រាជធានីភ្នំពេញ ៖ ពីរនាក់ប្ដីប្រពន្ធបាន នាំគ្នាជិះម៉ូតូរ៉ឺម៉កកង់បួនទៅមន្ទីរពេទ្យកាល់ម៉ែត ដើម្បីឱ្យគ្រូពេទ្យរុំរបួសក្រោយពីពួកគេប្រើអំពើហិង្សាវាយតប់គ្នាក្នុងផ្ទះសំណាក់ មួយស្ថិតក្នុងសង្កាត់ផ្សារថ្មី ខណ្ឌដូនពេញ កាលពីវេលាម៉ោងប្រមាណ៤ទៀបភ្លឺថ្ងៃទី១៥ មិថុនា ២០១០ ដោយសារលោកប្ដីម្នាក់នេះចង់រួមរ័ក ប៉ុន្ដែប្រពន្ធមិនព្រម ក៏ពន្យុះឱ្យយកស្រីពីក្រៅមករួមរ័ក លុះប្ដីយកមកមែន ក៏រឿងប្រច័ណ្ឌវាយតប់គ្នាតែម្ដង ។ ប្ដីប្រពន្ធដែលប្រើអំពើហិង្សាវាយតប់ ទាត់ធាក់គ្នា រហូតចូលមន្ទីរពេទ្យនេះ ត្រូវគេស្គាល់ថា នាងប្រពន្ធឈ្មោះទូច ដា អាយុ៣៣ ឆ្នាំ រីឯប្ដីឈ្មោះឃិន ភាព អាយុ៣៦ឆ្នាំ ពួកគេមានមុខរបរធ្វើចំការ រស់នៅខេត្ដកែប ។
បុរសជាប្ដីបាននិយាយឱ្យសមត្ថកិច្ចដឹងថា ពួកគេបាននាំគ្នាជិះរថយន្ដឈ្នួលពីផ្ទះនៅឯខត្ដកែប ដើម្បីមកលេងរាជធានីភ្នំពេញ ព្រោះខានមកលេងជាយូរឆ្នាំមកហើយ ក្រោយពីដើរលេងពេញមួយយប់ថ្ងៃទី១៤ មិថុនា ពួកគេក៏ជួលបន្ទប់ផ្ទះសំណាក់ម្ដុំផ្សារសូរិយាស្នាក់ នៅមួយយប់ថ្លៃ៧ដុល្លារ ។បុរសជាប្ដីបន្ដថា ខណៈពេលងូតទឹករួចរាល់ រូបគេមានអារម្មណ៍ចង់រួមរ័ក ហើយសុំ ប្រពន្ធ…ប៉ុន្ដែនាងប្រកែក ព្រមទាំងពោល ពាក្យបញ្ឈឺចិត្ដថា “បើចង់ណាស់ទៅហៅស្រី ពីក្រៅមកដេកទៅ” ពេលនោះគេក៏តបវិញ ថាពិតឬ? បន្ទាប់មកក៏បើកទ្វារបន្ទប់ចុះទៅ ហៅស្រីមកដេកជាមួយមែន ព្រោះមាន អារម្មណ៍ពុះកញ្ជ្រោលមិនអាចទ្រាំបានឡើយ ។ បន្ទាប់ពីរួមរ័កជាមួយស្ដ្រីរកស៊ីផ្លូវភេទរួច ស្រីនោះក៏ចេញទៅបាត់ ស្រាប់តែ លោកស្រីជាប្រពន្ធរបស់ខ្លួនកើតរឿងប្រច័ណ្ឌក្រេវក្រោធរហូតវាយតប់គ្នាខ្លាំងក្លាតែម្ដង ។
ចែករំលែកព័តមាននេះ