ADផ្ទាំងផ្សព្វផ្សាយពាណិជ្ជកម្ម

Picture

CDC អនុម័តគម្រោង​វិនិយោគជិត ៧០លានដុល្លារ បង្កើត​រោងចក្រផ្តុំដំឡើងទោចក្រ​យាន​យន្ត និងផលិត​គ្រឿងសង្ហារឹម

3 ឆ្នាំ មុន
  • ភ្នំពេញ

រាជធានីភ្នំពេញ ៖ ក្រុមប្រឹក្សាអភិវឌ្ឍន៍កម្ពុជា ដែលហៅកាត់ថា CDC ទើបអនុម័តឲ្យមានដំណើរការរោង​ចក្រចំនួនពីរបន្ថែមទៀត នៅក្នុងខែកុម្ភៈនេះ ។ ទីមួយគឺរោងចក្រផ្គុំដំឡើងទោចក្រយាន​យន្ត និងត្រីចក្រយានយន្ត…

រាជធានីភ្នំពេញ ៖ ក្រុមប្រឹក្សាអភិវឌ្ឍន៍កម្ពុជា ដែលហៅកាត់ថា CDC ទើបអនុម័តឲ្យមានដំណើរការរោង​ចក្រចំនួនពីរបន្ថែមទៀត នៅក្នុងខែកុម្ភៈនេះ ។ ទីមួយគឺរោងចក្រផ្គុំដំឡើងទោចក្រយាន​យន្ត និងត្រីចក្រយានយន្ត ទី ២ គឺរោងចក្រផលិតសាឡុង គ្រែ និងគ្រឿងសង្ហារឹមគ្រប់​ប្រភេទ ។

រោងចក្រទី ១ ដែលផលិត ជារោងចក្រផ្គុំតម្លើងទោចក្រយានយន្ត និងត្រីចក្រយាន​យន្តប្រើដោយថាមពលអគ្គិសនី ដែលមានទីតាំង​វិនិយោគស្ថិតនៅក្នុងតំបន់សេដ្ឋកិច្ច​ពិសេស សុវណ្ណភូមិ ខេត្តកណ្តាលមានទុន​វិនិយោគប្រមាណ ២០លានដុល្លារអាមេរិក និងអាចបង្កើតការងារបានចំនួន ៣៨០កន្លែង ។ ចំណែករោងចក្រផលិតសាឡុង គ្រែ និងគ្រឿងសង្ហារឹមគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់​សេដ្ឋកិច្​ចពិសេស ស៊ីន បាវិត ខេត្តស្វាយរៀង, មានទុនវិនិយោគប្រមាណ ៤៧,៧លាន​ដុល្លារអាមេរិក និងអាចបង្កើតការងារបានចំនួន ៨២០កន្លែង ។

បើតាម CDC ស្ថានភាពវិនិយោគពីក្រៅប្រទេសនៅកម្ពុជាក្នុងឆ្នាំ ២០២១នេះ មាន​លក្ខណៈ​​ល្អប្រសើរជាងឆ្នាំ ២០២០ ។ តាមក្រុមប្រឹក្សាអភិវឌ្ឍន៍កម្ពុជា បានឲ្យដឹង​ដែលថា នៅឆ្នាំ ២០២០ ក្រុមប្រឹក្សាអភិវឌ្ឍន៍កម្ពុជា តាមរយៈគណៈកម្មាធិការវិនិយោគកម្ពុជា និងគណៈកម្មាធិការតំបន់​សេដ្ឋកិច្ចពិសេសកម្ពុជាបានអនុម័តគម្រោងវិនិយោគ​ចំនួន ២៣៨គម្រោង ដែលមានទុនវិនិយោគសរុបប្រមាណ ៨,២ពាន់លានដុល្លារ ថយចុះប្រមាណ ១២% ធៀប ឆ្នាំ២០១៩ ។ ដោយឡែកក្នុងមួយខែឆ្នាំ ២០២១នេះ គឺពេញមួយខែមករាកន្លងមកនេះ អង្គភាពរបស់ក្រុមប្រឹក្សាអភិវឌ្ឍន៍កម្ពុជានេះ ទទួលបានគម្រោងវិនិ យោគចំនួន ២០ មានទុនវិនិយោគប្រមាណ ៦២១លានដុល្លារ​មានកើងឡើងពីឆ្នាំ ២០២០ ដែលមានការវាយលុកខ្លំាងពីកូវីដ ១៩ នោះ ៕

អត្ថបទសរសេរ ដោយ

កែសម្រួលដោយ