រាជធានីភ្នំពេញ ៖ កាលពីប៉ុន្មានម៉ោងមុននេះ អ្នកប្រើប្រាស់កម្មវិធីហ្វេសប៊ុក ជាមួយទូរស័ព្ទដែលមានប្រព័ន្ធប្រតិបត្តិការ iOS មួយចំនួនត្រូវបានទាមទារឱ្យវាយបញ្ចូលលេខសម្ងាត់ឡើងវិញ ដើម្បីអាចចូលប្រើប្រាស់កម្មវិធីនេះវិញ ។ នេះបើតាមទូទស្សន៍ជាតិកម្ពុជាបានផ្សាយនាយប់ថ្ងៃទី២៣…
រាជធានីភ្នំពេញ ៖ កាលពីប៉ុន្មានម៉ោងមុននេះ អ្នកប្រើប្រាស់កម្មវិធីហ្វេសប៊ុក ជាមួយទូរស័ព្ទដែលមានប្រព័ន្ធប្រតិបត្តិការ iOS មួយចំនួនត្រូវបានទាមទារឱ្យវាយបញ្ចូលលេខសម្ងាត់ឡើងវិញ ដើម្បីអាចចូលប្រើប្រាស់កម្មវិធីនេះវិញ ។ នេះបើតាមទូទស្សន៍ជាតិកម្ពុជាបានផ្សាយនាយប់ថ្ងៃទី២៣ ខែមករានេះ ។
បើតាមការផ្សព្វផ្សាយតាមរយៈផេក ក្រុមហ៊ុនហ្វេសប៊ុក បានឱ្យដឹងថា បញ្ហានេះ គឺដោយសារតែមានការផ្លាស់ប្ដូរនៅក្នុងការកំណត់ប្រព័ន្ធរបស់ក្រុមហ៊ុន ហើយបច្ចុប្បន្ន បញ្ហានេះក៏ត្រូវបានធ្វើការកែសម្រួលរួចហើយផងដែរ ។ ដូច្នេះសូមអ្នកប្រើប្រាស់កុំមានការព្រួយបារម្ភដោយគិតថា គណនីហ្វេសប៊ុករបស់លោកអ្នកអាចមានការជ្រៀតចូលណាមួយនោះ ។
ជាចុងក្រោយ នាយកដ្ឋាន សូមធ្វើការក្រើនរំឭកដល់អ្នកប្រើប្រាស់ទាំងអស់ឱ្យប្រើលេខសម្ងាត់ដែលពិបាកនឹងស្មាន និងបើកប្រើប្រព័ន្ធ Two-Factor Authentication (2FA) ដើម្បីការពារគណនីរបស់លោកអ្នកពីការវាយប្រហារ ផងដែរ ៕
ចែករំលែកព័តមាននេះ