រាជធានីភ្នំពេញ៖ នៅព្រឹកថ្ងៃទី២០ កុម្ភៈ ឆ្នាំ២០២១ សមាគមគ្រូពេទ្យស្ម័គ្រចិត្ត យុវជនសម្ដេចតេជោ (TYDA) ចំនួន៤៣នាក់ បានសហការជាមួយរដ្ឋបាលខណ្ឌកំបូល បានចុះធ្វើការអប់រំសុខភាពមាត់ធ្មេញ…
រាជធានីភ្នំពេញ៖ នៅព្រឹកថ្ងៃទី២០ កុម្ភៈ ឆ្នាំ២០២១ សមាគមគ្រូពេទ្យស្ម័គ្រចិត្ត យុវជនសម្ដេចតេជោ (TYDA) ចំនួន៤៣នាក់ បានសហការជាមួយរដ្ឋបាលខណ្ឌកំបូល បានចុះធ្វើការអប់រំសុខភាពមាត់ធ្មេញ និងអប់រំផ្សព្វផ្សាយអំពីវិធានការការពារកុំឱ្យចម្លងជំងឺ Covid-19 ដល់សិស្សានុសិស្សសរុបចំនួន២៨៦នាក់ និងលោកគ្រូអ្នកគ្រូចំនួន២៥នាក់ ស្ថិតក្នុងអនុវិទ្យាល័យ ទួលស្នោរ ភូមិស្នោរកើត សង្កាត់ស្នោរ ខណ្ឌកំបូល រាជធានីភ្នំពេញ។
សមាគមបានផ្តល់ជូនសម្ភារឧបត្ថម្ភរបស់សម្តេចអគ្គមហាសេនាបតីតេជោ ហ៊ុន សែន ដល់សិស្សានុសិស្សម្នាក់ៗនូវសៀវភៅ១ក្បាល ប៊ិច១ និងឈុតច្រាសថ្នាំដុសធ្មេញ២ ជាមួយគ្នានោះផងដែរ។
សិស្សានុសិស្ស១នាក់ៗ បានទទួលឧបត្ថម្ភទឹកដោះគោខាប់ ចំនួន ០២កំប៉ុង និងទឹកសុទ្ធ១ដបពីអាជ្ញាធរខណ្ឌកំបូលផងដែរ។
ដោយឡែក សមាគមបានផ្តល់បន្ថែមនូវសម្ភារឧបត្ថម្ភរបស់ សម្តេចអគ្គមហាសេនាបតីតេជោ ហ៊ុន សែន ជូនដល់សាលាបឋមសិក្សា និងអនុវិទ្យាល័យទួលស្នោរ ទទួលបាន ឈុតថ្នាំច្រាសដុសធ្មេញចំនួន ១,៣៣៨ ប្រអប់ សៀវភៅ ២៤០ក្បាល និងប៊ិចចំនួន ២៤០ដើម ។
ចែករំលែកព័តមាននេះ