រាជធានីភ្នំពេញ ៖ ក្បាលនាគពុះចែកទ្រូងផ្លូវមួយកង់ត្រូវបានដួលរលំ បន្ទាប់ពីមានបុរសម្នាក់បើកបររថយន្តម៉ាកព្រូសមួយគ្រឿងក្នុងល្បឿនលឿនរេចង្កូតជ្រុលបុកយ៉ាងពេញទំហឹងនៅចំនុចស្តុបទំនប់ទឹក ស្ថិតតាមបណ្តោយផ្លូវលេខ២៧១ ក្នុងសង្កាត់បឹងទំពន់ទី១ ខណ្ឌមានជ័យ កាលពីវេលាម៉ោង៦ព្រឹកថ្ងៃទី៩ ខែមករា ឆ្នាំ២០២១…
រាជធានីភ្នំពេញ ៖ ក្បាលនាគពុះចែកទ្រូងផ្លូវមួយកង់ត្រូវបានដួលរលំ បន្ទាប់ពីមានបុរសម្នាក់បើកបររថយន្តម៉ាកព្រូសមួយគ្រឿងក្នុងល្បឿនលឿនរេចង្កូតជ្រុលបុកយ៉ាងពេញទំហឹងនៅចំនុចស្តុបទំនប់ទឹក ស្ថិតតាមបណ្តោយផ្លូវលេខ២៧១ ក្នុងសង្កាត់បឹងទំពន់ទី១ ខណ្ឌមានជ័យ កាលពីវេលាម៉ោង៦ព្រឹកថ្ងៃទី៩ ខែមករា ឆ្នាំ២០២១ ។
រថយន្តបង្កហេតុមួយគ្រឿងខាងលើម៉ាកព្រូស ពណ៌ទឹកប្រាក់ ពាក់ស្លាកលេខ ភ្នំពេញ 2AY-9346 បើកបរដោយបុរសម្នាក់ឈ្មោះ ជួន ស៊ីណាត់ អាយុ៣១ឆ្នាំ ស្នាក់នៅភូមិកោះប្រាក់ ឃុំកំពងធំ ស្រុកគៀនស្វាយ ខេត្តកណ្តាល ។
យោងតាមប្រភពព័ត៌មានអោយដឹងថា នៅមុនកើតហេតុ គេឃើញរថយន្តម៉ាកព្រូសមួយគ្រឿងខាងលើ ធ្វើដំណើរតាមបណ្តោយផ្លូវ២៧១ ក្នុងទិសដៅពីជើងទៅត្បូង និងក្នុងល្បឿនលឿន លុះមកដល់ចំណុចកើតហេតុខាងលើ ដែលជាចំណុចប្រសព្វ៤ រថយន្តបង្កទំនងជាអកហ្សើនឹងអ្វីមួយដែលនៅពីមុខ ក៏បានរេចង្កូតជ្រុលទៅបុកនឹងក្បាលនាគពុះចែកទ្រូងផ្លូវទាំងកំរោលតែម្តង បណ្តាលអោយក្បាលនាគត្រូវដួលរលំ ដាច់ចេញពីទ្រូងផ្លូវ ចំណែករថយន្តត្រូវដាច់ក្រឡេកង់មុខផ្នែកខាងឆ្វេង ទៅមុខលែងរួច ។
បន្ទាប់ពីកើតហេតុ កម្លាំងនគរបាលមូលដ្ឋានសហការជាមួយជំនាញចុះអន្តរាគមន៍វាស់វែងស្ទូចយករថយន្តបង្ក ទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមផ្លូវច្បាប់នៅពេលក្រោយ ។ ទន្ទឹមនឹងនោះអ្នកបើកបររថយន្តបង្កក៏ត្រូវឃាត់ទៅជាមួយផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ