គ្រួសារសពក្រីក្រទទួលបានអំណោយមនុស្សធម៌ ពីសាខាកាកបាទក្រហម
- សៀមរាប
ខេត្តសៀមរាប ៖ នៅថ្ងៃទី១២ ខែមករា ឆ្នាំ ២០២១ លោក ស៊ីន ចាន់ថុល ប្រធានគណៈកម្មាធិការអនុសាខាកាកបាទ…
ខេត្តសៀមរាប ៖ នៅថ្ងៃទី១២ ខែមករា ឆ្នាំ ២០២១ លោក ស៊ីន ចាន់ថុល ប្រធានគណៈកម្មាធិការអនុសាខាកាកបាទ ក្រហមកម្ពុជា ស្រុកពួក និងព្រះតេជគុណ ម៉ក់ ប៉ឹង អនុប្រធានកិត្តិយសអនុសាខាកាកបាទក្រហមកម្ពុជា ស្រុកពួក ព្រមទាំងសហការី បាននាំយកអំណោយមនុស្សធម៌ជូនដល់គ្រួសារសពឈ្មោះ ហូយ ឆែម ភេទស្រី អាយុ៤៣ឆ្នាំ នៅភូមិត្នោតជ្រុំ ឃុំដូនកែវ ស្រុកពួក ខេត្តសៀមរាប ស្លាប់ដោយសារជំងឺរបេងសួត ហើយគ្រួសារនេះមានជីវភាពលំបាកខ្លាំង ដោយបន្សល់ទុកកូនចំនួន៤នាក់ កូនពៅអាយុទើបតែ ១ឆ្នាំកន្លះគួរឱ្យអាសូរ។
ក្នុងឱកាសនោះដែរលោកប្រធានអនុសាខាកាកបាទក្រហមកម្ពុជា ស្រុកពួក បានបានពាំនាំនូវការផ្តាំសួរសុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាលោក ទៀ សីហា ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ដែលតែងតែយកចិត្តទុកដាក់គិតគូរចំពោះប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ សាសនា ឬនិន្នាការនយោបាយណាមួយឡើយ និងមិនទុកអ្នកណាចោល នៅពេលប្រជាពលរដ្ឋជួបការលំបាក។
ជាមួយគ្នាននេះលោកប្រធានបានចូលរួមរំលែកទុក្ខយ៉ាងក្រៀមក្រំជាមួយគ្រួសារសព ដែលបានបាត់បង់ម្តាយ ប្រពន្ធ ជាទីស្រឡាញ់ និងសូមបួងសួងសូមវិញ្ញាណក្ខន្ធនៃសពបានទៅកាន់សុគតិភព និងលោកបានផ្តាំផ្ញើសូមឱ្យបងប្អូនថែរក្សា សុខភាព ត្រូវមានអនាម័យ និងលាងសម្អាតដៃជាមួយសាប៊ូ ឱ្យបានជាប់ជាប្រចាំចូលរួមការពារ ទប់ស្កាត់មេរោគ កូវីដ-១៩។
ក្នុងនោះលោកអភិបាលស្រុកពួក និងចៅអធិការវត្ត បានយកអំណោយមនុស្ស ធម៌ដែលផ្តល់ជូនក្រុមគ្រួសារសពក្រីក្រ និងមនុស្សសប្បុរជនមួយចំនួនមាន៖ អង្ករ ៣០គក្រ.ឃីត១.កន្ទេល១. មី១កេស.ត្រីខ១យួរ និងថវិកា ១សែនរៀល នាពេលនោះសប្បុរសជនបានឧបត្ថម្ភ៖ -ព្រះតេជគុណ ម៉ក់ ប៉ឹង អនុប្រធានកិត្តិយសអនុសាខាកាកបាទ ក្រហមកម្ពុជា ស្រុកពួក សម្ភារផ្ទះបាយ១ឈុត និងថវិកា ១សែនរៀល។
ព្រះតេជគុណ ណុប ឡន ព្រះចៅអធិការវត្តខេមរាសាមគ្គីមុនីរង្សី (ហៅវត្តធម្មយុទ្ធ ) អង្ករ ២៥គក្រ និងថវិកា ១សែនរៀល-លោកស្រី រស់ ចិន្តា និងស្វាមី ភាស៊ីផ្សារពួក ខោអាវក្មេង៦កំប្លេ ថវិកា ២សែនរៀល -លោកស្រី វ៉ាញ ចាន់ថង និងស្វាមី ព្រមទាំងបុត្រ ថវិកា ៥០ដុល្លារ -លោកស្រី សុខ សាន្ត និងស្វាមី ខោអាវក្មេង៦កំប្លេ និងថវិកា ១សែន៩ម៉ឺនរៀល -លោកស្រី សុខ ជីវី និងស្វាមី ថវិកា១សែនរៀល -លោក រេន វ៉ូច និងភរិយា ម្ចាស់គ្រឿងចក្រ ថវិកា១សែនរៀល -ឧបាសិកា លឹម សុខុម ថវិកា ១សែន៣ម៉ឺនរៀល -លោកស្រី អាំង គឺ និងស្វាមី ព្រមទាំងបុត្រ ថវិកា ៥ម៉ឺនរៀល។ -រដ្ឋបាលឃុំដូនកែវ ថវិកា ៥ម៉ឺនរៀល -លោក សៅ អន ថវិកា ២ម៉ឺនរៀល -លោកស្រី អឹម ដានី សារ៉ុង២ គ្រឿងទេសផ្ទះបាយ ១ឈុត ថ្នាំពេទ្យមួយចំនួន និងស្ករគ្រាប់៦ថង។-អង្គការ អូអាយអឹម (OIM) ឃីត២កញ្ចប់ មានមុង២, កន្ទេល២, ខ្នើយ២ ផួយ២ ខោអាវ២កំប្លេ សាប៊ូថ្នាំដុសធ្មេញ៕ ដោយ ៖ ច័ន្ទ រស្មី
ចែករំលែកព័តមាននេះ