឆ្នាំ មុខរបរ មិនពិតប្រាកដ គ្មានលិខិតឆ្លងដែនជាប់ខ្លួន ស្នាក់នៅ ភូមិ៤ សង្កាត់៤ ក្រុង-ខេត្តព្រះសីហនុ (ជនដៃដល់ប្រើអាវុធខ្លីភ្ជង់គំរាមជនរងគ្រោះ) និង៣-ឈ្មោះ LI PEN ភេទប្រុស អាយុ ២៩ឆ្នាំ មុខរបរ មិនពិតប្រាកដ គ្មានលិខិតឆ្លងដែនជាប់ខ្លួន ស្នាក់នៅភូមិ៤ សង្កាត់៤ ក្រុង-ខេត្តព្រះសីហនុ (សមគំនិត) ។
ចំណែកជនរងគ្រោះឈ្មោះ XU SHENXIANG ភេទប្រុស អាយុ៤០ឆ្នាំ មុខរបរលក់ដូរ លិខិតឆ្លងដែនលេខ EE9978999 មានទីលំនៅក្រុមទី១៧ ភូមិ២ សង្កាត់៣ ក្រុង-ខេត្តព្រះសីហនុ ។ ករណីខាងលើងនេះ គេនៅមិនទាន់បានដឹងច្បាស់ថា ជនរងគ្រោះបាត់បង់ប្រាក់អស់ប៉ុន្មាន ដែលចោរជនជាតិចិន៣ នាក់ចូលទៅចាក់ប្លន់នោះ ដោយសារពេលនេះជនរងគ្រោះកំពុងស្ថិតក្នុងមន្ទីរពេទ្យ ។
តាមចម្លើយជនសង្ស័យទាំង៣ នាក់ ដែលបានធ្វើសកម្មភាពចូលចាក់ជនរងគ្រោះប៉ុនប៉ងប្លន់នោះ មូលហេតុពួកគេខ្វះខាតលុយកាក់ចាយវាយ ទើបបបួលគ្នារៀបចំគំរោងចេញប្លន់បែបនេះ ។ ជនសង្ស័យទាំង៣នាក់ សមត្តកិច្ចបាន នឹងកំពុងកសាងសំណុំ រឿងបញ្ជូនទៅសាលាដំបូងខេត្ត តាមនីតិវិធី ៕
ចែករំលែកព័តមាននេះ