រាជធានីភ្នំពេញ ៖ បើទោះបីជាឆ្នាំ ២០២០ កន្លងទៅនេះ កម្ពុជា និងពិភពលោកបានជួបវិបត្តិ ដោយសារតែកូវីដ ១៩ និងរុញឱ្យសេដ្ឋកិច្ចពិភពលោកធ្លាកចុះយ៉ាងគំហុកក្ដី…
រាជធានីភ្នំពេញ ៖ បើទោះបីជាឆ្នាំ ២០២០ កន្លងទៅនេះ កម្ពុជា និងពិភពលោកបានជួបវិបត្តិ ដោយសារតែកូវីដ ១៩ និងរុញឱ្យសេដ្ឋកិច្ចពិភពលោកធ្លាកចុះយ៉ាងគំហុកក្ដី ក៏ការនាំចេញទំ និញមួយចំនួនពីកម្ពុជាទៅកាន់ទីផ្សារអន្តរជាតិនៅតែមានកំណើនជាក់ស្ដែងឆ្នាំ ២០២០ កន្លង ទៅនេះ កម្ពុជានាំចេញកង់ទៅកាន់ទីផ្សារអន្តរជាតិមានកំណើនឡើងដល់ទៅ ២៧,៧៨ភារយ ធៀបនឹងឆ្នាំ ២០១៩ ។ នេះបើតាមលោក ស៊ាង ថៃ អ្នកនាំពាក្យក្រសួងពាណិជ្ជកម្មកម្ពុជាបាន បង្ហាញតួលេខនាំចេញឆ្នាំ ២០២០ ។
លោក ស៊ាង ថៃ បានបន្តថា ក្នុងឆ្នាំ ២០២០ កម្ពុជាបាននាំចេញទៅកាន់ទីផ្សារអន្តរជាតិ ក្នុងទំហំទឹកប្រាក់ជាង ៥២៧លានដុល្លារអាមេរិក មានកំណើនគួរឱ្យកត់សម្គាល់ធៀបនឹងឆ្នាំ ២០១៩ និងធ្វើឱ្យកម្ពុជាជាប់ចំណាត់លេខ ៥ ក្នុងពិភពលោកក្នុងការនាំចេញកង់ និងជាប់ចំ ណាត់ថ្នាក់លេខ ១ ក្នុងតំបន់អាស៊ាន ។
លោកបន្ដថា ទីផ្សារគោលដៅដែលកម្ពុជានាំចេញ កង់ រួមមាន ៖ សហរដ្ឋអាមេរិក, អាល្លឺម៉ង់, ចក្រភពអង់គ្លេស, ប៊ែលហ្ស៊ិក, ហូឡង់, អូទ្រីស, ស៊ុយអែត, ដាណឺម៉ាក, អូស្ត្រាលី, សាធារណរដ្ឋឆែក, អ៊ីតាលី, កូឡុំប៊ី, សាធារណរដ្ឋកូរ៉េ, អេស្ប៉ាញ, ស្លូវេនី និងកាណាដា ។ ចំណែកការនាំចូលកង់ពីទីផ្សារអន្តរជាតិមកកម្ពុជាវិញ នោះក្នុងឆ្នាំ ២០២០ មានទឹកប្រាក់ ៨,៣លានដុល្លារអាមេរិក ធៀបនឹងឆ្នាំ ២០១៩ មានការថយ ចុះប្រមាណ ១៩,៣៣ភាគរយ ។
យោងតាមរបាយការណ៍កន្លងមកបង្ហាញថា គ្រាន់តែរយៈពេល ៩ខែ ដើមឆ្នាំ ២០២០ ប្រទេសអាល្លឺម៉ង់នាំចូលកង់ពីកម្ពុជាប្រមាណ ៣៦ម៉ឺនគ្រឿង ប្រទេសប៊ែលហ្ស៊ិកនាំចូលកង់ ពីកម្ពុជាចំនួន ១៥ម៉ឺនគ្រឿង និងប្រទេសហូឡង់បាននាំចូលកង់បីកម្ពុជាក្នុងបរិមាណ ៩ម៉ឺនគ្រឿងដែរ ។
យ៉ាងណាក្ដី បើតាមទិន្និន័យពី Eurostar បង្ហាញថា នៅរយៈពេលដើមឆ្នាំ ២០២០ ពោលចន្លោះពីខែមករាដល់ខែ ឧសភា គឺនៅក្នុងអំឡុងកូវីដ ១៩ រាលដាល់ខ្លាំងលើពិភព លោក ការនាំកង់ចេញពីកម្ពុជាទៅកាន់ទីផ្សារសហគមន៍អឺរ៉ុបត្រូវបានរាយការណ៍ថា ធ្លាក់ចុះ ប្រមាណ ៧ភាគរយ ព្រោះក្នុងអំឡុងពេលនោះ បណ្ដាប្រទេសក្នុងទ្វីបអឺរ៉ុបជួបបញ្ហាធ្ងន់នូវ កូវីដ ១៩ ហើយប្រទេសខ្លះក៏បានបិទសេដ្ឋកិច្ចទាំងស្រុង ដោយមិនមានការនាំចេញនាំចូលទំ និញអ្វីពីខាងក្រៅប្រទេស តែក្រោយមកក៏មានការបើកបន្តបន្ទាប់ឡើងវិញ ។
ចំពោះការនាំចូលកង់ត្រូវបានលោក ស៊ាង ថៃ ប្រាប់ឱ្យដឹងថា ភាគច្រើនកម្ពុជា នាំចូល ពីប្រទេសជប៉ុន, ចិន, តៃវ៉ាន់, វៀតណាម, សហរដ្ឋអាមេរិក, ថៃ, អូស្ត្រាលី និងបារាំង ។ ល។ ទឹកប្រាក់នៃការនាំចូលកង់ពេញមួយឆ្នាំ ២០២០ សរុបចំនួន ៨,៣៨៦,៥៧២ដុល្លារ ថយចុះ -១៩.៣៣ភាគរយ បើប្រៀបធៀបនឹងឆ្នាំ ២០១៩ ៕
ចែករំលែកព័តមាននេះ