ថ្ងៃនេះ ថៃរកឃើញអ្នកឆ្លងកូវីដ-១៩ បន្ថែមថ្មី ៣៨២ករណីទៀត
បាងកក ៖ ចំនួនអ្នកឆ្លង Covid-19 នៅប្រទេសថៃ បានកើនឡើងដល់ ៣៨២ករណីទៀត នៅថ្ងៃចន្ទ ទី២១ ខែធ្នូ…
បាងកក ៖ ចំនួនអ្នកឆ្លង Covid-19 នៅប្រទេសថៃ បានកើនឡើងដល់ ៣៨២ករណីទៀត នៅថ្ងៃចន្ទ ទី២១ ខែធ្នូ ឆ្នាំ២០២០នេះ ក្នុងនោះ ក្នុងចំណោមករណីឆ្លងថ្មីនេះ មាន ៣៦០នាក់ ជាពលករចំណាកស្រុកមកពីប្រទេសមីយ៉ាន់ម៉ា នេះបើយោងតាមកាសែតថៃ បាងកកប៉ុស្តិ៍ ។
ការឆ្លងរីករាលដាល នៃកូវីដ-១៩ បានកើតឡើងបន្ទាប់ពីមានករណីថ្មី ចំនួន ៥៧៦ករណីត្រូវបានកត់ត្រា កាលពីថ្ងៃអាទិត្យម្សិលមិញ ដែលភាគច្រើនទាក់ទងនឹងទីផ្សារអាហារសមុទ្រមួយ នៅខេត្តសាមុតសាខុន ។
ការកើនឡើងនៅថ្ងៃចន្ទនេះ ត្រូវបានគេរំពឹងថា ដោយសារតែការធ្វើតេស្ដសាកល្បងជាបន្តរបស់កម្មករចំណាកស្រុករាប់ពាន់នាក់ នៅក្នុងឧស្សាហកម្មនេសាទ ក្នុងខេត្តសាមុតសាខុន ។
គិតមកត្រឹមថ្ងៃទី២១ ធ្នូនេះ នៅក្នុងប្រទេសថៃ មានអ្នកឆ្លងកូវីដ-១៩ សរុបឡើងដល់ ៥.២៨៩ ករណីហើយ ក្នុងនោះមានអ្នកស្លាប់សរុបចំនួន៦០នាក់ ជាសះស្បើយសរុបចំនួន ៤,០៥៣នាក់ និងកំពុងសម្រាកព្យាលបាលចំនួន១,១៧៦នាក់ ៕
ចែករំលែកព័តមាននេះ