រាជធានីភ្នំពេញ ៖ មានការភ្ញាក់ផ្អើលនិងរន្ធត់ជាខ្លាំង ខណៈដែលបុរសជនជាតិចិន
ម្នាក់ បានលោតទម្លាក់ខ្លួនពីលើអគារខ្ពស់មួយកន្លែង បណ្តាលឱ្យបាត់បង់ជីវិតភ្លាមៗនៅនឹងកន្លែងកើតឡើង កាលពីវេលាម៉ោងជាង១២ថ្ងៃត្រង់ ទី២០ កុម្ភៈ នេះ ស្ថិតតាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ ដោយគេមិនទាន់ដឹងពីមូលហេតុច្បាស់លាស់នៅឡើយ ។
ប្រភពបានឱ្យដឹងថា ជនរងគ្រោះខាងលើ គេនៅមិនស្គាល់ឈ្មោះនោះទេ ដោយសមត្ថកិច្ចបាននិងកំពុងហ៊ុមព័ទ្ធស.ពនិងទីតាំងកើតហេតុ ដើម្បីធ្វើការពិនិត្យនិងស្រាវជ្រាវ ។
ប្រភពបន្តទៀតថា តាមរយៈឆែកមើលកាមេរ៉ាសុវត្ថិភាពវិញ គឺឃើញបុរសចិនរូបនេះឡើងទៅលើអគារហើយបានឈរគិតមួយសន្ទុះរួចឡើងលើបង្កាន់ម្តង ។ ឈរគិតហើយម្តងទៀតក៏ឡើងលោតទម្លាក់ខ្លួនចុះដីតែម្តង ។
គិតមកត្រឹមម៉ោងជាង១រសៀលថ្ងៃដដែល ស្ថិតតាមផ្លូវទីតាំងកើតហេតុ គឺបានឃើញមានការកកស្ទះចរាចរណ៍ជាខ្លាំង ដោយអ្នកដំណើរជាច្រើនសឹងតែមិនអាចវិលកង់បានទេ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ