ផ្លូវរថភ្លើងធំជាងគេបង្អស់របស់អាហ្វ្រិកខាងកើត «Standard Gauge Railway>> ហៅកាត់ថា SGR នឹងលេចរូបរាងឡើងនៅឆ្នាំ២០១៨ ។ នោះគឺជាគម្រោងហេដ្ឋារចនាសម្ព័ន្ធធំប្រចាំប្រវត្តិសាស្ត្រ ។ SGR សាងសង់ឡើងដោយក្រុមហ៊ុនគ្រប់គ្រងដោយរដ្ឋចិន និងជាផ្នែកមួយនៃមូលនិធិរបស់រដ្ឋាភិបាលចិនដែរ ។
ស្ថិតក្នុងទំហំសាងសង់អស់ទឹកប្រាក់ ១៤ពាន់លានដុល្លារ ផ្លូវរថភ្លើង SGR នឹងភ្ជាប់ទៅកាន់បណ្តាទីក្រុង ធំៗមួយចំនួនក្នុងប្រទេសដើម្បីបង្កើនការវិនិយោគ និងពាណិជ្ជកម្មឱ្យកាន់តែប្រសើរឡើង និងកាត់បន្ធយពេលវេលាក្នុងការដឹកជញ្ចូនទំនិញឆ្លងកាត់ព្រំដែន ។ ចំពោះថ្លៃឈ្នួលដឹកជញ្ជូននឹងកាត់បន្ថយពី២០ដុល្លារមក៨ដុល្លារ សម្រាប់ទំនិញ១តោន។ ចំពោះពេលវេលាធ្វើដំណើរពីទីក្រុង Nairobi ទៅទីក្រុងកំពង់ផែ Mombasa កាត់បន្ថយពី១២ម៉ោងមកត្រឹម៤ម៉ោងប៉ុណ្ណោះ។
ប្រទេសអាហ្វ្រិកខាងកើតគឺជាតំបន់ខាងកើតនៃទ្វីបអាហ្វ្រិក ។តាមរយៈការបង្ហាញពីទីតាំងភូមិសាស្ត្ររបស់អង្គការសហប្រជាជាតិឱ្យដឹងថា រួមមានប្រទេសចំនួន២០ បង្កើតបានជាទ្វីបអាហ្វ្រិកខាងកើត ។ ប្រទេសអាហ្វ្រិកខាងកើតគឺជាទឹកដីបៃតងដែលមានសម្រស់ធម្មជាតិខៀវស្រងាត់ និងជាជម្រក សត្វព្រៃផងដែរ ។
ប្រទេសអាហ្វ្រិកខាងកើត មានកេរ្តិ៍ឈ្មោះល្បីរន្ទឺដោយសារតែធនធានស្តេចសត្វព្រៃចំនួន៥ប្រភេទ គឺសត្វតោ ដំរី ក្របី ខ្លាលីអូផាត និងរមាសស្បែកស-ខ្មៅ ។ ពួកវាសុទ្ធតែអម្បូរពូជសត្វអាហ្វ្រិកមានន័យថាមានកម្លាំងខ្លាំង និងស៊ាំទៅនឹងអាកាសធាតុក្តៅ ។ ក្រៅពីនេះអាហ្វ្រិកខាងកើតមានភ្នំខ្ពស់ជាងគេនៅអាហ្វ្រិកចំនួនពីរគឺភ្នំគីលីម៉ាន់ចារូ និងភ្នំកេនយ៉ា និងមានបឹងទឹកសាបធំជាងគេទី២ របស់ពិភពលោកគឺ «Lake Victoria» និងបឹងជ្រៅជាងគេទី២លើលោកគឺបឹង «Lake Tanganyika»៕
ចែករំលែកព័តមាននេះ