រាជធានីភ្នំពេញ ៖ រថយន្តម៉ាកនីស្សាន់មួយគ្រឿងប្រភេទ១បាំងកន្លះបានបើកបោះពួយក្នុងល្បឿនលឿនជ្រុលទៅបុករថយន្តម៉ាកឡិចស៊ីស RX300 មួយគ្រឿងដែលបត់ឆ្លងផ្លូវ យ៉ាងពេញទំហឹង បណ្តាលឱ្យរថយន្តម៉ាកនីស្សាន់រងការខូចខាតខ្ទេចមុខខ្លួនឯង ។ ទោះបីជាយ៉ាងណា ពុំបណ្តាលឱ្យមនុស្សណាម្នាក់រងរបួសឡើយ…
រាជធានីភ្នំពេញ ៖ រថយន្តម៉ាកនីស្សាន់មួយគ្រឿងប្រភេទ១បាំងកន្លះបានបើកបោះពួយក្នុងល្បឿនលឿនជ្រុលទៅបុករថយន្តម៉ាកឡិចស៊ីស RX300 មួយគ្រឿងដែលបត់ឆ្លងផ្លូវ យ៉ាងពេញទំហឹង បណ្តាលឱ្យរថយន្តម៉ាកនីស្សាន់រងការខូចខាតខ្ទេចមុខខ្លួនឯង ។ ទោះបីជាយ៉ាងណា ពុំបណ្តាលឱ្យមនុស្សណាម្នាក់រងរបួសឡើយ ប៉ុន្តែបណ្តាលឱ្យរថយន្ត២គ្រឿងរងការខូចខាតធ្ងន់ធ្ងរ។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី១៣ មករា ឆ្នាំ២០២១ នៅចំណុចតាមផ្លូវបេតុង OCIC ស្ថិតក្នុងភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
រថយន្តម៉ាក Nissan Frontier ពណ៌ទឹកប្រាក់ ពាក់ស្លាកលេខ ភ្នំពេញ2Z-6483បើកបរ ជិះតែម្នាក់ឯង បានរងការខូចខាតខ្ទេច មួយកំណាត់មុខ ។ ចំណែករថយន្តម៉ាកឡិចស៊ីស RX300 ពណ៌ស្ករ ពាក់ស្លាកលេខ បន្ទាយមានជ័យ 2A-3567 បើកបរដោយបុរសចំណាស់ម្នាក់ ។
តាមប្រភពព័ត៌មានបានអោយដឹងថា នៅមុនពេលកើតហេតុ រថយន្តទាំង២គ្រឿងធ្វើដំណើរក្នុងទិសដៅស្របគ្នា លុះនៅពេលមកដល់ចំណុចកើតហេតុខាងលើ រថយន្តម៉ាកឡិចស៊ីសដែលបើកនៅខាងមុខ ក៏បានបង្អង់ល្បឿនស៊ីញ៉ូបត់ឆ្វេង ស្រាប់តែរថយន្តម៉ាកនីស្សាន់ដែលធ្វើដំណើរក្នុងល្បឿនលឿនមកពីក្រោយមកបុកយ៉ាងពេញទំហឹង បណ្តាលអោយរថយន្តឡិចស៊ិសបត់ក្បាលត្រឡប់ក្រោយរងការខូចខាតផ្នែកខាងក្រោយ ។ ចំណែក រថយន្តនីស្សាន់បានរងការខូចខាតខ្ទេចមួយកំណាត់មុខ បែកធុងទឹក ។
តាមព័ត៌មានអោយដឹងថា បន្ទាប់ពីមានគ្រោះថ្នាក់ខាងលើរួចមក ភាគីទាំងពីបានសម្របសម្រួលគ្នា ដោយខាងរថយន្តឡិចស៊ីសសុំជួសជុលរៀងៗខ្លួន តែខាងរថយន្តម៉ាកនីស្សាន់ ដែលបុកគេពីក្រោយ បែរជាទារសំណងជួលជុល និងហៅជាងមកវាយតម្លៃប្រមាណ២០០០ដុល្លារ ។ ដោយសារតែម្ចាស់រថយន្តឡិចស៊ីសខ្លាចនគរបាលយករថយន្តទៅទុក ក៍បានសម្របសម្រួលគ្នាសងចំនួន៥៥០ដុល្លារទៅខាងរថយន្តនីស្សាន់ដែលជាអ្នកបុកពីក្រោយ ដើម្បីបញ្ចប់រឿង៕ (កែសម្រួលដោយ ៖ ធីតា)
ចែករំលែកព័តមាននេះ