ជាការពិតណាស់ គុណធម៌ទាំងឡាយតែងចម្រើនកើតមានឡើងដោយសេចក្តីអត់ធន់ ពោលគឺធម៌ខន្តីហ្នឹងឯង តែបើខ្វះសេចក្តីអត់ធន់ហើយ ជីវិតគឺគ្មានន័យ គ្មានខ្លឹមសារសោះឡើយ ។ ខាងក្រោមនេះជាលទ្ធផលនៃអ្នកដែលមិនចេះអត់ធន់ ៖
គ្មានធម៌ខន្តី គឺគ្មានភាពជោគជ័យ, គ្មានធម៌ខន្តី គ្មានគុណធម៌, គ្មានធម៌ខន្តី គឺគ្មានសុភមង្គល គ្មានសិរីសួស្តី, គ្មានធម៌ខន្តី គ្មានសន្តិភាព, គ្មានធម៌ខន្តី គឺគ្មានសេចក្តីសុខស្ងប់, គ្មានធម៌ខន្តី នឹងមិនបានរួចចាកទុក្ខ, គ្មានធម៌ខន្តី គឺមិនបានត្រាស់ជាព្រះពុទ្ធឡើយ ។
ហេតុនោះទើបបណ្ឌិតទាំងឡាយពោលថា ខន្តីជាកំពូលនៃធម៌សន្តិភាពក្នុងលោក អ្នកមានខន្តីជាមនុស្សជោគជ័យក្នុងជីវិត ៕ សាន សារិន
ចែករំលែកព័តមាននេះ