នាថ្ងៃឧបោសថសីលមួយ ធម្មិកឧបាសកបានបន្លឺវាចាថា ឧកាស ! ខ្ញុំសូមគោរពចំពោះព្រះមានព្រះភាគអរហន្តសម្មាសម្ពុទ្ធអង្គនោះ ព្រះអង្គខ្ជាក់ចោលហើយនូវថ្នាំពិស ខ្ញុំសូមបង្គំវន្ទាដោយសេចក្តីគោរពកោតក្រែងជ្រះថ្លាសព្វៗកាល ។
កម្មជាកុសលឯណា ដែលជាការឥតសៅហ្មង រូបខ្ញុំបានកសាង ដោយទ្វារកាយវាចាចិត្ត សូមកុសលទាំងអស់នោះបានជាប្រយោជន៍មួយអន្លើស្មើគ្នានៃពោធិញ្ញាណរបស់ព្រះអង្គផង បានជាប្រយោជន៍ដល់សព្វសត្វទាំងពួងផង សូមបានក្តីសុខ ក្តីចម្រើនដល់បរិស័ទទាំងឡាយ៤ផង និងបានដល់អ្នកមានសទ្ធាក្នុងសាសនានៃព្រះតថាគតផង ។
ហើយបុណ្យនេះក៏សូមបានជាចំណែកនៃបុណ្យស្មើៗគ្នា ដែលខ្ញុំបំពេញហើយដោយបុញ្ញកម្មស្មោះពិត ៕ សាន សារិន
ចែករំលែកព័តមាននេះ