ADផ្ទាំងផ្សព្វផ្សាយពាណិជ្ជកម្ម

Picture

អនិច្ចា​! មួយ​គ្រួសារ​ជួប​គ្រោះ​អកុសល​ទាំងអស់​លើ​ផ្លូវជាតិ​លេខ​៦

3 ឆ្នាំ មុន
  • សៀមរាប

ខេត្តសៀមរាប ៖ រថយន្ត​សាំ​យ៉ុ​ង​ដឹក​បន្លែ​មួយ​ចេញពី​ខេត្តបាត់ដំបង មក​លក់​នៅ​ខេត្តសៀមរាប ស្រាប់តែ​បែក​កង់ បណ្ដាល​ឱ្យ​រ៉េ​ចង្កូត​ទៅ​បុក​ម៉ូតូ​មួយ​គ្រឿង​ជិះ​គ្នា​៣​នាក់ ប្តី​ប្រពន្ធ និង​កូនស្រី បណ្តាល​ឱ្យ​២​នាក់​ឪពុក​កូន​បាត់បង់​ជីវិត​នៅ​នឹង​កន្លែង​កើ​តេ​ហ​តុ និង​ម្តាយ​រង​របួសធ្ងន់…

ខេត្តសៀមរាប ៖ រថយន្ត​សាំ​យ៉ុ​ង​ដឹក​បន្លែ​មួយ​ចេញពី​ខេត្តបាត់ដំបង មក​លក់​នៅ​ខេត្តសៀមរាប ស្រាប់តែ​បែក​កង់ បណ្ដាល​ឱ្យ​រ៉េ​ចង្កូត​ទៅ​បុក​ម៉ូតូ​មួយ​គ្រឿង​ជិះ​គ្នា​៣​នាក់ ប្តី​ប្រពន្ធ និង​កូនស្រី បណ្តាល​ឱ្យ​២​នាក់​ឪពុក​កូន​បាត់បង់​ជីវិត​នៅ​នឹង​កន្លែង​កើ​តេ​ហ​តុ និង​ម្តាយ​រង​របួសធ្ងន់ ប៉ុន្តែ​ជា​អកុសល​​ជនរងគ្រោះ​ជា​​ម្តាយ​ក៏​ត្រូវ​​​បាត់បង់​ជីវិត ​​ក្រោយ​ពេល​បញ្ជូន​ដល់​មន្ទីរពេទ្យផងដែរ​។

ហេតុការណ៍​គ្រោះថ្នាក់​ច​បណ្តាល​ឱ្យ​បាត់បង់​ជីវិត​មួយ​គ្រួសារ​នេះ​បាន​កើតឡើង​នៅ​ម៉ោង​៧​និង​២០​នាទី​ល្ងាច ថ្ងៃ​ទី​២៣ ខែមករា ឆ្នាំ​២០២១ ត្រង់​ចំណុច​បង្គោល​ភ្លើង​លេខ ៣៣២-៣៣៣ ផ្លូវជាតិ​លេខ​៦ ស្ថិត​ក្នុងភូមិ​ដូន​ទ្រ ឃុំ​ល្វា ស្រុក​ពួក​។

បើ​តាម​ការ​បញ្ជាក់​ពី​លោក ស៊ិ​ន ចាន់​ថុ​ល អភិបាលស្រុក​ពួក បាន​ប្រាប់​នៅ​ព្រឹក​ថ្ងៃ​ទី​២៥​ខែមករា​នេះ​ថា ករណី​គ្រោះថ្នាក់​ចរាចរណ៍​បណ្តាល​ឱ្យ​បាត់បង់​ជីវិត​មួយ​គ្រួសារ​៣​នាក់​នោះ បង្ក​ឡើង​ដោយ​រថយន្ត​សាំ​យ៉ុ​ង ពណ៌​ស ពាក់​ស្លាក​លេខ​ភ្នំពេញ ២ X.៨១៤៩ បើកបរ​ដឹក​បន្លែ​ដោយ​ឈ្មោះ រិ​ន ភិ​រក្ស ភេទ​ប្រុស អាយុ​៣០​ឆ្នាំ រស់នៅ​ភូមិ​អូរ​តា​គី ឃុំ​អូរ​តា​គី ស្រុក​បាត់ដំបង ខេត្តបាត់​ដំបង និង​ដឹក​មនុស្ស​ម្នាក់ ឈ្មោះ វ៉ា​ន់ សៅ​ឌី អាយុ​៣២​ឆ្នាំ ត្រូវជា​ប្រពន្ធ​បើក​ពី​ខេត្តបាត់ដំបង ចូល​មក​ខេត្តសៀមរាប (​ពី​លិចទៅ​កើត​) ដើម្បី​យក​បន្លែ​ទៅ​បោះ​ឱ្យ​ម៉ូយ​។

លោក​អភិបាលស្រុក​បន្ត​ថា លុះ​មក​មក​ដល់​ចំណុច​កើតហេតុ ក៏​ស្រាប់តែ​បែក​កង់​ខាងស្តាំ​ផ្នែក​ក្រោយ រួច​រ៉េ​ច​ង្កួ​ត​បាន​បុក​ជាមួយ​ម៉ូតូ​មួយ​គ្រឿង​ពី​កើត​ទៅ​លិច បញ្ច្រាស់ទិស​គ្នា បណ្តាល​ឱ្យ​បាត់បង់​ជីវិត​អ្នកបើកបរ​ម៉ូតូ​២​នាក់​ជា​ឪពុក និង​កូនស្រី ចំណែក​ប្រពន្ធ​របួសធ្ងន់ ហើយ​ត្រូវ​បញ្ជូន​ទៅ​ដល់​មន្ទីរពេទ្យ​បង្អែក​ខេត្ត ប៉ុន្តែ​ជា​អកុសល ប្តី​និង​កូនស្រី​បាន​បាត់បង់​ជីវិត​មុន​ប្រពន្ធ ហើយ​ប្រពន្ធ​បាត់បង់​ជីវិត​តាម​ក្រោយ​នៅ​ល្ងាច​ថ្ងៃ​ទី​២៤ ខែមករា ។

លោក​បាន​បញ្ជាក់​ថា ចំពោះ​អ្នកបើកបរ​រថយន្ត​វិញ កម្លាំង​យើង​បាន​ចាប់ខ្លួន​បាន​ភ្លាម​ៗ បន្ទាប់​ពី​បុក​ម៉ូតូ​រួច​ហើយ ចំណែក​រថយន្ត​បង្ក​ក៏​ធ្លាក់​ពីលើ​ផ្លូវ​ផង​ដែរ​។

លោក​បញ្ជាក់​ទៀត​ថា សាកសព​ជន​រង​គ្រោះ​ទាំង​៣​នាក់​មាន ៖ ១-​ឈ្មោះ ប៊ុត ហៃ​ម៉េ​ង ភេទ​ប្រុស អាយុ​៣០​ឆ្នាំ ត្រូវជា​ប្តី (​បាត់បង់​ជីវិត​) បើកបរ​ម៉ូតូ​ម៉ាក​ហុងដា​ឆ្នាំ​២០១៥ ពណ៌​ខ្មៅ ពាក់​ស្លាក​លេខ​សៀមរាប ១.R.៧៦៨៥ ។ ២- ម្តាយ​ឈ្មោះ អ៊ួ​ក ចៀន អាយុ​២៨​ឆ្នាំ (​បាត់បង់​ជីវិត​) នៅ​ពេទ្យ​ខេត្ត និង​កូនស្រី​ឈ្មោះ ម៉េ​ង មី អាយុ​ជាង​១០​ឆ្នាំ (​បាត់បង់​ជីវិត​) ក្នុង​នោះ​រថយន្ត​ខូចខាត​មធ្យម និង​ម៉ូតូ​ខូចខាត​ធ្ងន់​។

ក្រោយ​ពេល​កើតហេតុ កម្លាំង​ជំនាញ​បាន​ចុះ​វាស់វែង​កន្លែង​កើតហេតុ កសាង​សំណុំរឿង និង​ដកហូត​វត្ថុ​តាង​ពាក់ព័ន្ធ​យក​រក្សា​ទុក​នៅ​អធិការដ្ឋាន​នគរបាល​ស្រុក​។ ចំណែក​សាកសព​ជន​រង​គ្រោះ​បាន​ទាក់ទង​រក​សាច់ញាតិ ដើម្បី​ធ្វើការ​ប្រគល់​ជូន​ក្រុម​គ្រួសារ​យក​ទៅ​ធ្វើបុណ្យ​តាម​ប្រពៃណី​តាំងពី​ថ្ងៃ​ទី​២៣ រហូត​មក​ដល់​ព្រឹក​ថ្ងៃ​ទី​២៥ ខែមករា ឆ្នាំ​២០២១ ទើប​កម្លាំង​បាន​ធ្វើការ​ប្រគល់​រួចរាល់​ហើយ​៕

អត្ថបទសរសេរ ដោយ

កែសម្រួលដោយ

ប៉ុស្តិ៍ទាក់ទង