ខេត្តស្វាយរៀង ៖ នៅរសៀលថ្ងៃទី១៣ មករា ២០២១ មហាជនបានរិះគន់ដល់ក្រុមហ៊ុនជីករណ្តៅដីយកអាចម៌ដី ចាក់លប់ចំណីព្រែកទន្លេវ៉ៃគោ ក្រោមនិងជីកដីត្រពាំងសិលាដែលជាត្រពាំងធម្មជាតិរបស់ប្រជាពលរដ្ឋចំនួនបីភូមិប្រើប្រាស់ និងនេសាទត្រី ធ្វើឲ្យប៉ះពាល់ដល់ផលប្រជាយោជន៍ប្រជាពលរដ្ឋជាច្រើនគ្រួសារនៅក្នុងសង្កាត់ស្វាយតឿក្រុងស្វាយរៀង។…
ខេត្តស្វាយរៀង ៖ នៅរសៀលថ្ងៃទី១៣ មករា ២០២១ មហាជនបានរិះគន់ដល់ក្រុមហ៊ុនជីករណ្តៅដីយកអាចម៌ដី ចាក់លប់ចំណីព្រែកទន្លេវ៉ៃគោ ក្រោមនិងជីកដីត្រពាំងសិលាដែលជាត្រពាំងធម្មជាតិរបស់ប្រជាពលរដ្ឋចំនួនបីភូមិប្រើប្រាស់ និងនេសាទត្រី ធ្វើឲ្យប៉ះពាល់ដល់ផលប្រជាយោជន៍ប្រជាពលរដ្ឋជាច្រើនគ្រួសារនៅក្នុងសង្កាត់ស្វាយតឿក្រុងស្វាយរៀង។
បើតាមប្រជាពលរដ្ឋភូមិស្វាយតឿបានឲ្យដឹងថា រណ្តៅដីដែលក្រុមហ៊ុនជីយកអាចម៍ដី នោះ ទទឹងប្រមាណ៣០០ម៉ែត្រ បណ្តោយ៥០០ម៉ែត្រ ជម្រៅជ្រៅប្រមាណជិត៨ម៉ែត្រ ស្ថិតក្នុងភូមិស្វាយតឿ និងភូមិទាហានក្រោមសង្កាត់ស្វាយតឿ ក្រុងស្វាយរៀង។ ហើយអ្វីដែលប្រជាពលរដ្ឋព្រួយបារម្ភនោះ ក្នុងភូមិស្វាយតឿ គឺក្រុមហ៊ុនបានហ៊ុមពទ្ធ័យកត្រពាំងសិលា ជីកជារណ្តៅយកអាចម៌ដីទៅចាក់លប់ចំណីព្រែកទន្លេវ៉ៃគោក្រោម ត្រង់ចំណុចខាងលិចវត្តមុនីសិលា ហៅវត្តឡ តាមបណ្តោយព្រែកទន្លេវ៉ៃគោក្រោម ឆ្ពោះទៅកាន់តំបន់សេដ្ឋកិច្ចពិសេសជីលូ ភូមិស្វាយតឿង(ប្រវែងជាង១,០០០ម៉ែត្រ)។
ប្រភពបន្តទៀតថា ទី១-ប៉ះពាល់ផ្លូវប្រជាពលរដ្ឋចេញចូលទៅព្រែកទន្លេវ៉ៃគោ ដើម្បីនេសាទត្រី និងទឹកគោ ក្របីផឹកនារដូវប្រាំង។ទី២,ប៉ះពាល់អូធម្មជាតិនិងប្រឡាយទឹក នៅរដូវវស្សា(បាត់បង់ផ្លូវទឹក)ទី៣,ប៉ះពាល់ត្រពាំងសិលា ដែលជាបឹងធម្មជាតិ តាំងពីបុរាណ ដែលប្រជាពលរដ្ឋបីភូមិគឺភូមិស្វាយតឿ ភូមិទាហ៊ានក្រោម និងភូមិទាហានលើ មកនេសាទត្រីខួបប្រាំងវស្សា ត្រូវក្រុមហ៊ុនចាក់លប់និងជីកយកអាចម៍ដី ។
ទាក់ទិនករណីនេះដែរ លោកសូ មុត ប្រធានភូមិស្វាយតឿ បានប្រាប់ឲ្យដឹងថា ក្រុមវហ៊ុនដែលធ្វើអាជីវកម្មជីករណ្តៅដីយកអាចម៌ដីនោះ គឺក្រុមហ៊ុនម៉េង សាន ទទួលបានអាជ្ញាប័ណ្ណ ពីអាជ្ញាធរធ្វើអាជីវកម្មជីករណ្តៅដីយកអាចម៌ដីនេះរយៈពេល៥ឆ្នាំមកហើយដើម្បីយកអាចម៍ដីទៅចាក់ឲ្យក្រុមហ៊ុនចិនក្នុងតំបន់សេដ្ឋកិច្ចពិសេសជីលូ ទំហំ១៣៥
ហិកតា និងមានក្រុមហ៊ុនចូលមកវិនិយោគធ្វើរោងចក្របន្ថែមទៀតក្នុងគម្រោង៤៥៤ហិកតា។
ព័ត៌មានពិស្តារនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ