នេះជាវិធីសាស្ត្រងាយៗ ដើម្បីថែរក្សាសុខភាពតម្រងនោម
តម្រងនោម ឬមនុស្សភាគច្រើនហៅថា «ក្រលៀន» គឺជាសរីរាង្គគូរ (ឆ្វេង និងស្តាំ) ដែលមានរាងដូចទៅនឹងគ្រាប់សណ្តែក ស្ថិតនៅចន្លោះសងខាងនៃឆ្អឹងកង និងស្ថិតនៅក្រោមឆ្អឹងប្រអប់ទ្រូង ។…
តម្រងនោម ឬមនុស្សភាគច្រើនហៅថា «ក្រលៀន» គឺជាសរីរាង្គគូរ (ឆ្វេង និងស្តាំ) ដែលមានរាងដូចទៅនឹងគ្រាប់សណ្តែក ស្ថិតនៅចន្លោះសងខាងនៃឆ្អឹងកង និងស្ថិតនៅក្រោមឆ្អឹងប្រអប់ទ្រូង ។…
តម្រងនោម ឬមនុស្សភាគច្រើនហៅថា «ក្រលៀន» គឺជាសរីរាង្គគូរ (ឆ្វេង និងស្តាំ) ដែលមានរាងដូចទៅនឹងគ្រាប់សណ្តែក ស្ថិតនៅចន្លោះសងខាងនៃឆ្អឹងកង និងស្ថិតនៅក្រោមឆ្អឹងប្រអប់ទ្រូង ។ វាមានមុខងារសំខាន់សម្រាប់រាងកាយដូចជា ៖ ចម្រោះជាតិពុល និងកាកសំណល់ពីក្នុងឈាមហើយបញ្ចេញចោលតាមទឹកនោម ធានាលំនឹងសារជាតិទឹក និងអេឡិចត្រូលីតក្នុងសារពាង្គកាយ ផលិតអរម៉ូន អង់ស៊ីម និងជាតិវិតាមីនមួយចំនួនដែលចូលរួមដល់ការគ្រប់គ្រងសម្ពាធឈាម ផលិតគ្រាប់ឈាមក្រហម និងធានាដល់ការលូតលាស់និងភាពរឹងមាំនៃឆ្អឹង ។
ដូចជាបានរៀបរាប់ខាងលើ តម្រងនោមមានសារៈសំខាន់ណាស់សម្រាប់រាងកាយរបស់យើង ។ យើងអាចថែរក្សាវាឱ្យនៅមានសុខភាពល្អ ដោយមានទម្លាប់ងាយៗតាមការចុះផ្សាយរបស់គេហទំព័រ Up to Date ដែលមានដូចខាងក្រោម ៖
១- ផឹកទឹកឲ្យបានគ្រប់គ្រាន់ពី ២.៥លីត្រ ទៅ ៣លីត្រក្នុងមួយថ្ងៃ ដើម្បីទប់ទល់នឹងការបាត់បង់ជាតិទឹក កាត់បន្ថយ និងការពាររលាកផ្លូវទឹកនោម និងគ្រួសតម្រងនោម ។
២- ធ្វើលំហាត់ប្រាណជាប់ជាប្រចាំដើម្បីធានាបាននូវទំរង់រាងកាយមួយសមស្រប ។
៣- ពិសារអាហារដែលមានប្រយោជន៍ចំពោះសុខភាព ដូចជា បន្លែ និងផ្លែឈើស្រស់ ។ កាត់បន្ថយការបរិភោគ អាហារផ្អែមពេក ឬក៏ប្រៃ ដើម្បីការពារ និងគ្រប់គ្រងការលើសកន្រិតជាតិស្ករក្នុងឈាម និងការឡើងសម្ពាធឈាម ។
៤- ចៀសវាងការជក់បារី និងស្រា ព្រោះអាចធ្វើអោយខូចខាតសរសៃរឈាម និងប៉ះពាល់សុខភាពតម្រងនោម ។
៥- កាត់បន្ថយការស្ត្រេស និងសម្រាកឲ្យបានគ្រប់គ្រាន់ ។
៦- ចៀសវាងការប្រើប្រាស់ថ្នាំ ដែលគ្មានប្រភពច្បាស់លាស់ និងគ្មានវេជ្ជបញ្ជាត្រឹមត្រូវ ។
៧- ពិនិត្យ និងតាមដានអោយបានទៀងទាត់នូវសុខភាព និងមុខងារតម្រងនោមជាមួយគ្រូពេទ្យឯកទេស និងជាពិសេសចំពោះលោកអ្នកដែលមានជំងឺលើសឈាម ឬទឹកនោមផ្អែម ៕ ប្រភព ៖ Up to Date
ចែករំលែកព័តមាននេះ