ពិតជាខ្លីសេចក្តីមែន ! គ្រាន់តែគេដណ្ដើមទូរស័ព្ទសោះ គិតខ្លីបែបនេះ!
- កំពង់ធំ
ខេត្តកំពង់ធំ ៖ កាលពីវេលាម៉ោង១១ព្រឹក ថ្ងៃទី១៧ ខែមករា ឆ្នាំ២០២១ ស្ថិតនៅលើផ្ទះជនរងគ្រោះក្នុងភូមិលាបទង ឃុំទ្រា ស្រុកស្ទោង ខេត្តកំពង់ធំ…
ខេត្តកំពង់ធំ ៖ កាលពីវេលាម៉ោង១១ព្រឹក ថ្ងៃទី១៧ ខែមករា ឆ្នាំ២០២១ ស្ថិតនៅលើផ្ទះជនរងគ្រោះក្នុងភូមិលាបទង ឃុំទ្រា ស្រុកស្ទោង ខេត្តកំពង់ធំ…
ខេត្តកំពង់ធំ ៖ កាលពីវេលាម៉ោង១១ព្រឹក ថ្ងៃទី១៧ ខែមករា ឆ្នាំ២០២១ ស្ថិតនៅលើផ្ទះជនរងគ្រោះក្នុងភូមិលាបទង ឃុំទ្រា ស្រុកស្ទោង ខេត្តកំពង់ធំ មានករណីគួរឲ្យភ្ញាក់ផ្អើលមួយបានកើតឡើង ដែលក្មេងស្រីម្នាក់បានចងក សម្លាប់ខ្លួនបណ្ដាលមកពីខឹងដណ្ដើមទូរស័ព្ទគ្នាលេង។ សពជនរងគ្រោះឈ្មោះ ពីន សួស្តី ភេទស្រី អាយុ០៨ឆ្នាំ ជនជាតិខ្មែរ រស់នៅភូមិកើតហេតុ។
បើយោងតាមការបំភ្លឺពីឈ្មោះ មាស រ៉ុម ភេទស្រី អាយុ៥៨ឆ្នាំ ត្រូវជាជីដូនបង្កើតរបស់កុមារីបានប្រាប់ថា នៅព្រឹកថ្ងៃកើតហេតុ គាត់ឃើញចៅៗគាត់ឈ្មោះ ពីន សួស្តី, ឈ្មោះ ធី ស៊ីពេជ ភេទស្រី, អាយុ១៤ឆ្នាំ ឈ្មោះ ធី ថេន, ពួកគេនៅលេងក្នុងផ្ទះជាមួយបងប្អូនរបស់គេ ចំណែករូបគាត់ក៏ទៅដាំស្លនៅខាងមុខផ្ទះ ពេលនោះចៅឈ្មោះ ពីន សួស្តី និងឈ្មោះ ធី ថេន បានដណ្តើមទូរសព្ទ័គ្នាលេង ឃើញដូច្នោះគាត់ប្រាប់ថាចែកគ្នាមើលម្តងម្នាក់ទៅ នៅពេលគាត់ធ្វើម្ហូបឆ្អិន ក៏ឲ្យឈ្មោះ ស៊ីពេជ្រ ទៅហៅចៅស្រី សួស្តី មកហូបបាយ ស្រាប់តែចៅពេជ្រប្រាប់ថា សួស្តី ចងកសម្លាប់ខ្លួនស្លាប់បាត់ហើយ។
គាត់ឮដូច្នេះក៏ស្ទុះទៅមើលឃើញចៅចងក និងស្នួហាលខោអាវស្លាប់បាត់។ បើតាមការបញ្ជាក់ពីក្មេងម្នាក់ឈ្មោះ ធី ថេន ភេទប្រុស អាយុ១១ឆ្នាំ បាននិយាយថា នៅម៉ោងប្រហែល១១ព្រឹក គេនៅលេងជាមួយបងប្អូននៅក្នុងផ្ទះ ហើយលោកយាយរបស់គេបាននិយាយទូរស័ព្ទ នៅពេលលោកយាយនិយាយចប់ គាត់បានឲ្យទូរស័ព្ទទៅឈ្មោះសួស្តី ហើយរូបគេក៏បានកញ្ឆក់យកទូរស័ព្ទពីឈ្មោះ សួស្តី ទៅមើល សួស្តី ខឹងក៏ស្រែកយំហើយរត់ទៅក្រោយផ្ទះ ចូលក្នុងបន្ទប់បិទទ្វារ មួយសន្ទុះក្រោយមកឈ្មោះ ស៊ីពេជ្រ ដើររកឈ្មោះ សួស្តី ហូបបាយ ខ្លួនប្រាប់ថា សួស្តី ខឹងនឹងខ្លួន នៅក្នុងបន្ទប់ខាងក្រោយ។
ឈ្មោះស៊ីពេជ្រ បានរត់ទៅមើល ឃើញឈ្មោះសួស្តី ចងកនឹងក្រមាភ្ជាប់ជាមួយស្នួហាលខោអាវស្លាប់ទៅហើយ។ ពេលទទួលព័ត៌មានសមត្ថកិច្ចជំនាញបច្ចេកខេត្ត សហការជាមួយជំនាញស្រុកប៉ុស្តិ៍នគរបាលរដ្ឋបាលទ្រា គ្រូពេទ្យ និងរដ្ឋអំណាចភូមិឃុំ នឹងសាច់ញតិសព ធ្វើការពិនិត្យសព និងកន្លែងកើតហេតុ នៅលើដងខ្លួនសាកសពពុំមានឃើញស្លាកស្នាមគួរកត់សម្គាល់ឡើយ ពិនិត្យចប់សព្វគ្រប់ សមត្ថកិច្ចបានធ្វើកំណត់ហេតុប្រគល់សពជូនសាច់ញតិយកទៅធ្វើបុណ្យតាមប្រពៃណី៕ ដោយ ៖ ថុក សុខា
ចែករំលែកព័តមាននេះ