អង់គ្លេស ៖ ក្រុមបិសាចក្រហម Manchester United ឡើងទៅឈរនៅកំពូលតារាង បន្ទាប់ពីបានយកឈ្នះលើក្រុមម្ចាស់ផ្ទះ Burnley យ៉ាងលំបាកកាលពីយប់ម្សិលមិញ។ ពុំមានការស៊ុតបញ្ចូលទីគ្នាឡើយក្នុងការប្រកួតតង់ទី១។…
អង់គ្លេស ៖ ក្រុមបិសាចក្រហម Manchester United ឡើងទៅឈរនៅកំពូលតារាង បន្ទាប់ពីបានយកឈ្នះលើក្រុមម្ចាស់ផ្ទះ Burnley យ៉ាងលំបាកកាលពីយប់ម្សិលមិញ។
ពុំមានការស៊ុតបញ្ចូលទីគ្នាឡើយក្នុងការប្រកួតតង់ទី១។ ប៉ុន្តែការប្រកួតឈានដល់ពាក់កណ្តាលផ្លូវក្នុងតង់ទី២ ខ្សែបម្រើកណ្តាល Paul Pogba បានទាត់វ៉ូឡេពីលើប្រអប់គ្រោះថ្នាក់បញ្ចូលទីបានសម្រេច បន្ទាប់ពីទទួលបានការបញ្ជូនបាល់ពីមិត្តរួមក្រុមគឺខ្សែប្រយុទ្ធ Marcus Rashford នៅនាទី៧១។ ហើយ១គ្រាប់នេះ បានរក្សារហូតដល់ចប់ការប្រកួត។
ជ័យជម្នះនេះ ឱ្យក្រុមលោក Ole Gunnar Solskjaer ដាច់ចំនួន៣ពិន្ទុនៅកំពូលតារាង ដោយបានទាញទម្លាក់ក្រុមហង្សក្រហម Liverpool របស់លោក Jurgen Klopp មកលេខ២។ ខណៈដែលក្រុមទាំង២ នឹងត្រូវប៉ះគ្នានៅថ្ងៃទី ១៧ មករា ឆាប់ៗខាងមុខនេះ សម្រាប់ការប្រកួតសប្តាហ៍ទី១៩៕
ចែករំលែកព័តមាននេះ