ADផ្ទាំងផ្សព្វផ្សាយពាណិជ្ជកម្ម

Picture

ជប៉ុន​បដិសេធ​ព័ត៌មាន​​លុប​ចោល​ព្រឹត្តិការណ៍កីឡា​​អូ​ឡាំ​ពិ​ក

3 ឆ្នាំ មុន

ជប៉ុន ៖ លោក Yoshihide Suga នាយក​រដ្ឋមន្ត្រី​ជប៉ុន​នៅ​ថ្ងៃ​ទី ២២ មក​រា នេះ​បានឱ្យ​ដឹង​ថា លោក​ប្តេជ្ញា​ចិត្តនឹង​រៀបចំ​ព្រឹត្តិការណ៍​អូ​ឡាំ​ពិ​ក​ទីក្រុង​តូ​ក្យូ​តាម​ការ​គ្រោងទុក…

ជប៉ុន ៖ លោក Yoshihide Suga នាយក​រដ្ឋមន្ត្រី​ជប៉ុន​នៅ​ថ្ងៃ​ទី ២២ មក​រា នេះ​បានឱ្យ​ដឹង​ថា លោក​ប្តេជ្ញា​ចិត្តនឹង​រៀបចំ​ព្រឹត្តិការណ៍​អូ​ឡាំ​ពិ​ក​ទីក្រុង​តូ​ក្យូ​តាម​ការ​គ្រោងទុក ដែល​នឹង​ត្រូវធ្វើ​ពិធី​បើក​នា​ថ្ងៃ​ទី ២៣ កក្កដា និង​ពិធី​បិទ​នា​ថ្ងៃ​ទី ៨ សីហា ខាង​មុខ​នេះ​។ ហើយ​បច្ចុប្បន្ន​គណៈកម្មាធិការ​អូ​ឡាំ​ពិ​ក​ជប៉ុន​កំពុងធ្វើការ​យ៉ាង​ស្អិតរ​មួ​ត​ជាមួយ​គណៈកម្មាធិការ​អូ​ឡាំ​ពិ​ក​អន្តរជាតិ (IOC) ក្នុង​ដំណើរការ​រៀបចំ​ព្រឹត្តិការណ៍​លំដាប់​ពិភពលោក​មួយ​នេះ​។

លោក Yoshihide Suga នាយក​រដ្ឋមន្ត្រី​ជប៉ុន

សូម​ជម្រាប​ជូន​ថា ការ​អត្ថាធិប្បាយ​របស់​នាយក​រដ្ឋមន្ត្រី​ជប៉ុន​បាន​ធ្វើ​ឡើង បន្ទាប់​ពី​របាយការណ៍​ពី​កាសែត The Times បាន​ចេញផ្សាយ​ដោយ​ស្រង់​សម្តី​សមាជិក​ជាន់ខ្ពស់ ដែល​មិន​បញ្ចេញ​ឈ្មោះ​មួយ​រូប​បាន​អះអាង​ថា រដ្ឋាភិបាល​ជប៉ុន​បាន​សម្រេច​នៅ​ក្នុង​កិច្ចប្រជុំ​ជា​សម្ងាត់​មួយ ដោយ​លុប​ចោល​ព្រឹត្តិការណ៍​កីឡា​អូ​ឡាំ​ពិ​ក​ទីក្រុង​តូ​ក្យូ​តែ​ម្តង ដោយសារ​តែ​ការ​រីក​រាលដាល​នៃ​វីរុស​កូ​វី​ដ​១៩​។

ជប៉ុន​គឺជា​ប្រទេស​ដែល​ទទួល​រង​ឥទ្ធិពល​ពី​ការ​រាតត្បាត​កូ​វី​ដ​១៩ តិចតួច​ជាង​ប្រទេស​ដែល​មាន​សេដ្ឋកិច្ច​ជឿនលឿន​ដទៃ​ទៀត​។ ប៉ុន្តែ​ករណី​ឆ្លង​កើត​មាន​ថ្មី​ៗ​នេះ បាន​ជំរុញ​ឱ្យ​ប្រទេស​មួយ​នេះ​សម្រេច​បិទ​ព្រំដែន​របស់​ខ្លួន ហើយ​ប្រកាស​ពី​ភាព​អាសន្ន​នៅ​ក្នុង​ទីក្រុង​តូ​ក្យូ និង​ទីក្រុង​ធំ​ៗ​មួយ​ចំនួន​ផ្សេង​ទៀត​៕ (​ដកស្រង់​ចេញពី Reuters)

ប្រធាន IOC និង​នាយក​រដ្ឋមន្ត្រី​ជប៉ុន

អត្ថបទសរសេរ ដោយ

កែសម្រួលដោយ