ខេត្តស្ទឹងត្រែង ៖ រដ្ឋលេខាធិការក្រសួងបរិស្ថាន លោក សូខន រិទ្ធិគុន បានថ្លែងទៅកាន់បងប្អូន ប្រជាពលរដ្ឋថា(យើងគឺជាម្ចាស់ខ្លួនឯង និងជាអ្នកគ្រប់គ្រងហើយការពារធនធានសម្បត្តិធម្ម ជាតិក្នុងដែនសមត្ថកិច្ចរបស់ខ្លួន)។…
ខេត្តស្ទឹងត្រែង ៖ រដ្ឋលេខាធិការក្រសួងបរិស្ថាន លោក សូខន រិទ្ធិគុន បានថ្លែងទៅកាន់បងប្អូន ប្រជាពលរដ្ឋថា(យើងគឺជាម្ចាស់ខ្លួនឯង និងជាអ្នកគ្រប់គ្រងហើយការពារធនធានសម្បត្តិធម្ម ជាតិក្នុងដែនសមត្ថកិច្ចរបស់ខ្លួន)។ ថ្លែងបែបនេះ លោករដ្ឋលេខាធិការស្ថិតក្នុងកម្មវិធីផ្តល់សត្វគោ ដល់បងប្អូនប្រជាពលរដ្ឋ ដែលប្រារព្ធទិវាកសិករស្តីពីការអនុវត្តន៍កម្មវិធី ស្រូវមិត្ត ភាពសង្គ្រោះសត្វព្រៃ «ស្រូវត្រយ៉ង» និងការទិញលក់ស្រូវ ក្នុងដែនជម្រកសត្វព្រៃ នៃភូមិខិះស្វាយ ភូមិខិះក្រោម ភូមិពងក្រៀល ភូមិខាំភោគ ភូមិឡាកាយ ភូមិផាបាំង និងភូមិញ៉ាំងស៊ុម ក្នុងស្រុកសៀមប៉ាង។
លោករដ្ឋលេខាធិការក្រសួងបរិស្ថានបានជំរុញ និងលើកទឹកចិត្តឲ្យប្រជាពលរដ្ឋ ខំបង្កបង្កើនផលស្រូវ «ស្រូវត្រយ៉ង» នេះឲ្យបានគ្រប់រដូវទាំងប្រាំង និងវស្សា ដោយលោកបានសន្យាថា នឹងជួយឲ្យខាងក្រុមហ៊ុនទិញក្នុងតម្លៃខ្ពស់ ក្នុង១គីឡូក្រាម៥០០០រៀល ហើយត្រូវទាំងនេះគឺប្រមូលទិញពីប្រជាពលរដ្ឋដែលបង្កបង្កើនបានគឺនាំចេញទៅក្រៅប្រទេស។ នេះជាកក្តានៃការចូលរួមក្នុងការជួយសង្គ្រោះសត្វព្រៃ។
លោក សូខន រិទ្ធិគុន ក៏បានបន្តទៀតថាការជំរុញ និងលើកទឹកចិត្តនេះគឺចង់ឲ្យបងប្អូនប្រជាពលរដ្ឋបានបង្កើនទិន្នផលរបស់ខ្លួនដោយស្របច្បាប់ និងចៀសវាងការបំផ្លាញ ធនធានសម្បត្តិធម្មជាតិរបស់ខ្លួនឯង ហើយអាចត្រូវក្លាយខ្លួនជាជនជាប់ចោទប្រឈម និងផ្លូវច្បាប់ថែមទៀត។
ក្នុងគ្រាចុងក្រោយ លោករដ្ឋលេខាធិការ បានសំណូមពរដល់បងប្អូនប្រជាពលរដ្ឋទាំងអស់ សូមចូលរួមការពារ និងទប់ស្កាត់ទាំងអស់គ្នា នូវអំពើដែលច្បាប់បានហាមឃាត់កើត ឡើងពីការបំផ្លាញព្រៃឈើ និងការបរបាញ់សត្វព្រៃ ហើយងាកមកចូលរួមបង្កបង្កើនផល តាមរយៈការចិញ្ចឹមសត្វគោ និងដាំស្រូវ «ស្រូវត្រយ៉ង» នៅក្នុងសហគមន៍ ដោយលោកនឹងផ្តល់ពូជសត្វគោបន្ថែមនៅពេលក្រោយទៀត ហើយលោកក៏បានគាំទ្រនូវយោបល់របស់ លោកមេឃុំព្រែកមាសដែរថា ធនធានសម្បត្តិធម្មជាតិ នៅក្នុងស្រុកសៀមប៉ាងនេះ មិនមែនជារបស់ក្រសួងបរិស្ថាន និងមិនមែនជារបស់អង្គការណាមួយឡើយ គឺជារបស់អ្នកស្រុកសៀមប៉ាងទាំងអស់គ្នា៕ ដោយ ៖ រ៉ូ សាលី
ចែករំលែកព័តមាននេះ