ខេត្តបន្ទាយមានជ័យ ៖ រថយន្តម៉ាកឡិចស៊ីស១គ្រឿងបើកបរដោយបុរសជនជាតិចិនម្នាក់បោះពួយយ៉ាងលឿនជ្រុលទៅបុករថយន្តចតចោលនៅចំណុចរង្វង់មូលច្រកទ្វារអន្តរជាតិប៉ោយប៉ែត កាលពីវេលារំលងអាធ្រាត្រឈានចូលព្រឹកថ្ងៃទី៥ មករា ឆ្នាំ២០២១ តែមិនរំខានដល់សមត្ថកិច្ចជំនាញទេ ព្រោះខាងភាគីបង្កបានដោះស្រាយដើម្បីបញ្ចប់រឿងនៅកន្លែង។ រថយន្តបង្កមួយគ្រឿងខាងលើម៉ាកឡិចស៊ីស RX៣០០…
ខេត្តបន្ទាយមានជ័យ ៖ រថយន្តម៉ាកឡិចស៊ីស១គ្រឿងបើកបរដោយបុរសជនជាតិចិនម្នាក់បោះពួយយ៉ាងលឿនជ្រុលទៅបុករថយន្តចតចោលនៅចំណុចរង្វង់មូលច្រកទ្វារអន្តរជាតិប៉ោយប៉ែត កាលពីវេលារំលងអាធ្រាត្រឈានចូលព្រឹកថ្ងៃទី៥ មករា ឆ្នាំ២០២១ តែមិនរំខានដល់សមត្ថកិច្ចជំនាញទេ ព្រោះខាងភាគីបង្កបានដោះស្រាយដើម្បីបញ្ចប់រឿងនៅកន្លែង។
រថយន្តបង្កមួយគ្រឿងខាងលើម៉ាកឡិចស៊ីស RX៣០០ ពណ៍ស ពាក់ស្លាកលេខ ភ្នំពេញ ២N-៨០៩៨ បើកបរដោយបុរសជនជាតិចិនមិនស្គាល់អត្តសញ្ញាណ និងមានអ្នករួមដំណើរម្នាក់ជាជនជាតិចិនដូចគ្នា និងរបួសស្រាលដូចគ្នា។
តាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តបង្កបានបោះពួយយ៉ាងលឿនមកពីទិសខាងកើត លុះមកដល់ចំណុចកើតហេតុខាងលើ ក៍ជ្រុលចង្កូតទៅបុករថយន្តធំសម្រាប់ដឹកពលករដែលចតចោល បណ្តាលឲ្យរថយន្តទាំង២គ្រឿងរងកាខូចខាតផ្នែកខាងមុខយ៉ាងដំណំ។
ទោះបីជាយ៉ាងណា ក្រោយហេតុការណ៍កើតឡើង តាមប្រភពព័ត៌មានថា ករណីនេះមិនរំខានដល់សមត្ថកិច្ចជំនាញទេ គឺភាគីបង្កបានដោះស្រាយសុំបញ្ចប់បញ្ហានៅនឹងកន្លែងតែម្តង ។
លោកវរសេនីយ៍ឈឿនប៊ុនថាអធិការរងទទួលផែនចរាចរនៃអធិការដ្ឋាននគរបាលក្រុងប៉ោយប៉ែតប្រាប់តាមទូរស័ព្ទថា ករណីនេះភាគីបង្ករបានសុំដោះស្រាយបញ្ចប់នៅប៉ុស្តិ៍នគរបាលអន្តោប្រវេសន៍ទាំងយប់រួចហើយ។
ជុំវិញករណីខាងលើនេះ លោកវរសេនីយ៍ឆោម ភ័ព្ទ នាយរងប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត បានប្រាប់កោះសន្តិភាពតាមទូរស័ព្ទថាភាគីបង្កជាជនជាតិចិនបានសុំបញ្ចប់បញ្ហានៅនឹងកន្លែង គឺសុំជួសជុលរថយន្តដឹកពលករឡើងវិញនិងយករថយន្តដែលគេបើកបរទៅជួសជុលខ្លួនឯងមែន។
នេះចាប់ទុកថាសំណាងហើយដែលអគារប្រាសាទឋានសួគ៍រុះរើចេញអស់ បើសិនជាមិនទាន់រុះរើទេ ច្បាស់ជាត្រូវរថយន្តបង្កខាងលើបុកបាក់រាបដល់ដី ហើយជនជាតិចិនទាំង២នាក់ប្រហែលជារបួសធ្ងន់ធ្ងរជាមិនខានឡើយ ៕ (កែសម្រួលដោយ ៖ ធីតា)
ចែករំលែកព័តមាននេះ