រាជធានីភ្នំពេញ ៖ ថ្ងៃនេះហាងឆេងអត្រាប្តូរប្រាក់រៀលខ្មែរបានបង្ហាញពីភាពខ្លាំងរបស់ខ្លួន ធៀប នឹងប្រាក់វុនកូរ៉េ និងដុល្លារសាំងហ្គាពួរ ។ ធនាគារជាតិនៃកម្ពុជា នៅថ្ងៃទី ២២ខែធ្នូ…
រាជធានីភ្នំពេញ ៖ ថ្ងៃនេះហាងឆេងអត្រាប្តូរប្រាក់រៀលខ្មែរបានបង្ហាញពីភាពខ្លាំងរបស់ខ្លួន ធៀប នឹងប្រាក់វុនកូរ៉េ និងដុល្លារសាំងហ្គាពួរ ។ ធនាគារជាតិនៃកម្ពុជា នៅថ្ងៃទី ២២ខែធ្នូ ឆ្នាំ ២០២០នេះឱ្យដឹងថា ១០០វុនកូរ៉េ ទិញចូលត្រឹមតែ ៣៦៥ រៀល និងលក់ចេញតែ ៣៦៩ រៀលប៉ុណ្ណោះ ខណៈកាលពីថ្ងៃម្សិលមិញ ទិញចូលរហូតដល់ ៣៦៧ រៀល លក់ចេញ ៣៧១ រៀល ។
ថ្ងៃនេះដែរហាងឆេងប្រាក់ដុល្លារសាំងហ្គាពួរ ទិញចូលត្រឹមតែ ៣០២៦ រៀល ហើយលក់ចេញ តែ ៣០៥៧ រៀលប៉ុណ្ណោះ ដែលកាលពីថ្ងៃម្សិលមិញ ទិញចូលរហូតដល់ ៣០៣៤ រៀល និង លក់ចេញដល់ទៅ ៣០៦៤ រៀលឯណោះ ។
ថ្ងៃនេះដែរ សូមមកដឹងពីហាងឆេងអត្រាប្តូរប្រាក់រៀលខ្មែរធៀបនឹងប្រាក់ប្រទេសមួយចំនួន ទៀតដែលរួមមាន ៖ ១ដុល្លារអាមេរិក ស្មើនឹង ៤០៣៥ រៀល, ១អឺរ៉ូ ទិញចូល ៤៩៣៦ រៀល លក់ចេញ ៤៩៨៦ រៀល ខណៈ ១ដុល្លារអូស្ត្រាលី ទិញចូល ៣០៥៦ រៀល លក់ចេញ ៣០៨៦ រៀល ។
ជាមួយគ្នានេះ ១យន់ចិន ទិញចូល ៦១៦ រៀល លក់ចេញ ៦២២ រៀល ហើយ ១០០យ៉េន ជប៉ុន ទិញចូល ៣៩០៦ រៀល លក់ចេញ ៣៩៤៥ រៀល ខណៈ ១បាតថៃ ទិញចូល ១៣៤ រៀល លក់ចេញ ១៣៥ រៀល និង ១០០០ដុងវៀតណាម ទិញចូល ១៧៥ រៀល លក់ចេញ ១៧៦ រៀល ៕
ចែករំលែកព័តមាននេះ