សហរដ្ឋអាមេរិក ៖ ខណៈថ្ងៃដែលលោកត្រូវចប់អាណត្តិថ្ងៃទី២០ មករាកាន់តែកៀកមកដល់ ប្រធានាធិបតីអាមេរិកលោកដូណាល់ ត្រាំ វាយតម្លៃកាលពីថ្ងៃទី១២ មករាថា លោកគ្មានអីភ័យត្រូវគេដកហូតតំណែងយោងតាមរដ្ឋធម្មនុញ្ញធ្វើវិសោធនកម្មលើកទី២៥ឡើយ ។…
សហរដ្ឋអាមេរិក ៖ ខណៈថ្ងៃដែលលោកត្រូវចប់អាណត្តិថ្ងៃទី២០ មករាកាន់តែកៀកមកដល់ ប្រធានាធិបតីអាមេរិកលោកដូណាល់ ត្រាំ វាយតម្លៃកាលពីថ្ងៃទី១២ មករាថា លោកគ្មានអីភ័យត្រូវគេដកហូតតំណែងយោងតាមរដ្ឋធម្មនុញ្ញធ្វើវិសោធនកម្មលើកទី២៥ឡើយ ។
នៅសហរដ្ឋអាមេរិកការធ្វើវិសោធនកម្មនោះអាចឲ្យអនុប្រធានាធិបតីជាមួយការគាំទ្ររបស់រដ្ឋមន្ត្រីសំខាន់ៗប្រកាសពីប្រធានាធិបតីដែលបាត់បង់សម្បទាមិនអាចដឹកនាំប្រទេសបាន ។ នៅទីក្រុងអាឡាម៉ូរដ្ឋតិចសាស់ លោកត្រាំអំពាវនាវឲ្យគោរពច្បាប់ ។ លោកថាពេលវេលានៃការបន្ទន់ឥរិយាបថមកដល់ហើយសម្រាប់ប្រទេសយើង នោះជាពេលនៃសន្តិភាព និងភាពស្ងប់ស្ងាត់ ។ មុននេះបន្តិចលោកដូណាល់ ត្រាំ បានហៅនីតិវិធីលើកទី២ដកតំណែងលោកថាជារឿងគួរឲ្យអស់សំណើច ។
លោកត្រាំនៅតែការពារបណ្ដាពាក្យពេចន៍របស់លោក ដែលថ្លែងកាលពីសប្ដាហ៍មុន ហើយបន្ទាប់មកបណ្ដាលឲ្យផ្ទុះអំពើហិង្សារបស់ពួកបាតុករគាំទ្រលោក ដែលលើកគ្នាសម្រុកចូលអុកឡុកវិមានកាពីតូល ។ ម្យ៉ាងទៀតលោកថាបណ្ដាបណ្ដាញសង្គមដែលផ្អាកគណនីរបស់លោកជាអ្នកប្រព្រឹត្តការខុសឆ្គងប្រកបដោយគ្រោះមហន្តរាយមួយ ។ លោកថាសុន្ទរកថារបស់លោកនៅមុខពួកបាតុករគាំទ្រលោកពិតជាសមស្រប ។
លោកត្រូវបានពួកអ្នកប្រជាធិបតេយ្យចោទប្រកាន់ថា បានថ្លែងសុន្ទរកថាអុជអាលឲ្យផ្ទុះអំពើហិង្សាវាយប្រហារវិមានកាពីតូល កាលពីថ្ងៃទី៦ មករា ។ លោកត្រាំបន្តថា លោកមិនចង់ឲ្យ
មានអំពើហិង្សាក្នុងប្រទេសដែលកំពុងមានភាពតានតឹងខ្លាំងឡើយ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ