បិសាចក្រហមខកខានឱកាសកំពូលតារាង ក្រោយចាញ់ក្រុមបាតតារាង
អង់គ្លេស ៖ ក្រុមម្ចាស់ផ្ទះ Manchester United ខកខានឱកាសឡើងឈរតំណែងកំពូលតារាងក្នុងសប្តាហ៍ទី២០ ក្រោយចាញ់ក្រុមបាតតារាង Sheffield United ដោយលទ្ធផល…
អង់គ្លេស ៖ ក្រុមម្ចាស់ផ្ទះ Manchester United ខកខានឱកាសឡើងឈរតំណែងកំពូលតារាងក្នុងសប្តាហ៍ទី២០ ក្រោយចាញ់ក្រុមបាតតារាង Sheffield United ដោយលទ្ធផល ២-១ កាលពីយប់ម្សិលមិញ។
ក្រុមភ្ញៀវមានឱកាសនាំមុខនៅនាទី២៣ ដោយខ្សែការពារ Kean Bryan ក្នុងតង់ទី១។ ចូលដល់តង់ទី២ខ្សែការពារ Harry Maguire តាមស្មើមកវិញនៅនាទី៦៤។ លុះឈានដល់នាទី៧៤ ខ្សែបម្រើប្រយុទ្ធ Oliver Burke គឺជាអ្នករកគ្រាប់ជ័យជម្នះសម្រាប់ Sheffield។
Sheffield គឺជាក្រុមដំបូងគេក្នុងលីគដែលឱ្យ Man UTD ស្គាល់ចាញ់ក្នុងឆ្នាំ ២០២១ នេះ ហើយក៏ជាបរាជ័យលើកដំបូងសម្រាប់ក្រុមលោក Solskjaer ត្រឹមប្រកួតទី១៤ ចាប់តាំងពីការចាញ់ចុងក្រោយក្នុងលីគរបស់ពួកគេទល់នឹង Arsenal កាលពីខែវិច្ឆកា ឆ្នាំ២០២០ កន្លងទៅ។
Man UTD បន្តឈរនៅលេខ២ មាន៤០ពិន្ទុ តាមពីក្រោយក្រុមកំពូលតារាង Man City ដែលនៅសល់១ប្រកួតក្នុងដៃចំនួន១ពិន្ទុ។ ដោយឡែក Sheffield នៅតែបន្តស្ថិតនៅតំបន់ដែលត្រូវកាត់ចោលដដែលដោយមាន៨ពិន្ទុ តាមពីក្រោយក្រុមលេខ១៩ West Brom ចំនួន៣ពិន្ទុ៕
ចែករំលែកព័តមាននេះ