ADផ្ទាំងផ្សព្វផ្សាយពាណិជ្ជកម្ម

Picture

​ឆ្នាំ២០២០ កន្លង​ទៅរដ្ឋាភិបាល​ជប៉ុន​​ផ្តល់​ឥណទាន​សម្បទានជាទឹកប្រាក់​២៥ ប៊ី​លាន​យ៉េន​ជប៉ុន

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ ក្នុង​ឆ្នាំ ២០២០ កន្លង​មកនេះ រដ្ឋាភិបាល​ជប៉ុន បាន​ផ្តល់​ឥណទាន​សម្បទាន មាន​ទឹកប្រាក់​ចំនួន ២៥ ប៊ី​លាន​យ៉េន​ជប៉ុន…

រាជធានី​ភ្នំពេញ ៖ ក្នុង​ឆ្នាំ ២០២០ កន្លង​មកនេះ រដ្ឋាភិបាល​ជប៉ុន បាន​ផ្តល់​ឥណទាន​សម្បទាន មាន​ទឹកប្រាក់​ចំនួន ២៥ ប៊ី​លាន​យ៉េន​ជប៉ុន (​ត្រូវជា​ប្រមាណ ២៣៨ លាន​ដុល្លារ​អា​មេ​រិ​ក​) ក្នុង​ការ​ចូល​រួ​ម​ចំណែក លើ​គ្រប់​វិស័យ​ក្នុង​ប្រទេស​កម្ពុជា​ ។

នៅ​ថ្ងៃ​ទី ២៥ ខែ មក​រា ឆ្នាំ ២០២១ នេះ ឯកឧត្តម​អគ្គបណ្ឌិត​សភាចា​រ្យ ឧបនាយករដ្ឋមន្ត្រី បាន​សម្តែង​នូវ​សេចក្តី​សោមនស្ស​រីករាយ អបអរសាទរ ចំពោះ​លោកស្រី KAMEI Haruko ប្រធាន​តំណាង​ថ្មី របស់​ទីភ្នាក់ងារ​សហប្រតិបត្តិការ​អន្តរជាតិ​នៃ​ប្រទេស​ជប៉ុន (JICA) ប្រចាំ​ព្រះរាជាណាចក្រ​កម្ពុជា និង​បាន​ថ្លែងអំណរគុណ​ចំពោះ​រដ្ឋាភិបាល​ជប៉ុន និង​ប្រជាជន​ជប៉ុន ដែល​តែងតែ​ជួយ​គាំទ្រ​ក្នុង​ការ​ស្តារ និង​ការ​អភិវឌ្ឍ​សេដ្ឋកិច្ច និង​សង្គម​ដល់​កម្ពុជា ​។

ឯកឧត្តម​អគ្គបណ្ឌិត​សភាចា​រ្យ អូន ព័ន្ធ​មុនី​រ័​ត្ន បាន​ថ្លែងអំណរគុណ​យ៉ាង​ជ្រាលជ្រៅ ចំពោះ​រដ្ឋាភិបាល និង​ប្រជាជន​ជប៉ុន ពិសេស ទីភ្នាក់ងារ​សហប្រតិបត្តិការ​អន្តរជាតិ​នៃ​ប្រទេស​ជប៉ុន (JICA) ប្រចាំ​ព្រះរាជាណាចក្រ​កម្ពុជា ដែល​បាន​ដើរតួ​នាទី​យ៉ាង​សកម្ម ក្នុង​ការ​ផ្តល់​កិច្ច​សហប្រតិបត្តិការ​អភិវឌ្ឍន៍​ផ្លូវការ (ODA) ឆ្លើយ​តប​ចំ​ទិស​ដៅ​អភិវឌ្ឍន៍​របស់​រាជរដ្ឋាភិបាល​កម្ពុជា និង​សង្ឃឹមថា JICA នឹង​បន្ត​ជួយ​ពង្រឹង និង​ពង្រីក​កិច្ច​សហប្រតិបត្តិការ​ក្នុង​វិស័យសេដ្ឋកិច្ច​សង្គម​រវាង​ព្រះរាជាណាចក្រ​កម្ពុជា និង​ប្រទេស​ជប៉ុន ឱ្យ​កាន់តែ​ទូលំទូលាយ និង​ស្អិតរ​មួ​ត​ថែម​ទៀត​។

សូម​ជម្រាប​ផង​ដែរ​ថា ប្រទេស​ជប៉ុន គឺជា​ដៃគូ​យុទ្ធសាស្ត្រ និង​ជា​ដៃគូ​សហប្រតិបត្តិការ​ទ្វេភាគី​ធំ​ជាងគេ​មួយ ដែល​បាន​ផ្តល់​ហិរញ្ញប្បទាន​ដល់​ប្រទេស​កម្ពុជា​។ ការ​ផ្តល់​ហិរញ្ញប្បទាន​របស់​រដ្ឋាភិបាល​ជប៉ុន គឺ​ចំ​គោលដៅ លើ​គ្រប់​វិស័យ រួម​មាន ៖ សុខាភិបាល អប់រំ កសិកម្ម ហេដ្ឋារចនាសម្ព័ន្ធ​ផ្លូវជាតិ ស្ពាន កំពង់​ផែ​ស្វយ័ត​អន្តរជាតិ ប្រព័ន្ធ​ធារាសាស្ត្រ បណ្តាញ​ថាមពល​អគ្គិសនី និង​ការ​ផ្គត់ផ្គង់​ទឹក​ស្អាត ជាដើម​។​ល​។ និង​បាន​ចូលរួម​ចំណែក​ជាមួយ​ដៃគូ​អភិវឌ្ឍន៍​នានា​ជួយ​គាំទ្រ​សកម្មភាព​នៃ​ការ អនុវត្ត​គោលនយោបាយ​របស់​រាជរដ្ឋាភិបាល​កម្ពុជា ក្នុង​ការ​ឆ្លើយ​តប​ទៅ​នឹង​ផល​ប៉ះពាល់​ដោយសារ​ជំងឺ​កូ​វី​ដ ១៩ លើ​បញ្ហា​សុខភាព សង្គម និង​សេដ្ឋកិច្ច​កម្ពុជា សំដៅ​រក្សា​លំនឹង​សេដ្ឋកិច្ច​-​សង្គម ក៏​ដូច​ជា ជំរុញ​កំណើនសេដ្ឋកិច្ច​ឡើង​វិញ​ ។

លោកស្រី KAMEI Haruko ក៏​បាន​សម្តែង​នូវ​សេចក្តី​សោមនស្ស​រីករាយ ដែល​បាន​មក​បំពេញភារកិច្ច​នៅ​ព្រះរាជាណាចក្រ​កម្ពុជា និង​បាន​សម្តែង​នូវ​ការ​កោតសរសើរ​ចំពោះ កិច្ច​ខិតខំ​ប្រឹងប្រែង​របស់​រាជរដ្ឋាភិបាល​កម្ពុជា ដែល​សម្រេច​បាន​នូវ​សមិទ្ធផល​ផ្លែផ្កា​ជា​ច្រើន ជា​ពិសេស ក្នុង​ការ​ចាត់វិធានការ​យ៉ាង​ម៉ឺងម៉ាត់ និង​ម៉ត់ចត់ បង្ការ និង​ទប់ស្កាត់​ការ​រីក​រាលដាល​នៃ​ជំងឺ​កូ​វី​ដ ១៩ នា​ពេល​បច្ចុប្បន្ន​នេះ​។

ក្នុង​អាណិត្ត​បំពេញភារកិច្ច​នៅ​កម្ពុជា លោកស្រី​សន្យា​នឹង​បន្ត​ខិតខំ​ពង្រឹង និង​ពង្រីក​កិច្ច​សហប្រតិបត្តិការ​លើ​គ្រប់​វិស័យ​អាទិភាព​របស់​រាជរដ្ឋាភិបាល​កម្ពុជា ព្រមទាំង​បន្ត​ការ​គាំទ្រ នូវ​ការ​ផ្តល់​ហិរញ្ញប្បទាន​បន្ថែម​ទៀត ក្នុង​ក្របខ័ណ្ឌ​នៃ​កិច្ច​សហប្រតិបត្តិការ​អភិវឌ្ឍន៍​ផ្លូវការ (ODA) ទាំង​ក្នុង​ក្របខ័ណ្ឌ​ហរិ​ញ្ញ​ប្ប​ទាន​ឥត​សំណង ឥណទាន​សម្បទាន និង​ជំនួយ​បច្ចេកទេស​ជាដើម​៕

អត្ថបទសរសេរ ដោយ