អង់គ្លេស ៖ ជារឿងដ៏សោកសៅបំផុតសម្រាប់ប្រជាជាតិចក្រភពអង់គ្លេស បន្ទាប់ពីលោកតា Tom Moore ឥស្សរជនដ៏ខ្ពង់ខ្ពស់ និងជាអតីតទាហានប្តូរផ្តាច់ក្នុងសម័យសង្គ្រាមលោកលើកទី២ បានទទួលបានមរណភាពក្នុងអាយុ១០០ឆ្នាំ កាលពីថ្ងៃទី២…
អង់គ្លេស ៖ ជារឿងដ៏សោកសៅបំផុតសម្រាប់ប្រជាជាតិចក្រភពអង់គ្លេស បន្ទាប់ពីលោកតា Tom Moore ឥស្សរជនដ៏ខ្ពង់ខ្ពស់ និងជាអតីតទាហានប្តូរផ្តាច់ក្នុងសម័យសង្គ្រាមលោកលើកទី២ បានទទួលបានមរណភាពក្នុងអាយុ១០០ឆ្នាំ កាលពីថ្ងៃទី២ ខែកុម្ភះ ម្សិលមិញក្រោយឆ្លងកូវីដ១៩។
ដំណឹងមរណភាពលោកតា ត្រូវបានប្រកាសដោយកូនស្រីគាត់ផ្ទាល់តែម្តងនៅឯមន្ទីរពេទ្យ Bedford។ លោកស្រីបានបញ្ជាក់ថា ឪពុករបស់គាត់មានបញ្ហារលាកសួតខ្លាំង មុនពេលគាត់ត្រូវបានធ្វើតេស្តឃើញថាឆ្លងវីរុសកូវីដ១៩កាលពីសប្តាហ៍មុន។
សូមរំលឹកថា ក្រៅពីតស៊ូប្តូរផ្តាច់ដើម្បីការពារមាតុភូមិ លោកតា Tom Moore បានចូលរួមចំណែកយ៉ាងធំធេងបំផុត ដោយរៃអង្គាសប្រាក់ជិត៣៣លានផោន (ប្រមាណ៤៥លានដុលា្លរ) តាមរយៈការបង្កើតការប្រកួតប្រជែង (Challenge) ដោយដើរជុំវិញសួនច្បារក្នុងផ្ទះរបស់គាត់ ដើម្បីបរិច្ចាគដល់សេវាសុខភាពជាតិ NHS អំឡុងពេលមានវិបត្តិកូវីដ១៩ក្នុងប្រទេសនេះ។
លោកតាត្រូវបានផ្តល់ងារជា «Captain Sir Thomas Moore» ពីសំណាក់ម្ចាស់ក្សត្រី Elizabeth ទី២ និងពីសហព័ន្ធបាល់ទាត់អង់គ្លេសហៅកាត់ថា FA ចំពោះការលះបង់ដ៏ធំធេងរបស់គាត់៕ រំលឹកថា ៖ អតីតទាហានជើងចាស់អង់គ្លេសម្នាក់ទទួលបានការផ្តល់កិត្តិយសពី FA (ដកស្រង់ចេញពី BBC)
ចែករំលែកព័តមាននេះ