រាជធានីភ្នំពេញ ៖ បុរសវ័យចំណាស់ដែលមានអាយុប្រមាណជាង ៥0ឆ្នាំម្នាក់បានសន្លប់បាត់ស្មារតីដេកស្តូកស្តឹង ខណ:ដែលរូបគាត់កំពុងតែជិះម៉ូតូម៉ាកហុងដា C125 មួយគ្រឿងតាមផ្លូវម្នាក់់ឯង សុខៗហើយក៏ដួលនោះដែលករណីនេះដែរ បានបង្កការភ្ញាក់ផ្អើលកើតឡើងកាលពីវេលាម៉ោង០៣ និង១៥នាទីរសៀល ថ្ងៃទី១៩ ខែមករា ឆ្នាំ២០២១ នៅចំណុចផ្លូវព្រះស៊ីសុវត្ថិ ក្នុងសង្កាត់វត្តភ្នំ ខណ្ឌដូនពេញ ។
តាមប្រភព័ត៌មានបានប្រាប់ឱ្យដឹងថា មុនពេលកើតហេតុ មិនមានអ្នកណាម្នាក់ចាប់អារម្មណ៍ឡើយ ក៏ស្រាប់ឮសំឡេងដួលម៉ូតូមួយលាន់ឮតែប្រាវនាំគ្នាក្រឡេកមើលទៅក៏ស្រាប់តែបានឃើញម៉ូតូមួយគ្រឿង ម៉ាកហុងដា C125 ស៊េរីឆ្នាំ ២០២០ ព៌ណខ្មៅ ពាក់ស្លាកលេខកណ្តាល១AJ-៩៥០១ ដួលនៅលើផ្លូវ និងមានបុរសវ័យចំណាស់ម្នាក់ដេកស្តូកស្តឹងសន្លប់បាត់ស្មារតីឈឹងតែម្នាក់ឯង ហើយក៏បាននាំគ្នាលើទាំងម៉ូតូទាំងមនុស្សយកទៅដាក់លើចិញ្ចើមផ្លូវ ដើម្បីច្របាច់គក់ធ្វើចនាសង្គ្រោះ ។
តាមប្រភពដដែលបានប្រាប់បន្តទៀតថា ពេលដែលអ្នកនៅក្បែរខាងបានលើកទាំងម៉ូតូ និង បុរសវ័យចំណាស់ទៅធ្វើការសង្គ្រោះ ហើយនៅតែមិនដឹងខ្លួននោះ ក៏ឆែករកលេខទូរស័ព្ទទាក់ទងរកក្រុមគ្រួសារមកដល់កន្លែងកើតហេតុភ្លាមៗផងដែរ តែរូបគាត់នៅតែមិនដឹងខ្លួន ។
ពាក់ពន្ធ័ទៅ និងករណីបុរសវ័យចំណាស់ម្នាក់ ដួលម៉ូតូសន្លប់បាត់ស្មារតីនេះដែរ មិនមានអ្នកណាម្នាក់បានដឹងថា មកពីរូបគាត់ជិះៗងងឹតមុខដួលដោយខ្លួនឯង ឬក៏ដោយមានយាន្តយន្តផ្សេងទៀតមកប៉ះនោះឡើយ ?
ក្រោយពីក្រុមគ្រួសារប្រពន្ធ កូន មកដល់នាំគ្នាធ្វើការច្របាច់គក់ និងចលនាអោយបុរសវ័យចំណាស់នៅតែសន្លប់បាត់ស្មារតីឈឹងនៅមិនដឹងខ្លួន និងចាំឡានពេទ្យមកយកយូរពេកនោះក៏នាំគ្នាដឹកតាមរ៉ឺម៉កកង់បីយកទៅសង្គ្រោះនៅមន្ទីរពេទ្យព្រះកេតុមាលាជាបន្ត ៕
ចែករំលែកព័តមាននេះ