ប្រទេសបារាំង ៖ មនុស្សចាស់និងចាស់ជ្រុល៥នាក់បានបាត់បង់ជីវិតនៅបារាំង ក្រោយទទួលការចាក់វ៉ាក់សាំងប្រឆាំងវីរុស COVID-19 ។ តាមព័ត៌មាននានាថា ការបាត់បង់ជីវិតរបស់ពួកគាត់មកដល់ដំណាក់កាលនេះអាចមិនមានការទាក់ទិនជាមួយប្រតិកម្មរបស់វ៉ាក់សាំង ។
ក្នុងអំឡុងពេលយុទ្ធនាការចាក់វ៉ាក់សាំងនោះ នៅបារាំងគេក៏កត់សម្គាល់ឃើញករណី១៣៩នៃឥទ្ធិពលបន្ទាប់បន្សំរបស់វ៉ាក់សាំងដែរ ។
អាជ្ញាធរសុខាភិបាលបារាំងរាយការណ៍នាថ្ងៃទី១៩ មករា ថា មនុស្សចាស់៥នាក់បានត្រូវបាត់បង់ជីវិត ក្រោយការចាក់វ៉ាក់សាំង PLIZER-BIONTECH នៅបារាំង ។ មកដល់ដំណាក់កាលនេះគេមិនទាន់រកឃើញមានការទាក់ទិនគ្នារវាងការបាត់បង់ជីវិតនោះ និងវ៉ាក់សាំងនៅឡើយ ។ ក្នុងកម្រិតជាតិគេបានកត់សម្គាល់ឃើញករណី១៣៩នៃឥទ្ធិពលបន្ទាប់បន្សំ ។ នៅបារាំងចាប់តាំងពីថ្ងៃទី២៧ ធ្នូមកវ៉ាក់សាំងចំនួនជិត៤៨០.០០០ដូសត្រូវបានចាក់រួចហើយ ។
អាជ្ញាធរសុខាភិបាលបារាំងសន្និដ្ឋានថា មនុស្សចាស់ និងចាស់ជ្រុលទាំងនោះដែលបាត់បង់ជីវិត ដែលអាចបាត់បង់ជីវិតទៅតាមធម្មជាតិក្នុងបណ្ដាថ្ងៃ ក្រោយការចាក់វ៉ាក់សាំងដោយពុំមានសញ្ញានៃប្រតិកម្មអាលែរហ្ស៊ី ក្រោយការចាក់ឡើយ ។
មុននេះនៅប្រទេសន័រវែសក៏មានមនុស្សចាស់ច្រើននាក់បាត់បង់ជីវិត ក្រោយការចាក់វ៉ាក់សាំងនោះដែរ ។ ទីភ្នាក់ងារសុខាភិបាលសាធារណៈន័រវែស ក្នុងសេចក្ដីប្រកាសមួយកាលពីថ្ងៃទី១៥ មករា អះអាងថា បានកំណត់ឃើញអ្នកបាត់បង់ជីវិត២៣នាក់ ក្រោយការចាក់វ៉ាក់សាំង PLIZER-BIONTECH ។
សេចក្ដីប្រកាសនោះបន្តថាបណ្ដាឥទ្ធិពលបន្ទាប់បន្សំអាចរួមចំណែកនាំឲ្យមានការបាត់បង់ជីវិតបែបនេះក្នុងចំណោមមនុស្សចាស់ដែលមានអាយុលើសពី៨០ឆ្នាំ ។ គេវាយតម្លៃថានោះអាចជាការជួនពេលគ្នាដោយពុំទាក់ទិននឹងការចាក់វ៉ាក់សាំង ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ