ផ្អែកតាមទស្សនៈអ្នកប្រាជ្ញខាងព្រះពុទ្ធសាសនាបានពន្យល់ថា ការប្រារព្ធពិធីបុណ្យមាឃបូជាបានផលប្រយោជន៍ច្រើនណាស់ពិសេសខាងចិត្តវិញ្ញាណ ដែលប្រយោជន៍ទាំងនោះរួមមាន៥ចំណុចគឺ៖ ១- ពុទ្ធសាសនិកជនបានយល់ដឹងយ៉ាងត្រឹមត្រូវនូវសារៈសំខាន់នៃថ្ងៃមាឃបូជានេះ ។ ២- យល់ដឹងគោលធម៌ និងគោលជំហររបស់ព្រះពុទ្ធសាសនា ។…
ផ្អែកតាមទស្សនៈអ្នកប្រាជ្ញខាងព្រះពុទ្ធសាសនាបានពន្យល់ថា ការប្រារព្ធពិធីបុណ្យមាឃបូជាបានផលប្រយោជន៍ច្រើនណាស់ពិសេសខាងចិត្តវិញ្ញាណ ដែលប្រយោជន៍ទាំងនោះរួមមាន៥ចំណុចគឺ៖
១- ពុទ្ធសាសនិកជនបានយល់ដឹងយ៉ាងត្រឹមត្រូវនូវសារៈសំខាន់នៃថ្ងៃមាឃបូជានេះ ។
២- យល់ដឹងគោលធម៌ និងគោលជំហររបស់ព្រះពុទ្ធសាសនា ។
៣- បណ្តុះសទ្ធាជ្រះថ្លាឱ្យកាន់តែជាភិយ្យោភាពឡើង ក្នុងគោលធម៌របស់ព្រះសម្មាសម្ពុទ្ធជាម្ចាស់ ។
៤- បានបដិបត្តិតួនាទីរបស់ពុទ្ធសាសនិកក្នុងថ្ងៃមាឃបូជានេះ ។
៥- បានជួយជ្រោមជ្រែងព្រះពុទ្ធសាសនាឱ្យតាំងនៅស្ថិតស្ថេរ ចេរកាលយូរអង្វែងទៅ ។
ការជួយលើកស្ទួយគុណតម្លៃព្រះពុទ្ធសាសនា និងលើកគុណភាពជីវិតផ្នែកចិត្តវិញ្ញាណរបស់ខ្លួនឱ្យល្អប្រសើរឡើង តាមគោលការណ៍ ធ្វើអំពើល្អឱ្យដល់ព្រម ពោលគឺបណ្តុះចិត្តឱ្យស្ថិតក្នុងបុណ្យកុសលនោះឯង ឈ្មោះថាពុទ្ធសាសនិកដ៏ប្រពៃ ៕ សាន សារិន
ចែករំលែកព័តមាននេះ