រាជធានីភ្នំពេញ ៖ ការប្រកួតវគ្គផ្តាច់ព្រ័ត្រដណ្តើមខ្សែក្រវាត់ កម្មវិធីអ្នកតស៊ូគុនខ្មែរគោជល់
ជើងឯកប៉ះគ្នា រវាងម្ចាស់ជើងឯកក្រុមទី១ ឃីម បូរ៉ា និងម្ចាស់ជើងឯកក្រុមទី២ ម៉ឺន មេឃា បាន
ឈានចូលមកដល់ក្នុងសប្តាហ៍ដែលពួកគេទាំងពីរត្រូវប៉ះគ្នាក្នុងវគ្គផ្ដាច់ព្រ័ត្រដណ្ដើមខ្សែក្រវាត់
និងរង្វាន់ធំហើយ ។
ឃីម បូរ៉ា មុននឹងក្លាយជាម្ចាស់ជើងឯកក្រុមទី១ រូបគេបានយកឈ្នះកីឡាករជើងខ្លាំងចំនួន២រូបដោយជុំដំបូងឈ្នះពិន្ទុ ឈុត សេរីវាន់ថង និងជុំផ្តាច់ព្រ័ត្រឈ្នះពិន្ទុ តាញ់ មករា ។ ចំណែកម៉ឺន មេឃា ជាម្ចាស់ជើងឯកក្រុមទី២ វិញក៏បានយកឈ្នះកីឡាករជើងខ្លាំងចំនួន២រូបដូចគ្នាដែរ ក្នុងនោះលើកទី១ ផ្តួល សូត្រ វាសនា ក្នុងទឹកទី២ និងចុងក្រោយឈ្នះកីឡាករ អេលីត ចំរើន ដោយពិន្ទុ ។
សូមបញ្ជាក់ថា ការប្រកួតវគ្គផ្ដាច់ព្រ័ត្រដណ្តើមខ្សែក្រវាត់និងរង្វាន់ធំរវាង ម៉ឺន មេឃា និងឃីម បូរ៉ា គ្រោងធ្វើឡើងនៅថ្ងៃសៅរ៍ ទី៩ ខែមករា ឆ្នាំ២០២១ ខាងមុខនេះ នៅលើសង្វៀនបិទទ្វារនៃទូរទស្សន៍ស៊ីអិនស៊ី ឬស្សីកែវ ចាប់ពីម៉ោង ៦ ល្ងាចតទៅ ៕
ចែករំលែកព័តមាននេះ