រាជធានីភ្នំពេញ ៖ លោកយិត សូវួច សាកលវិទ្យាធិការរងនៃសាកលវិទ្យាល័យភូមិន្ទនីតីសាស្ត្រ និងវិទ្យាសាស្ត្រសេដ្ឋកិច្ចបានមានប្រតិកម្មនិងធ្វើការបំភ្លឺថា លោកពុំបានបិទផ្លូវ និងធ្វើរបងស័ង្កសី រំលោភយកដីផ្លូវលេខ១៩៤៤នោះទេ ។…
រាជធានីភ្នំពេញ ៖ លោកយិត សូវួច សាកលវិទ្យាធិការរងនៃសាកលវិទ្យាល័យភូមិន្ទនីតីសាស្ត្រ និងវិទ្យាសាស្ត្រសេដ្ឋកិច្ចបានមានប្រតិកម្មនិងធ្វើការបំភ្លឺថា លោកពុំបានបិទផ្លូវ និងធ្វើរបងស័ង្កសី រំលោភយកដីផ្លូវលេខ១៩៤៤នោះទេ ។ ការតវ៉ារបស់ប្រជាពលរដ្ឋ ប្រមាណជាង២០នាក់ ដែលរស់នៅក្នុងភូមិទំនប់១ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីរសៀលថ្ងៃទី១៨ កុម្ភៈ ម្សិលមិញ ដោយចោទថា គាត់បានរំលោភយកដីផ្លូវបង្រួមផ្លូវពី២០ម៉ែត្រ មកនៅត្រឹម១០ម៉ែត្រ មិនមែនជាការពិតឡើយ ។
លោកយិត សូវួច បានអោយកោះសន្តិភាពដឹងថា លោកធ្វើរបងត្រឹមត្រូវតាមប្លង់ដីរបស់គាត់និងតាមរដ្ឋបាលរាជធានីភ្នំពេញដែល បានសម្រេចបង្រួមកំណាត់ផ្លូវលេខ១៩៤៤ពីទំហំទទឹង២០ម៉ែត្រមកត្រឹមតែ១០ម៉ែត្រវិញ ។ លោកសាកលវិទ្យាធិការងក៏បានអោយ ដឹងទៀតថានៅឆ្នាំ១៩៩២ គាត់បានមកទិញដីនេះ ពីឈ្មោះផាន់ ណន ទំហំ៥៩៨៤,២៥ម៉ែត្រការ៉េ ដែលពីមុន ជាដីបឹងពុំមានផ្លូវនោះទេ ។ ដីនេះបានមកពីញើសឈាម របស់គាត់ ដែលបានខិតខំបង្រៀនគួរ នៅវិទ្យាល័យ ឥន្ទ្រទេវី ។
លោក យិត សូវួច បានអោយដឹងទៀតថា នៅឆ្នាំ ២០០៥និង២០០៦ សាលារាជធានីភ្នំពេញដែលកាលនោះ លោកកែប ជុតិមា ជាអភិបាលក៍បានរៀបចំធ្វើប្លង់ផ្លូវ ទំហំទទឹងប្រវែង ២០ម៉ែត្រ ធ្វើអោយ ទ្រង់ទ្រាយដីរបស់គាត់មិនអាចប្រើប្រាស់បានដោយម្ខាងមានរាងត្រីកោណ និងម្ខាងទៀតមានរាងពហុកោណ។ នៅថ្ងៃទី២៨ខែកុម្ភះឆ្នាំ២០១៩គាត់ក៍បានដាក់ពាក្យសុំធ្វើប្លង់រឹង ហើយសាលាក្រុងថា ទាល់តែកាត់ផ្លូវទើបអាចធ្វើប្លង់បាន។ ទន្ទឹមនោះលោក ក៍បានស្នើសុំបិតផ្នែកខាងចុង នៃផ្លូវជាប់អតីតរ៉ាដា ដោយសារតែផ្នែកខាងចុងជាដីផ្លូវនិងប្រឡាយ ហើយ ក្រុងបានធ្វើកម្មសិទ្ធជួនប្រជាពលរដ្ឋ អស់ហើយ ព្រមទាំងស្នើសុំបង្រួមផ្លូវ ។
លុះក្រោយមករដ្ឋបាលរាជធានីភ្នំពេញក៍បានជួបប្រជុំដោះស្រាយ និងសម្រេច ធ្វើការបង្រួមផ្លូវលេខ ១៩៤៤ ពីទទឹង ២០ម៉ែត្រមកត្រឹមទទឹង ១០ម៉ែត្រ ពីអតីតរ៉ាដា មកដល់ផ្លូវលេខ ១១២១ ដែលមានប្រវែងជាង១០០ម៉ែត្រ ។បន្ទាប់ពីមានការសម្របសម្រួលគ្នា រដ្ឋបាលរាជធានីភ្នំពេញ ក៍បានចេញប្លង់រឹងអោយគាត់ នៅថ្ងៃទី២៤ខែធ្នូឆ្នាំ ២០២០ ដោយបង្រួមផ្លូវ ត្រឹម១០ម៉ែត្រ ហើយដីរបស់គាត់ចែកជា២គីក្បាលដីលេខ ១៥៩២និងក្បាលដីលេខ ១៤០២ ។ដោយសារតែ ស្ថានភាពបច្ចប្បន្ន រដ្ឋ មិនទាន់បើកផ្លូវ ទើបគាត់បានរស់នៅដូច ដើម ។
ដោយឡែក ប្រជាពលរដ្ឋ ដែលរស់នៅក្បែរនោះមានតែ ៣គ្រួសារក្នុងចំនួន៥ក្បាលដី។ លោកយិត សូវួចក៍បានបញ្ជាក់ថា ការចោទប្រកាន់ថា លោកបិទផ្លូវមិនមែនការពិតនោះទេ គីគាត់រស់នៅតាំងពីទិញដីដំបូងអត់មានផ្លូវ។ចំណែកការធ្វើរបងក៍មិនបានរំលោភយកដីផ្លូវ ឡើយ គីធ្វើតាមប្លង់ ដី ទុកផ្លូវ១០ម៉ែត្រ តាមការសម្រចបង្រួមរបស់រដ្ឋបាលរាជធានីភ្នំពេញតែប៉ុណ្ណោះ៕
ចែករំលែកព័តមាននេះ