ខេត្តបន្ទាយមានជ័យ ៖ ប្រជាកសិករកំពុងមានការព្រួយបារម្ភ នៅពេលឃើញទឹកស្ទឹងសំណង់ពោធិ៍២ដើមស្រកខ្លាំង ដែលអាចប្រឈមនឹងការខ្វះទឹកបញ្ចូលស្រែនិងប្រើប្រាស់ បើសិនជាមន្ត្រីជំនាញនិងអាជ្ញាធរមិនបើកទឹកទម្លាក់ពីផ្នែកខាងលើនៅឃុំរហាត់ក ស្រុកមង្គលបុរីមកទេនោះ ។ ប្រជាកសិករនិយាយថា ក្រោយពីទទួលពូជស្រូវពីសម្តេចតេជោ…
ខេត្តបន្ទាយមានជ័យ ៖ ប្រជាកសិករកំពុងមានការព្រួយបារម្ភ នៅពេលឃើញទឹកស្ទឹងសំណង់ពោធិ៍២ដើមស្រកខ្លាំង ដែលអាចប្រឈមនឹងការខ្វះទឹកបញ្ចូលស្រែនិងប្រើប្រាស់ បើសិនជាមន្ត្រីជំនាញនិងអាជ្ញាធរមិនបើកទឹកទម្លាក់ពីផ្នែកខាងលើនៅឃុំរហាត់ក ស្រុកមង្គលបុរីមកទេនោះ ។
ប្រជាកសិករនិយាយថា ក្រោយពីទទួលពូជស្រូវពីសម្តេចតេជោ ហ៊ុន សែន ដើម្បីស្តារការបង្កបង្កើនផលឡើងវិញពេលទឹកជំនន់ស្រកនោះ ពួកគាត់បានយកស្រូវប្រភេទពូជមិនប្រកាន់រដូវគឺប្រភេទសែនក្រអូប និងអុីអ៊ែរមកដាំដុះ ដែលមកដល់ពេលនេះខ្លះបានជិត១ខែ ខ្លះទៀតទើបបានជាងកន្លះខែ ។ ស្រូវឆ្នាំនេះដើមដងល្អខុសពីឆ្នាំមុន ដោយសារទឹកលិចស្រែនាំដីល្បាប់មានជីជាតិចាក់ក្នុងស្រែ។
ប៉ុន្តែអ្វីដែលជាការព្រួយបារម្ភនោះ គឺ ទឹកស្ទឹងខាងលើសំណង់ពោធិ៍ពីរដើមស្រកខ្លាំង ដោយសារប្រជាកសិករនៅផ្នែកខាងលើបូមបញ្ចូលស្រែច្រើន ។ បើប្រៀបធៀបនឹងឆ្នាំមុន គឺទឹកស្ទឹងស្រកខ្លាំងមែនទែននាពេលនេះ ហើយជាការបារម្ភបំផុតដែលបង្កបង្កើនផលស្រូវបានហើយអាចប្រឈមនឹងការខ្វះទឹកបញ្ចូលស្រែ បើសិនជាមន្ត្រីមន្ទីរជំនាញមិនយកចិត្តទុកដាក់ ឬបើកទម្លាក់ពីផ្នែកខាងលើមកទេ នោះពិតជាគ្មានទឹកប្រើនាពេលខាងមុខទេ ។
ប្រជាកសិករបានបញ្ជាក់ថា នៅចន្លោះឃុំអូរប្រាសាទ និងឃុំរហាត់ទឹក ដែលប្រជាកសិករបង្កបង្កើនផលស្រូវបានដើមដងល្អហើយ អាចប្រឈមនឹងការខ្វះទឹកបញ្ចូលស្រែ ព្រោះស្រូវខ្លះទើបដាំដុះ ខ្លះទៀតបាន១ខែកន្លះទៅ២ខែ ដូចជាស្រូវអុីអ៊ែរទទួលផលរយៈពេល២ខែកន្លះ និងស្រូវសែនក្រអូបទទួលផលរយៈពេល៣ខែ ។
មន្ត្រីមន្ទីរកសិកម្ម រុក្ខាប្រមាញ់ និងនេសាទខេត្ត បានបញ្ជាក់ថា រហូតមកដល់ពេលនេះនៅស្រុកមង្គលបុរី ក្រោយពីទឹកជំនន់ស្រកកសិករបានស្តារការបង្កបង្កើនផលឡើងវិញ ដោយដាំដុះស្រូវបានជាង៨.០០០ហិកតា ក្នុងនោះនៅឃុំសឿវបាន៤.០០០ហិកតា ឃុំចំណោម៣.៥០០ហិកតា ឃុំរហាត់ទឹក៨០០ហិកតា និងឃុំមួយចំនួនទៀតបាន១.៥០០ហិកាតា ៕
ចែករំលែកព័តមាននេះ