មានវិធីជាច្រើនដើម្បីជួយកាត់បន្ថយបញ្ហាហើមដក់ក្រោមភ្នែក ។ វិធីខ្លះសាមញ្ញាមែន ទែន ដោយគ្រាន់តែទទួលទានទឹកឱ្យបានច្រើន ។ ខ្លះទៀតមានលក្ខណៈធ្ងន់ធ្ងរ ដូចជាការវះកាត់កែសម្ផស្សជាដើម ។ ខាងក្រោមនេះ…
មានវិធីជាច្រើនដើម្បីជួយកាត់បន្ថយបញ្ហាហើមដក់ក្រោមភ្នែក ។ វិធីខ្លះសាមញ្ញាមែន ទែន ដោយគ្រាន់តែទទួលទានទឹកឱ្យបានច្រើន ។ ខ្លះទៀតមានលក្ខណៈធ្ងន់ធ្ងរ ដូចជាការវះកាត់កែសម្ផស្សជាដើម ។ ខាងក្រោមនេះ គឺជាវិធីងាយៗខ្លះៗដែលជួយដល់ការលុបបំបាត់បញ្ហាហើមដក់ក្រោមភ្នែក ៖
១. គេងឱ្យបានគ្រប់គ្រាន់ ៖ ការចូលគេងពេលយប់ឱ្យបានទៀងទាត់ នឹងជួយកាត់បន្ថយការហើមភ្នែក ។ មនុស្សពេញវ័យត្រូវការការគេងប្រហែល ៧ ទៅ ៩ម៉ោង ក្នុងមួយយប់ ។ ដើម្បីធានាថា អ្នកគេងបានគ្រប់គ្រាន់ ចូរបង្កើតទម្លាប់ចូលគេងហើយប្រកាន់ខ្ជាប់ឱ្យបានរៀងរាល់ថ្ងៃ ។
២. កំណត់អ្វីដែលធ្វើឱ្យអ្នកអាឡែរហ្សី ៖ ពិគ្រោះជាមួយគ្រូពេទ្យ ប្រសិនបើអ្នកមានអាឡែរហ្សីតាមរដូវកាល ឬជាមួយនឹងរបស់អ្វីមួយ ។ អាឡែរហ្សីអាចបណ្តាលឱ្យភ្នែករបស់អ្នកឡើងក្រហម និងហើម ដែលអាចជុំរុញឱ្យអ្នកត្រដុសភ្នែករបស់អ្នកកាន់តែច្រើនបណ្តាលឱ្យកាន់តែហើមថែមទៀត ។
៣. ចៀសវាងការទទួលទានអាល់កុល ៖ ព្យាយាមដាក់កម្រិត ឬចៀសវាងការទទួលទានស្រា និងភេសជ្ជៈជាតិអាល់កុលផ្សេងទៀត ដែលអាចធ្វើឱ្យអ្នកខ្សោះជាតិទឹក ។ ការខ្វះជាតិទឹកអាចបណា្ខលឱ្យអ្នកមានបញ្ហាដក់ក្រោមភ្នែក ។
៤. បន្ថយការទទួលទានប្រៃ ៖ ការបរិភោគប្រៃច្រើនពេក អាចបណ្តាលឱ្យមានការចាល់ទឹកនៅក្នុងរាងកាយ ។ វាក៏អាចបណ្តាលឱ្យមានបញ្ហាសុខភាពផ្សេងទៀតដូចជាហានិភ័យខ្ពស់នៃបញ្ហាបេះដូង និងជំងឺដាច់សរសៃឈាមខួរក្បាល ។
៥. ផឹកទឹកឱ្យបានគ្រប់គ្រាន់ ៖ បញ្ហាហើមដក់ក្រោមភ្នែកអាចជាលទ្ធផលនៃការខ្សោះជាតិទឹក ។ ត្រូវប្រាកដថា អ្នកផឹកទឹកឱ្យបានច្រើនជារៀងរាល់ថ្ងៃ ដើម្បីឱ្យស្បែករបស់អ្នកមានសុខភាពល្អ ។ វិធានទូទៅដែលល្អប្រសើរ គឺត្រូវផឹកទឹក ៨ កែវក្នុងមួយថ្ងៃ ៕ ប្រភព ៖ healthline
ចែករំលែកព័តមាននេះ