រាជធានីភ្នំពេញ ៖ រថយន្តម៉ាកហាយឡែនឌ័រមួយគ្រឿង ដែលបើកបរដោយបុរម្នាក់ និងបុរសម្នាក់រួមដំណើរទំនងជាស្រវឹងស្រា បានបើកទៅបុករះរថយន្តចំនួន២គ្រឿង កង់បីឥណ្ឌា២គ្រឿង និងម៉ូតូ១គ្រឿង ជាប់ក្រោមកង់ឡានអូសជាច្រើនម៉ែត្រ បណ្តាលឲ្យបុរសម្នាក់រងរបួសជើងធ្ងន់ធ្ងរ។ ក្រោយពីបង្ករគ្រោះថ្នាក់ចរាចរណ៍បុករះរថយន្តកង់បីឥណ្ឌា និងម៉ូតូច្រើនគ្រឿងរួចហើយ អ្នកបើកបររថយន្តបង្កព្យាយាមបើករត់គេចខ្លួនតែត្រូវបានអ្នកនៅក្បែរខាងនាំគ្នាជិះម៉ូតូជាច្រើនគ្រឿងដេញតាម ហើយត្រូវបានបុរសជាអ្នកបើកបរថរយន្តបង្កបើកទៅចូលប៉ូស្តិ៍នគរបាលទួលស្វាយព្រៃទី១ ដោយខ្លួនឯង ទំនងជាខ្លាចគេវ៉ៃ។
ករណីគ្រោះថ្នាក់ចរាចរណ៍នេះដែរបានកើតឡើងកាលពីវេលាម៉ោង១២ និង៤៥នាទីថ្ងៃត្រង់ ថ្ងៃទី១៤ ខែមករា ឆ្នាំ២០២១ នៅចំណុចផ្លូវលេខ៣១០ កែងផ្លូវ១៩៣ (ក្បែរផ្សារអូឡាំពិក) ក្នុងសង្កាត់ទួលស្វាយព្រៃទី១ ខណ្ឌបឹងកេងកង។ រថយន្តបង្ករម៉ាកហាយឡែនឌ័រ ព៌ណទឹកប្រាក់ ពាក់ស្លាកលេខ ភ្នំពេញ ២BI-៥០៦៦ និងរថយន្តរងគ្រោះទី១-ម៉ាកព្រុស ពណ៌ទឹកប្រាក់ ពាក់ស្លាកលេខ ភ្នំពេញ ២AW-១២៦៣ ទី២-កង់បីឥណ្ឌាពណ៌ស ពាក់ស្លាកលេខ ១AB-៧៧៤៤ ទី៣-កង់បីឥណ្ឌាពណ៌ស ពាក់ស្លាកលេខភ្នំពេញ១GZ-៥២៤៨ និង ទី៤-ម៉ូតូម៉ាក ឃ្លីក ព៌ណស ពាក់ស្លាលេខ ភ្នំពេញ ១FT-៤៧៤០។
មុនពេលកើតហេតុ គេបានឃើញរថយន្តបង្ករម៉ាកហាយឡែនឌ័រ បើកបរដោយបុរសម្នាក់ និងមានបុរសម្នាក់ទៀតជិះជាមួយ បានបើកបរតាមបណ្តោយផ្លូវលេខ៣១០ ក្នុងទិសដៅពីកើតទៅលិច ក្នុងល្បឿនយ៉ាងលឿន លុះមកដល់ចំណុចកើត ហេតុជាចំណុចផ្លូវបំបែកជា៤ និងជាទីប្រជុំជនមានមនុស្សច្រើននៅក្បែរផ្សារអូឡាំពិកនោះអ្នកបើកបរមិនបានបានបង្អង់ល្បឿនឡើយ។ ហើយក៏បានទៅបុករះរថយន្តចំនួន២គ្រឿង កង់បីឥណ្ឌា២គ្រឿង និងម៉ូតូ២គ្រឿង ដោយបុកអូសម៉ូតូម៉ាក ឃ្លីកមួយគ្រឿងជាប់ក្រោមកង់រថយន្តជាច្រើនម៉ែត្រ និងបណ្តាលឲ្យបុរសជាម្ចាស់រងរបួសត្រង់ជើងយ៉ាងធ្ងន់ធ្ងរផងដែរ។
តាមប្រភពដដែលបានប្រាប់បន្តទៀតថា ពេលដែលរថយន្តម៉ាក ហាយឡែនឌ័របង្ករបុករះរថយន្តកង់បីឥណ្ឌា ម៉ូតូជាច្រើនគ្រឿង និងបណ្តាលឲ្យបុរសម្នាក់ជិះម៉ូតូឃ្លីករងរបួសរួចហើយ មិនបានឈប់មើលទេបែរជាព្យាយាមបើករត់គេចខ្លួនមិនទទួលខុសត្រូវក៏បានអ្នកនៅក្បែរខាងបាននាំគ្នាជិះម៉ូតូជាច្រើនគ្រឿងដេញតាមក្រោយ ទំនងជាខ្លាចគេវ៉ៃបុរសជាអ្នកបើកបរបើករត់ចូលប៉ុស្តិ៍នគរបាលទួសស្វាយេព្រៃទី១ និងប្រគល់ខ្លួនឲ្យប៉ូលីសទៅវិញ។
ក្រោយពេលកើតហេតុ បុរសជាម្ចាស់ម៉ូតូម៉ាកឃ្លីកដែលរងរបួសត្រង់ជើងធ្ងន់ធ្ងរ ត្រូវបានគេដឹកតាមម៉ូតូយកទោកាន់មន្ទីរពេទ្យ ហើយកម្លាំងមានសមត្ថកិច្ចខណ្ឌបឹងកេងកងក៏បានចុះមកដល់កន្លែងកើតហេតុ ធ្វើការវាស់វែង ហៅម្ចាស់រថយន្តព្រុស១គ្រឿងយកទៅដោះស្រាយ និងរថយន្តមួយគ្រឿងទៀតរងការខូចខាតតិចតួចបន្តដំណើរទៅបាត់កង់បីឥណ្ឌា២គ្រឿង និងភាគីតំណាងបុរសជាម្ចាស់ម៉ូតូឃ្លីក ដែលរងរបួសជើងយកទៅធ្វើការដោះស្រាយគ្នាបញ្ចប់រឿងនៅនគរបាលប៉ុស្តិ៍ ទួលស្វាយព្រៃទី១ ចំណែករម៉ូតូ១គ្រឿងទៀតដែលរងការខូចខាតតិចតួចមិនបានចូលរួមដោះស្រាយទេ៕ ដោយ ៖ ភី ផល
ចែករំលែកព័តមាននេះ