ទីក្រុងយ៉ាំងហ្គោន ៖ លោក Paing Takhon ដែលមានឈ្មោះក្រៅហៅថា «ប៉ៃ» ជាតារាម៉ូដែលបង្ហាញម៉ូត និងជាតារាសម្ដែងក្នុងខ្សែភាពយន្តដ៏មានប្រជាប្រិយម្នាក់ប្រចាំប្រទេសមីយ៉ាន់ម៉ា ដែលអ្នកគាំទ្ររបស់លោកមានជាច្រើនប្រទេស…
ទីក្រុងយ៉ាំងហ្គោន ៖ លោក Paing Takhon ដែលមានឈ្មោះក្រៅហៅថា «ប៉ៃ» ជាតារាម៉ូដែលបង្ហាញម៉ូត និងជាតារាសម្ដែងក្នុងខ្សែភាពយន្តដ៏មានប្រជាប្រិយម្នាក់ប្រចាំប្រទេសមីយ៉ាន់ម៉ា ដែលអ្នកគាំទ្ររបស់លោកមានជាច្រើនប្រទេស ជាពិសេសសុភាពនារីៗច្បាប់ជាដឹងហើយថា លោកកោរសក់ គ្រងស្បងជីវរ បួសជាព្រះសង្ឃ ដើម្បីសងគុណឪពុកម្ដាយ ឲ្យជះថ្លាក្នុងចិត្ត និងស្ងប់អារម្មណ៍ អស់រយៈពេល១០ថ្ងៃមកហើយ ។
កាលពីថ្ងៃទី១២ និង១៣ មករា ២០២១នេះ នៅលើបណ្ដាញសង្គមហ្វេសប៊ុក និងអ៊ីនស្ត្រាក្រាមរបស់តារាម៉ូដែលប្រុស រូបសង្ហា Paing Takhon បានបង្ហោះរូបភាព០១សន្លឹកៗ បង្ហាញថា លោកស្លៀកសម្លៀកបំពាក់ជាគ្រហស្ថធម្មតាវិញហើយ និយាយអោយចំនោះគឺលោកសឹកហើយ លាចាកសិក្ខាបទរួចរាល់ ផងដែរ ។
អន្ទិត Paing Takhon បានសឹកវិញត្រឡប់ចូលសិល្បៈជាថ្មីវិញ ធ្វើអោយបងប្អូនអ្នកគាំទ្ររីករាយមិនតិចទេ ជាពិសេសមិត្តនារីៗ នៅតំបន់អាស៊ានតែម្តង ជាធម្មតាដែលកន្លងមក Paing Takhon តែងតែបង្ហាញខ្លួនជាមួយនឹងរូបថតដោះអាវបញ្ចេញសាច់ដុំកង់ៗ (ហៅថាសិចផេក) បង្អួតស្នាមសាក់យ៉ាងទាក់ទាញ ធ្វើឲ្យសុភាពនារីជាច្រើនលង់ស្នេហ៍ជាប់ចិត្ត ទោះបីកំឡុងពេលព្រះសង្ឃ Paing Takhon ស្ថិតនៅជាបុព្វជិតក្តី ក៏អ្នកគាំទ្រទាំងអស់នាំគ្នាចែកចាយរូបលោក តៗគ្នា ព្រោងព្រាតពេញបណ្ដាញសង្គម ដោយលើកឡើងក្នុងន័យស្រដៀងៗគ្នាថា ទោះបីជាលោកបង Paing Takhon បួសធ្វើជាព្រះសង្ឃ ក៏ដោយ ក៏នៅតែសង្ហាខ្លាំងដដែល ។
ដោយឡែកសម្រាប់អ្នកគាំទ្រនៅស្រុកខ្មែរវិញ ក៏បានលើកឡើងតាមរយៈខមមិនដែរថា «វាមិនចម្លែកទេ ដែលនាង ទាវ លង់ស្នេហ៍នេន ទុំ នោះ» ។ និងខ្លះទៀតថា «រូបប៉ុន្មានសន្លឹកនេះ (សង្ឃ) ធ្វើអោយស្រីៗធ្លាក់នរកច្រើនណាស់» ។
គួរជម្រាបខ្លីថា លោក Paing Takhon អាយុ២៤ឆ្នាំ មានកម្ពស់ ១,៧៨ម៉ែត្រ ជាតារាម៉ូដែល និងជាតារាសម្តែងជនជាតិភូមា ។ លោកបានចាប់ផ្តើមអាជីពសិល្បៈនៅឆ្នាំ២០១៤ បន្ទាប់មក បានចូលសម្តែង ជាលើកដំបូងនៅក្នុងឆ្នាំ ២០១៧ ហើយចាប់តាំងពីពេលនោះមក លោកបានសម្តែងនៅក្នុងខ្សែភាពយន្ត Bad Boy 2, Midnight Traveller និង Thaman Kyar ៕
ចែករំលែកព័តមាននេះ