រាជធានីភ្នំពេញ ៖ សត្វព្រៃនៅក្នុងដែនជម្រកហាមឃាត់ ស្ថិតក្នុងដែនជម្រកសត្វព្រៃតំបន់ធម្មជាតិស្រែពក និងភ្នំព្រេចស្ថិត នៅក្នុងខេត្តមណ្ឌលគិរី នៅតែមានជនល្មើសលួចដាក់អន្ទាក់ជាច្រើនប្រភេទ រួមទាំងការរាយលួសឆក់ចាប់ជាដើម ដែលជាការគំរាមកំហែងមួយត្រូវ មានការចូលរួមអភិរក្សជាមួយ ។
មន្ត្រីជាន់ខ្ពស់ក្រសួងបរិស្ថានបានឲ្យដឹងថា ខណៈដឹកនាំក្រុមអ្នកសារព័ត៌មាន ចុះផ្ទាល់ នៅក្នុងដែនជម្រកសត្វព្រៃស្រែពក និងភ្នំព្រេចកាល ពីពេលថ្មីៗនេះបានឲ្យដឹងថា ព្រានព្រៃ ឬជនល្មើសតែងតែបង្កើនសកម្មភាពក្នុងការចូលចាប់ សត្វព្រៃ នៅក្នុងដែនជម្រកដែលត្រូវបានហាមឃាត់ទាំងពីរនេះ ។
ប្រភពបានបញ្ជាក់ថា ៖«អន្ទាក់ជាង១២លាន ត្រូវបានរកឃើញនៅក្នុងតំបន់ការពារសត្វព្រៃ នៅក្នុងប្រទេសអាស៊ី តែដោយឡែកកម្ពុជាយើងក៏បានរកឃើញថាអន្ទាក់ ដែលជនល្មើសដាក់ក៏មានការកើនឡើងដែរ ពីព្រោះក្នុងមួយឆ្នាំៗ មន្ត្រីការពារបរិស្ថានឬសត្តរក្សបានដោះអន្ទាក់មានការកើនឡើង ។ ជាក់ស្តែង ក្នុងឆ្នាំ២០២០ មានអន្ទាក់ប្រមាណជិត៥ម៉ឺនត្រូវបានដោះចេញពីដែនជម្រកសត្វព្រៃ» ។
មន្ត្រីដដែលបានលើកឡើងថា បើតាមមន្ត្រីការពារសត្វព្រៃឲ្យដឹងថា ជនល្មើសភាពច្រើនបានដាក់អន្ទាក់នៅកន្លែងមានទឹកដូចជាអូត្រពាំង ដែលជាកន្លែងសត្វចុះទៅរកទឹកផឹក ។ សត្វដែលមានគ្រោះថ្នាក់ជាងគេ គឺសត្វមានក្រចកជំពាម ដូចជា ៖ សត្វទន្សោង សត្វ ជ្រូកព្រៃ សត្វក្កាន់…។
មន្ត្រីជាន់ខ្ពស់ក្រសួងក៏បានលើកឡើងថា ក្រៅពីការគម្រាមកំហែងដោយដារអន្ទាក់របស់ជនល្មើស គឺការបរបាញ់សត្វ ដោយសារកំណើននូវកាំភ្លើងកែច្នៃ ដោយក្នុងឆ្នាំ២០២០ មន្ត្រីការពារសត្វព្រៃ បានដកហូតកាំភ្លើងកែច្នៃនេះបាន ប្រមាណ៧រយ គ្រឿង ។ ក្រៅពីប្រើឧបករណ៍កែច្នៃផ្សេងៗជន ល្មើសឬប្រជាជនបានប្រើប្រាស់សត្វឆ្កែទៅ ប្រដេញចាប់សត្វក្នុងព្រៃផងដែរ ។
ជាមួយគ្នានោះដែរ ឯកឧត្តមរដ្ឋលេខាធិការក៏បានលើកឡើងថា កត្តាសំខាន់មួយដែលធ្វើឲ្យសត្វព្រៃថយចុះនោះក៏មកពីកត្តាមនុស្សផងដែរ ដោយសារមនុស្សបានទទួលទានសត្វព្រៃ ។ «ទីផ្សារសត្វនៅតែមាន ការជួញដូរសត្វនៅតែមាន មនុស្សនៅតែទទួលទានដែលកត្តាលើកទឹកចិត្តដល់អ្នកបរបាញ់សត្វ បន្តសម្មភាពថែមទៀត ។ អីញ្ចឹងកត្តាជាច្រើននេះជា ករណីជាក់ស្តែងដែលធ្វើឲ្យសត្វបាត់បង់ ។
កម្ពុជា ក៏ដូចជា ពិភពលោកដែលធ្វើសត្វកំពុងប្រឈម គឺការបរបាញ់ ការដាក់អន្ទាក់ ការបរិភោគ និងជួញដូរសត្វជាដើម» នេះបើតាមការបញ្ជាក់ របស់មន្ត្រីជាន់ខ្ពស់ ។ ក្នុងឱកាសនោះដែរក៏បានលើកឡើងថា ដើម្បីទប់ស្កាត់ការលួច ចូលក្នុងដែនជម្រកសត្វព្រៃ ដើម្បីដាក់អន្ទាក់ចាប់សត្វរាជរដ្ឋាភិបាលក៏ដូចជាក្រសួងបរិស្ថានបានប្រើប្រាស់កំលាំងមន្ត្រីឧស្យាននុរក្សា មន្ត្រីប្រជាសហគមន៍ដើម្បីចុះដក់អន្ទាក់ ។ ក៏ប៉ុន្តែក៏ត្រូវ រកវិធីសាស្ត្រឬយុទ្ធសាស្ត្រផ្សេងៗទៀតដើម្បីការពារប្រភេទសត្វនៅក្នុងដែនជម្រក ។
មន្ត្រីដដែលបានបញ្ជាក់ថា ៖«បច្ចុប្បន្ននេះយើងកំពុងតែស្ថិតក្នុងការពិភាក្សាដើម្បីរកនូវវិធីសាស្ត្រថ្មីដូចជា ការដាក់ព័ទ្ធហ៊ុំជារបង ដើម្បីការពារកុំឲ្យមានការចូលក្នុងព្រៃ ដើម្បីទុកឱកាសឲ្យសត្វក្នងព្រៃបន្តពូជបាន ។ នេះគ្រាន់តែជាការគិតដើម្បីរក្សាពូជសត្វ ។ វាជាវិធាន ការមួយក្នុងវិធានការជាច្រើន ។ កត្តាសំខាន់ដែលធ្វើឲ្យប៉ះពាល់ដល់សត្វព្រៃគឺកក្តាមនុស្សតែម្តង ។ ចំណុចនេះ គឺត្រូវរកវិធីសាស្ត្រណាធ្វើការឲ្យពួកគាត់ផ្លាស់ប្តូរផ្នត់គំណិត ពីការ ប្រកបរបបាញ់សត្វមកជាការចូលរួមអភិរក្សសត្វវិញ និងការបង្កើតរបថ្មីជំនួសវិញ» ។
លោក សេង ទៀក នាយកអង្កការWWFបានលើកឡើងថា អន្ទាក់ដែលជនល្មើ សបាន យកមកប្រើប្រាស់ ដើម្បីចាប់សត្វព្រៃក្នុងដែនជម្រកមានចំនួន៥ប្រភេទដែលអាចសម្លាប់សត្វបាន ដូចជាអន្ទាក់ខ្សែកាប អន្ទាក់ខ្សែគោ អន្ទាក់រ៉ឺស័រ(ធ្វើពីដែកមានកំលាំងខ្លាំង) អន្ទាក់ ធ្មេញ ដែក និងអន្ទាក់ឆកប្រើចាប់ជាមួយអាគុយ ដែលធ្វើសត្វងាប់ ។
លោកបន្តថាជនល្មើសដែលដាក់អន្ទាក់នៅក្នុងព្រៃតាមការសិក្សាអាចប្រើពេល១សប្តាហ៍ ឬ២សប្តាហ៍អាចប្រើប្រាស់អន្ទាក់យ៉ាងហោចណាស់១០០ ឬ២០០អន្ទាក់ ដែលក្នុងមួយថ្ងៃ អន្ទាក់ទាំងនេះអាចទាក់បានសត្វ១ក្បាល ដែលអាចលក់បានក្នុងតម្លៃ២០ម៉ឺនរៀល ។
យ៉ាងនាក្តីមន្ត្រីជាន់ខ្ពស់ក្រសួងបរិស្ថានបានអះអាងថាមួយរយៈពេលចុងក្រោយនេះ ស្ទើតែគ្មានការលួយជួយដូចសត្វព្រៃ ព្រោះថាកម្ពុជាជាប្រទេសគ្មានការឆ្លងកាត់ ការជួញ ដូរសត្វព្រៃ ហើយកន្លែងមកនេះក៏មានការសហការណ៍ជាមួយអង្កការជាដៃគូអន្តរជាតិក្នុងការបង្ក្រាប់ និងទប់ស្កាត់ ដោយក្នុងនោះបានដកហូតខ្លឹមសត្វ និងសំណាកសត្វដូចជា ស្រការពង្រូ ឆ្អឹងតោ ភ្លុកដំរី កុយរមាសជាដើម ។ ក្នុងរយៈពេល៣ឆ្នាំចុងក្រោយនេះ សំណាកសត្វ កម្ររជាង៣តោនត្រូវបានរឹបអូស ហើយបច្ចុប្បន្ននេះកំពុងរក្សាទុកដោយគ្មានការដុតបំផ្លាញនោះទេ៕
ចែករំលែកព័តមាននេះ