រាជធានីភ្នំពេញ ៖ ស៊ីអិនស៊ីបានរៀបចំធ្វើសន្និសីទសារព័ត៌មានមួយកាលពីព្រឹកថ្ងៃទី៣ មករា ដើម្បីប្រកាសបើកសង្វៀនថ្មីជាផ្លូវការ ដោយមានការជួយឧបត្ថម្ភពីក្រុមស្រាបៀរម៉ាឌ្រីដ ក្នុងគោលបំណងចូលរួមចំណែកលើកស្ទួយវិស័យកីឡាប្រដាល់គុនខ្មែរ ឱ្យកាន់តែមានការរីកចម្រើនថែមមួយកម្រិតទៀត ។ កម្មវិធីប្រដាល់នេះត្រូវបានគេផ្ដល់រហស្សនាមឱ្យថា…
រាជធានីភ្នំពេញ ៖ ស៊ីអិនស៊ីបានរៀបចំធ្វើសន្និសីទសារព័ត៌មានមួយកាលពីព្រឹកថ្ងៃទី៣ មករា ដើម្បីប្រកាសបើកសង្វៀនថ្មីជាផ្លូវការ ដោយមានការជួយឧបត្ថម្ភពីក្រុមស្រាបៀរម៉ាឌ្រីដ ក្នុងគោលបំណងចូលរួមចំណែកលើកស្ទួយវិស័យកីឡាប្រដាល់គុនខ្មែរ ឱ្យកាន់តែមានការរីកចម្រើនថែមមួយកម្រិតទៀត ។ កម្មវិធីប្រដាល់នេះត្រូវបានគេផ្ដល់រហស្សនាមឱ្យថា «អ្នកប្រយុទ្ធគុនខ្មែរ ស្រាបៀរម៉ាឌ្រីដ»។
លោក ស៊ីថូ ណាថាន់ តំណាងគ្រប់គ្រងកម្មវិធីប្រកួតប្រដាល់របស់ស្ថានីយទូរទស្សន៍ស៊ីអិនស៊ីបានឱ្យដឹងថា កម្មវិធីប្រដាល់គុនខ្មែរ ម៉ាឌ្រីដមួយនេះបានចូលរួមចំណែកយ៉ាងសំខាន់ ក្នុងការលើកកម្ពស់វិស័យកីឡាគុនខ្មែរឱ្យកាន់តែមានការរីកចម្រើនថែមទៀត ។
មិនតែប៉ុណ្ណោះអាចជួយបង្កើនជីវភាពរស់នៅប្រចាំថ្ងៃរបស់កីឡាករប្រដាល់ឱ្យកាន់តែប្រសើរ
ឡើងថែមមួយកម្រិតទៀត។
លោក នៅ កុសល តំណាងទីផ្សាររបស់ក្រុមហ៊ុនស្រាបៀរម៉ាឌ្រីដ បានឱ្យដឹងថា ក្រុមហ៊ុនរបស់លោកដែលបានចូលរួមឧបត្ថម្ភដល់កម្មវិធីប្រកួតកីឡាប្រដាល់នាពេលនេះ ក៏ដោយសារតែមើលឃើញវិស័យកីឡាប្រដាល់គុនខ្មែរពីមួយថ្ងៃទៅមួយថ្ងៃមានការរីកចម្រើនកាន់តែខ្លាំង ។ ក្រុមហ៊ុនរបស់លោកក៏មានមោទនភាពខ្លាំងណាស់ដែរ ដែលបានរួមចំណែកលើកស្ទួយវិស័យកីឡាប្រដាល់ដ៏ពេញនិយម ដែលមិនអាចកាត់ថ្លៃបានរបស់ជនជាតិខ្មែរយើង ។ មិនតែប៉ុណ្ណោះលោកក៏មានជំនឿយ៉ាងមុតមាំថា វិស័យកីឡាប្រដាល់គុនខ្មែរទៅថ្ងៃអនាគតនឹងមានឈ្មោះបោះសំឡេងនៅលើឆាកអន្តរជាតិកាន់តែខ្លាំង។
លោក ម៉ិល កាដូ អគ្គនាយករងនៃអគ្គនាយកដ្ឋានកីឡានៃក្រសួងអប់រំ យុវជន និងកីឡា និងជាអគ្គលេខាធិការសហព័ន្ធកីឡាប្រដាល់គុនខ្មែរ ក៏បានប្រកាសគាំទ្រយ៉ាងពេញទំហឹងនូវកម្មវិធីប្រកួតកីឡាប្រដាល់ថ្មីមួយនេះ ។ លោកបានបន្តថា កាលណាមានកម្មវិធីប្រកួតច្រើន នឹងធ្វើឱ្យ
កីឡាករប្រដាល់គុនខ្មែរយើន អាចរកចំណូលបានច្រើន ធ្វើឱ្យជីវភាពនៃការរស់នៅប្រចាំថ្ងៃរបស់ពួកគេកាន់តែមានភាពល្អប្រសើរឡើងថែមទៀត។មិនតែប៉ុណ្ណោះនៅមានគណៈកម្មការរៀបចំការប្រកួតផងដែរ ដែលអាចជួយឱ្យពួកគាត់មានការងារធ្វើច្រើន និងរកចំណូលពីកម្មវិធីនេះកាន់តែច្រើន ។
ទន្ទឹមគ្នានេះដែរ លោកបានក្រើនរំលឹកទៅដល់ចៅក្រម អាជ្ញាកណ្ដាលព្រមទាំងគណៈកម្មការរៀបចំការប្រកួតត្រូវតែយកចិត្តទុកដាក់ឱ្យបានខ្ពស់ក្នុងការកាត់ក្ដីឱ្យមានភាពយុត្តិធម៌ ប្រកាន់ភាពស្មោះត្រង់មិនលំអៀង។ មិនត្រូវយកកម្មវិធីប្រកួតប្រដាល់ ប្រព្រឹត្តអំពើមិនល្អណាមួយនោះទេ និងត្រូវអនុវត្ត ឱ្យបានតាមអនុសាសន៍របស់សម្ដេចតេជោនាយករដ្ឋមន្ត្រី ហ៊ុន សែន និង
ក្រសួងសុខាភិបាល ក្នុងការថែរក្សាគម្លាតសុវតិ្ថភាពបុគ្គល និងសុវត្ថិភាពសង្គម ដើម្បីបង្ការនូវការរីករាលដាលជំងឺកូវីដ-១៩ ៕
ចែករំលែកព័តមាននេះ