ខេត្តបន្ទាយមានជ័យ ៖ ពលករខ្មែរចំនួន១១នាក់ដែលលួចឆ្លងដែនទាំងប្រថុយប្រថានត្រូវបានទាហានថៃចាប់ខ្លួនកាលពីថ្ងៃទី៦ មករា ២០២១ នៅបន្ទាត់ព្រំដែនក្នុងឃុំ និងស្រុកតាប្រាយ៉ាខេត្តស្រះកែវឈមទឹកដីកម្ពុជាស្រុកថ្មពួក។ ពលករទាំង១១នាក់ប្រុស៧នាក់ ស្រី៤នាក់ កុមារ២នាក់ដែលមួយចំនួនមកពីខេត្តបាត់ដំបង…
ខេត្តបន្ទាយមានជ័យ ៖ ពលករខ្មែរចំនួន១១នាក់ដែលលួចឆ្លងដែនទាំងប្រថុយប្រថានត្រូវបានទាហានថៃចាប់ខ្លួនកាលពីថ្ងៃទី៦ មករា ២០២១ នៅបន្ទាត់ព្រំដែនក្នុងឃុំ និងស្រុកតាប្រាយ៉ាខេត្តស្រះកែវឈមទឹកដីកម្ពុជាស្រុកថ្មពួក។ ពលករទាំង១១នាក់ប្រុស៧នាក់ ស្រី៤នាក់ កុមារ២នាក់ដែលមួយចំនួនមកពីខេត្តបាត់ដំបង និងមួយចំនួនជាអ្នករស់នៅក្នុងខេត្តបន្ទាយមានជ័យ។ ជាមួយគ្នានេះសមត្ថកិច្ចថៃក៏បានឃាត់ខ្លួនស្ត្រីជនជាតិថៃម្នាក់ផងដែរ ដែលកំពុងនាំពលករខ្មែរដើរឆ្លងផ្លូវជាតិជិតព្រំដែនបម្រុងយកទៅឡើងរថយន្ត។
ពេលសាកសួរក្រុមពលករប្រាប់ថា ពួកគេមានបំណងទៅរកការងារធ្វើលើទឹកដីថៃព្រោះសម័យកូវីដនេះនៅស្រុកកំណើតគ្មានការងារធ្វើ។ ស្ត្រីជនជាតិថៃសារភាពថា គាត់ទទួលបានប្រាក់ឈ្នួលនាំផ្លូវពីពលករម្នាក់៣០០បាត ប៉ុន្តែមិនទាន់ដល់គោលដៅផងស្រាប់តែត្រូវទាហានថៃក្រសោបចាប់ទាំងអស់តែម្តង។ ទាំងពលករខ្មែរទាំងស្ត្រីជនជាតិថៃត្រូវបានគេយកទៅពិនិត្យសុខភាពតាមវិធានការរបស់ក្រសួងសុខាភិបាលរបស់គេមុនប្រគល់បន្តទៅឲ្យសមត្ថកិច្ចជំនាញចាត់ការតាមនីតិវិធី៕ ដោយ ៖ មុត សារុន
ចែករំលែកព័តមាននេះ