សារព័ត៌មានបរទេសកាលពីពេល ថ្មីៗកន្លងមកផ្សាយថា លោកឌើក ជនជាតិអាមេរិក អាយុ៤០ឆ្នាំ បានសម្រេចចិត្តចេញពីភាពនៅលីវ ដោយរៀបការជាមួយនាង «ជេននី» ជាតុក្កតាកៅស៊ូ ។ លោកឌើកចាត់ទុកជេននី គឺជានារីដ៏ល្អនៅក្នុងជីវិតរបស់ខ្លួន និងមិនអាចមានអ្វីក្នុងលោកនេះជំនួសជេននីបានទេ ។
លោកឌើក ទិញជេននី ក្នុងតម្លៃ៦.៧៥០ដុល្លារ ហើយរៀបការជាមួយគ្នាដោយស្ងាត់កំបាំងនៅក្នុងលំនៅឋានរបស់ខ្លួន ។ គូស្វាមីភរិយានេះរួមរស់ជាមួយគ្នាអស់រយៈពេល៤ឆ្នាំមកហើយ ដោយប្រតិបត្តិគ្រប់បែបយា៉ងដូចជាប្តីប្រពន្ធទូទៅ ដូចជាទទួលទានអាហារ ងូតទឹក រួមដំណេក និងទស្សនាការប្រកួតបាល់ទាត់តាមទូរទស្សន៍ជាដើម ។
លោកឌើក និយាយថា «ខ្ញុំសម្រេចចិត្តរៀបការ ព្រោះចង់ចាកចេញពីភាពឯកោ ។ ចាប់តាំងពីពេលនោះមករូបខ្ញុំថែរក្សាជេននីយ៉ាងល្អ ។
ជេននីចូលចិត្តពាក់អាវស្អាត ហើយពេលខ្ញុំនិយាយជាមួយនាង បានឮសម្តីនាងឆ្លើយតបមកវិញ ។ រូបខ្ញុំរស់នៅដោយគ្មានជេននី មិនបានទេ ព្រោះភាពឯកោនឹងបំផ្លិចបំផ្លាញជីវិតខ្ញុំ ។ ជេននីបានជួយឱ្យជីវិតខ្ញុំមានន័យ» ។
សម្រាប់រូបភាពដែលបង្ហាញនេះបានពីជាងថតម្នាក់គឺលោកសានដ្រា ហយ ជនជាតិអាមេ រិក ។
នាពេលកន្លងមកលោកឌើក មិនប្រាប់រឿងរា៉វរបស់ខ្លួន និងជេននីឱ្យនរណាម្នាក់ដឹងទេ ពិសេសគឺមិត្តភក្តិ និងក្រុមគ្រួសារ ។ នៅពេលមានភ្ញៀវទៅលេងផ្ទះលោកឌើក បានយកជេននីទៅលាក់ទុកក្នុងបន្ទប់ ៕
ចែករំលែកព័តមាននេះ