សមត្ថកិច្ចចុះចាប់អ្នកលេងល្បែងជល់មាន់ ០៨នាក់ ក្នុងស្រុកសង្កែ
ខេត្តបាត់ដំបង ៖ នាវេលាម៉ោង ១៥និង១២នាទី រសៀលថ្ងៃទី ២៧ ខែ មករា ឆ្នាំ ២០២១…
ខេត្តបាត់ដំបង ៖ នាវេលាម៉ោង ១៥និង១២នាទី រសៀលថ្ងៃទី ២៧ ខែ មករា ឆ្នាំ ២០២១ កម្លាំងក្រុមអន្តរាគមន៍ បើកកិច្ចប្រតិបត្តិការបង្ក្រាបករណីល្បែងស៊ីសងភ្នាល់(ជល់មាន់) មួយកន្លែង នៅចំណុចវាលស្រែ ស្ថិតក្នុងភូមិ ព្រៃស្វាយ ឃុំរាំងកេសី ស្រុកសង្កែ ខេត្តបាត់ដំបង ឃាត់ខ្លួនក្រុមអ្នកប្រព្រឹត្តចំនួន០៨នាក់ និងវត្ថុតាងមួយចំនួន ។
សមត្ថកិច្ចបានអោយដឹងថា នៅក្នុងកិច្ចប្រតិបត្តិការខាងលើដោយអនុវត្តន៍តាមការណែនាំបញ្ជាផ្ទាល់ពី លោក ឧត្ដមសេនីយ៍ទោ សាត គឹមសាន ស្នងការ នៃនៃស្នងការដ្ឋាននគរបាលខេត្តនិងដោយ មានការសម្របសម្រួលនីតិវិធីពីឯកឧត្ដម គឺ ប៊ុណ្ណារ៉ា ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង លោកវរសេនីយ៍ ឯក លឹម ពុទ្ធីឡា ស្នងការរងផែនការងារនគរ បាលព្រហ្មទណ្ឌ បានចាត់តាំងលោកវរសេនីយ៍ ឯក ឈឿង គឹមសុង នាយការិយាល័យនគរ បាលព្រហ្មទណ្ឌកម្រិតស្រាល ដឹកនាំកម្លាំងក្រុមអន្តរាគមន៍ សហការជាមួយកម្លាំងការិយាល័យជំនាញ ចុះប្រតិបត្តិការបង្ក្រាបករណី ល្បែងស៊ីសងភ្នាល់ជល់មាន់ និងបានធ្វើការនាំខ្លួនមនុស្សចំនួន ០៨នាក់ មកកាន់ស្នងការដ្ឋាន ។
សមត្ថកិច្ចជំនាញ ក៏បានដកហូតវត្ថុតាងរួមមាន ៖
- សង្វៀនសម្រាប់ជល់មាន់ ចំនួន ០២
- មាន់ជល់ចំនួន ០២ ក្បាល
- ស៊ុមសម្រាប់ក្រុងមាន់ចំនួន ០៣
- ឆ្នាំងដាំទឹកសម្រាប់ស្អំមាន់ជល់ចំនួន ០១
- ជញ្ជីងសម្រាប់ថ្លឹងមាន់ជល់ ចំនួន ០១
- ម៉ូតូចំនួន ១១ គ្រឿង
ក្រោយការឃាត់ខ្លួន ជនសង្ស័យទាំង៨នាក់ខាងលើ ត្រូវបានសមត្ថកិច្ច នៃការិយាល័យជំនាញកំពុងរៀបចំចាត់ការតាមផ្លូវច្បាប់ ៕
ចែករំលែកព័តមាននេះ