រាជធានីភ្នំពេញ ៖ បុរសម្នាក់ជាកម្មករបើករថយន្តក្រឡុកស៊ីម៉ងត៍បើកគៀររថយន្តកាមរីបាឡែន ខណៈពេលកំពុងតែស្ទះចរាចរណ៍ខ្លាំង បណ្តាលអោយបាក់កញ្ចក់នឹងក្រពិតអស់មួយជំហៀងខាងឆ្វេង កាលពីវេលាម៉ោង7យប់ ថ្ងៃទី11 ខែមករា ឆ្នាំ2021 តាមបណ្តោយផ្លូវ182កែងផ្លូវ261 ស្ថិតនៅក្នុងសង្កាត់ទឹកល្អក់2 ខណ្ឌទួលគោក ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គឺរថយន្តកាមរីហាយប្រ៊ិត ពណ៌ស្ករ ពាក់ស្លាកលេខខេមរភូមិ 09 2-1492 បើកបរតាមបណ្តោយផ្លូវ182 ក្នុងទិសដៅពីកើតទៅលិច ខណៈពេលបើកមកដល់ចំណុចកើតហេតុផ្លូវកំពុងតែស្ទះចរាចរណ៍ខ្លាំង ស្រាប់តែមានរថយន្តក្រឡុកស៊ីម៉ង់ត៍ពណ៌ស ពាក់ស្លាកលេខភ្នំពេញ5A-0932 បើកបរស្របទិសដៅគ្នាដោយសារតែបើកគេចនឹងម៉ូតូនៅពីមុខទើបជ្រុលមកស្តាំដៃមកគៀរនឹងរថយន្តកាមរីហាយប្រ៊ិត ដែលបើកស្របទិសដៅគ្នា បណ្តាលអោយរងការខូចខាតខ្ទេចអស់មួយជំហៀងខាងឆ្វេងនៃក្បាលរថយន្ត ហើយបាក់កញ្ចក់រថយន្តអស់មួយជំហៀង បង្កអោយស្ទះចរាចរណ៍យ៉ាងខ្លាំង។
ភ្លាមៗនោះដែរ សមត្ថកិច្ចមូលដ្ឋានបានចុះមកដល់កន្លែងកើតហេតុ ដើម្បីជួយសម្រួលចរាចរណ៍កុំអោយពិបាកធ្វើដំណើរហើយអ្នកបើកបររថយន្តក្រឡុកស៊ីម៉ង់ត៍ដឹងខ្លួនខុសបានទូរស័ព្ទហៅថៅកែអោយមកជួយដោះស្រាយខាងរថយន្តរងគ្រោះទាមទារសំណងចំនួន500$ ដើម្បីជួសជុលរថយន្ត ។
ក្រោយពេលកើតហេតុរថយន្តបង្កសូមធានាជួសជុលរថយន្តអោយដើម្បីបញ្ចប់រឿងនៅកន្លែងកើតហេតុ ៕
ចែករំលែកព័តមាននេះ