គ្រឿងក្នុងជ្រូកជាងកន្លះតោន ត្រូវដុតចោល
- បន្ទាយមានជ័យ
បន្ទាយមានជ័យ៖ គ្រឿងក្នុងជ្រូកជាងកន្លះតោន ត្រូវបានមន្ត្រីគយ និងរដ្ឋាករតំបន់៥ ចាប់បាន យកទៅដុតចោល នៅរសៀលថ្ងៃទី២០ ខែមករា ឆ្នាំ២០២១ នៅជាយក្រុងសិរីសោភ័ណ។…
បន្ទាយមានជ័យ៖ គ្រឿងក្នុងជ្រូកជាងកន្លះតោន ត្រូវបានមន្ត្រីគយ និងរដ្ឋាករតំបន់៥ ចាប់បាន យកទៅដុតចោល នៅរសៀលថ្ងៃទី២០ ខែមករា ឆ្នាំ២០២១ នៅជាយក្រុងសិរីសោភ័ណ។…
បន្ទាយមានជ័យ៖ គ្រឿងក្នុងជ្រូកជាងកន្លះតោន ត្រូវបានមន្ត្រីគយ និងរដ្ឋាករតំបន់៥ ចាប់បាន យកទៅដុតចោល នៅរសៀលថ្ងៃទី២០ ខែមករា ឆ្នាំ២០២១ នៅជាយក្រុងសិរីសោភ័ណ។
មន្ត្រីគយ និងរដ្ឋាករការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ ប្រចាំខេត្តបន្តាយមានជ័យ បានប្រាប់ថា ដើម្បីពង្រឹងការប្រមូលពន្ធជូនរដ្ឋ និងបង្ក្រាបអំពើរត់ពន្ធ និងទប់ស្កាត់ទំនិញខូចគុណភាព មន្ត្រីជំនាញបានឃាត់រថយន្ត ១គ្រឿង ដឹកទំនិញ ដោយឆែកឆេររកឃើញមានកេសស្នោរ ចំនួន ៩កេស ដែលដាក់គ្រឿងក្នុងជ្រូក មានទំងន់ ៥៤០គីឡូក្រាម នៅព្រឹកថ្ងៃទី២០ ខែមករា ឆ្នា២០២១ តាមបណ្តោយផ្លូវជាតិលេខ៥ ស្ថិតភូមិ.សង្កាត់ទឹកថ្លា ក្រុងសិរីសោភ័ណ។ គ្រឿងក្នុងជ្រូកទាំងនោះ នាំចូលពីប្រទេសថៃ។
មន្ត្រីគយ និងរដ្ឋាករតំបន់៥ បានបញ្ជាក់ថា ក្រោយពេលដែលឃាត់រថយន្តដឹកទំនិញបង្កប់កេសដាក់គ្រឿងក្នុងជ្រូក ត្រូវទំលាក់ ធ្វើការត្រួតពិនិត្យ ឃើញថា ជាទំនិញដឹកគ្មានច្បាប់អនុញ្ញាត និងដឹកគ្មានលក្ខណៈបច្ចេកទេស បណ្តាលឲ្យទំនិញខូចគុណភាព មានគ្រឿងក្នុងជ្រូក ដូចជា បេះដូង ក្រលៀន ថ្លើម ក្រពះ ពោះវៀនធំ ពោះវៀនតូច ឆ្អឹងជំនី ដែលធុមក្លិនស្អុយ។
មន្ត្រីគយ និងរដ្ឋាករតំបន់៥ បានបញ្ជាក់ថា គ្រឿងក្នុងជ្រូក ដែលត្រូវមន្ត្រីជំនាញចាប់បានជាងកន្លះតោននោះ ត្រូវបានឈ្មួញលួចនាំចូលពីប្រទេសថៃ ហើយដឹកបង្កប់ តាមទំនិញបម្រុងនាំចេញទៅលក់នៅភ្នំពេញ។
ក្រោយពេលចាប់បានហើយ គ្រឿងក្នុងជ្រូកទាំងនោះ ត្រូវបានមន្ត្រីគយ និងរដ្ឋាករតំបន់៥សហការជាមួយមន្ត្រីផលិតកម្ម និងបសុព្យាបាលខេត្ត យកទៅដុតកម្ទេចចោល នៅជាយក្រុងសិរីសោភ័ណ៕ ដោយ៖ ប៊ុន ធឿន
ចែករំលែកព័តមាននេះ