ម៉ាឡេស៊ី ៖ ក្នុងនាមជាកូនប្រុសម្នាក់ អតីតរដ្ឋមន្ត្រីក្រសួងយុវជន និងកីឡារបស់ប្រទេសម៉ាឡេស៊ី គឺលោក Syed Saddiq បានសម្រេចកោរសក់ ដោយគោរពតាមពាក្យសន្យារបស់ខ្លួន…
ម៉ាឡេស៊ី ៖ ក្នុងនាមជាកូនប្រុសម្នាក់ អតីតរដ្ឋមន្ត្រីក្រសួងយុវជន និងកីឡារបស់ប្រទេសម៉ាឡេស៊ី គឺលោក Syed Saddiq បានសម្រេចកោរសក់ ដោយគោរពតាមពាក្យសន្យារបស់ខ្លួន បន្ទាប់ពីសម្រេចលើសគោលដៅក្នុងការរៃអង្គាសប្រាក់បានរហូតដល់ចំនួន២០ម៉ឺនរីងហ្គីត (ប្រមាណ៥ម៉ឺនដុល្លារអាមេរិក) នៅក្នុងកម្មវិធី Challenge កម្សាន្តដ៏មានប្រយោជន៍មួយ ដែលមានឈ្មោះថា «#BotakChallenge» ដែលអតីតរដ្ឋមន្ត្រីវ័យក្មេងរូបនេះ បានបង្កើតកាលពីពេលថ្មីៗកន្លងទៅ។ គួររំលឹកថា អតីតរដ្ឋមន្ត្រីម៉ាឡេស៊ីរូបសង្ហាបង្កើតកម្មវិធីប្លែកម្យ៉ាងដើម្បីជួយសិស្សក្រីក្រ
លោក Syed Saddiq បានសម្រេចឱ្យម្តាយរបស់គាត់ គឺលោកស្រី Sharifah Mahani Syed Abdul ជាអ្នកកោសក់ដោយផ្ទាល់ដៃ ហើយដែលត្រូវបានផ្សាយបន្តផ្ទាល់តាមកញ្ចក់ទូរទស្សន៍ Astro Awani កាលពីល្ងាចថ្ងៃទី ៣០ ធ្នូ ឆ្នាំ២០២០ កន្លងទៅ។
រំលឹកជូនថា វត្ថុបំណងក្នុងការបង្កើតកម្មវិធី Challenge មានឈ្មោះថា «#BotakChallenge» មួយនេះ ពីសំណាក់អតីតរដ្ឋមន្ត្រីដែលបច្ចុប្បន្នមានវ័យ២៨ឆ្នាំខាងលើ កាលពីថ្ងៃទី ២៦ ធ្នូ ឆ្នាំ២០២០ កន្លងទៅ គឺដើម្បីយកប្រាក់ដែលទទួលបានទាំងអស់ទៅទិញកុំព្យូទ័រយួរដៃផ្តល់ដល់សិស្សក្រីក្រនៅសាលារៀនមួយកន្លែង ក្នុងទីក្រុង Muar និងដើម្បីឆ្លើយតតាមយុទ្ធនាការ «គ្រួសារ ១ កុំព្យូទ័រយួរដៃ ១» របស់អតីតរដ្ឋមន្ត្រីវ័យក្មេងរូបនេះ៕
ចែករំលែកព័តមាននេះ