ខេត្តបាត់ដំបង ៖ យោងតាមរបាយការណ៍នានារបស់សមត្ថកិច្ចបានឲ្យដឹងថា គ្រាន់តែត្រឹមរយៈពេលត្រឹមនៅក្នុងអំឡុងខែកុម្ភៈនេះ អគ្គិភ័យបានលេបត្របាក់ផ្ទះប្រជាពលរដ្ឋនៅខេត្តបាត់ដំបងអស់ចំនួន១៦ខ្នង ដែលគេសង្ស័យបណ្ដាលមកពីការទូស្សេខ្សែចរន្តអគ្គីសនី និងពួកញៀនថ្នាំ ធ្វើឲ្យខាតបង់ទ្រព្យសម្បត្តិអស់រាប់ម៉ឺនដុល្លា តែសំណាងល្អ មិនមានគ្រោះថ្នាក់ដល់មនុស្ស។…
ខេត្តបាត់ដំបង ៖ យោងតាមរបាយការណ៍នានារបស់សមត្ថកិច្ចបានឲ្យដឹងថា គ្រាន់តែត្រឹមរយៈពេលត្រឹមនៅក្នុងអំឡុងខែកុម្ភៈនេះ អគ្គិភ័យបានលេបត្របាក់ផ្ទះប្រជាពលរដ្ឋនៅខេត្តបាត់ដំបងអស់ចំនួន១៦ខ្នង ដែលគេសង្ស័យបណ្ដាលមកពីការទូស្សេខ្សែចរន្តអគ្គីសនី និងពួកញៀនថ្នាំ ធ្វើឲ្យខាតបង់ទ្រព្យសម្បត្តិអស់រាប់ម៉ឺនដុល្លា តែសំណាងល្អ មិនមានគ្រោះថ្នាក់ដល់មនុស្ស។
នៅក្នុងព្រឹត្តិហេតុរបស់សមត្ថកិច្ច គឺនៅថ្ងៃទី១២ កុម្ភៈ ដែលជាថ្ងៃចូលឆ្នាំចិននិងវៀតណាម គឺជាថ្ងៃចាប់ផ្ដើមឲ្យមានអគ្គិភ័យលើកដំបូង នៅក្នុងភូមិកន្ទូត សង្កាត់ក្ដុលដូនទាវ ស្រុកបាត់ដំបង ។ អគ្គិភ័យនេះ បានលេបត្របាក់យកផ្ទះពលរដ្ឋអស់ចំនួន០២ខ្នង រួមទាំងទ្រព្យសម្បត្តិជាច្រើនផង។ តែម្ចាស់ផ្ទះរងគ្រោះបានអះអាងប្រាប់សមត្ថកិច្ចថា «អគ្គិភ័យនោះ បានផ្ដើមចេញពីការទុស្សេខ្សែចរន្តអគ្គិសនី»។
ចំណែកលើកទី២ បានកើតឡើង ព្រឹកថ្ងៃទី១៦ កុម្ភៈ នៅក្នុងប្លុកស្ថានីយរថភ្លើង ស្ថិតចំកណ្ដាលក្រុងបាត់ដំបង។ លើកទី២នេះ អគ្គិភ័យបានលេបត្របាក់លំនៅឋានពលរដ្ឋអស់ទាំងស្រុងចំនួន០៨ខ្នង រីឯចំនួន០៥ខ្នងទៀតប៉ះពាល់បន្តិចបន្តួច។ ហេតុផលដែលនាំឲ្យកើតឡើងនូវអគ្គិភ័យដ៏សាហាវត្រឹមមួយប៉ប្រិចភ្នែកនេះ បើតាមប្រភពពីសមត្ថកិច្ចបានឲ្យដឹងថា គេសង្ស័យជនញៀនថ្នាំម្នាក់ដែលជួលបន្ទប់ស្នាក់នៅទីនោះ ជាអ្នកផ្ដើមឲ្យមានអគ្គិភ័យនេះ។ ក្រោយកើតហេតុ សមត្ថកិច្ចបានតាមស្វែងរកជនញៀនថ្នាំនោះយ៉ាងខ្វែងខ្វាត់ដែរ តែរហូតដល់ពេលនេះ ហាក់បាត់ដំណឹងជននេះឈឹងតែម្ដង។
ដោយឡែក អគ្គិភ័យកើតលើកចុងក្រោយនេះ នៅរសៀលថ្ងៃទី១៨ កុម្ភៈ នៅចំណុចភូមិកណ្ដាលត្បូង ឃុំគោកឃ្មុំ ស្រុកថ្មគោល។ លោកផង់ សុភាព អធិការស្រុកថ្មគោល បានរាយការណ៍ថា លំនៅឋាននោះ ត្រូវបានអគ្គិភ័យឆេះអស់ទាំងស្រុងតែម្ដង។ លោកអធិការបានប្រាប់ថា បើតាមការសួរនាំម្ចាស់ផ្ទះឈ្មោះ អ៊ុក ខាន់ ប្រុសអាយុ៦៨ឆ្នាំ បានប្រាប់ថា អគ្គីភ័យដែលឆេះផ្ទះគាត់គឺបណ្ដាលមកពីការទុស្សេខ្សែភ្លើង ហើយបានលេបយកផ្ទះគាត់អស់ទាំងស្រុងតែម្ដង សូម្បីតែទ្រព្យសម្បត្តិក៏ក្លាយជាផេះអស់គ្មានសល់
ដែរ។
មន្ត្រីការិយាល័យបង្ការពន្លត់អគ្គីភ័យ នៃស្នងការខេត្ត បាននិយាយថា តុល្យការ នៃការខូចខាតដោយសារគ្រោះអគ្គិភ័យចំនួន០៣លើក ជាបន្តបន្ទាប់ខាងលើនេះ បានធ្វើឲ្យពលរដ្ឋខាតបង់ថវិការអស់រាប់សិបលានរៀល តែសំណាងល្អ ដែលមិនមានគ្រោះថ្នាក់ដល់មនុស្ស។ មន្ត្រីដដែលបានបញ្ជាក់ថា រាល់ហេតុការណ៏ដែលបានកើតឡើង រថយន្តពន្លត់អគ្គីភ័យរបស់សមត្ថកិច្ច បានចេញជួយអន្តរាគមន៏ស្ទើរគ្រប់ពីតាមបណ្ដាស្រុកនានា ដែលនៅជិត។
កន្លែងខ្លះ អាចសង្គ្រោះបានខ្លះ រីឯកន្លែងខ្លះទៀតបានត្រិមបាញ់ការពារទប់ស្កាត់កុំឲ្យរាលដាល។ ព្រោះភាគច្រើនអគ្គីភ័យឆេះលឿនពេក។ ជាមួយនឹងអគ្កីភ័យដែលកើតឡើងយ៉ាងខ្លាំងក្លានេះ ប្រជាពលរដ្ឋគួតែមានការប្រុងប្រយ័ត្ន ព្រោះនេះជារដូវក្ដៅ ដែលនាំឲ្យមានអគ្គិភ័យកើតឡើងដោយយថាហេតុ ៕
ចែករំលែកព័តមាននេះ