នៅក្នុងចតុរង្គមហាសន្និបាតដែលមានសាវកសុទ្ធតែជាព្រះអរហន្តចំនួន១២៥០អង្គចូលរួម ព្រះសម្មាសម្ពុទ្ធបានប្រកាសបង្កើតអង្គការព្រះពុទ្ធសាសនាក្នុងលោកនាឱកាសនោះ និងប្រកាសអំពីគោលបំណងរបស់ព្រះពុទ្ធសាសនាដូចជា គោលបំណងរបស់ពុទ្ធសាសនិកគ្រប់រូបត្រូវស្វែងរក គឺនិព្វានដែលប្រែថា សភាវៈប្រាសចាកទុក្ខ មិនមានសេចក្តីទុក្ខ មិនមានបញ្ហានៅក្នុងដួងចិត្តរបស់ខ្លួន ។
ពាក្យថា និព្វាននេះ មានន័យស្មើនឹង ពាក្យថា «សន្តិភាព » ដែលប្រែថា សេចក្តីស្ងប់ ។ យើងអាចនិយាយថា គោលបំណងរបស់ព្រះពុទ្ធសាសនា គឺការបង្កើតឡើងនូវសន្តិភាពក្នុងដួងចិត្តនេះដែរ ដោយហេតុថាចិត្តស្ងប់នេះហើយជាមូលដ្ឋានគ្រឹះនៃសន្តិភាពក្នុងសង្គមដែលខ្លួនរស់នៅ ។
ដូចនេះការកាន់ព្រះពុទ្ធសាសនា គឺជាការប្រឹងប្រែងដើម្បីបង្កើតសន្តិភាពដល់ខ្លួនផង និងចូលរួមចំណែកដល់សន្តិភាពសង្គមជាតិផង ។ នេះជាកាតព្វកិច្ច ដែលពុទ្ធសាសនិកម្នាក់ៗ ត្រូវប្រឹងប្រែងធ្វើឱ្យសម្រេច ៕ សាន សារិន
ចែករំលែកព័តមាននេះ