ខេត្តបន្ទាយមានជ័យ ៖ នៅព្រឹកថ្ងៃទី១៧ ខែធ្នូ ឆ្នាំ២០២០ ដោយមានការចង្អុលបង្ហាញពីលោក ម៉ឹង ពន្លក ប្រធានសមាគមចលនាយុវជនកម្ពុជា(ក្រុម១៥៧)។ លោក គង់ រិទ្ធា ប្រធានសមាគមចលនាយុវជនកម្ពុជា(ក្រុម១៥៧)ក្រុងប៉ោយប៉ែត តំណាងលោក ចៅ ជីអាន ប្រធានសមាគមចលនាយុវជនកម្ពុជា (ក្រុម១៥៧)សាខាខេត្តបន្ទាយមានជ័យរួមជាមួយសមាជិកសមាជិកាចំនួន៣៥នាក់។
មានការចូលរួមពីអាជ្ញាធរ កម្លាំងសមត្ថកិច្ចនគរបាល កម្លាំងកងរាជអាវុធហត្ថ ចុះចែកម៉ាស ណែនាំឲ្យប្រជាពលរដ្ឋចូលរួមពាក់ម៉ាសនៅទីប្រជុំជននៅក្នុងភូមិសាស្ត្រក្រុងប៉ោយប៉ែត ដើម្បីចូលរួមជាមួយរាជរដ្ឋាភិបាលតាមការណែនាំរបស់ក្រសួងសុខាភិបាលដើម្បីទប់ស្កាត់ការរីករាលដាលនៃជំងឺកូវីដ-១៩។ ទីតាំងទី១នៅចំណុចភ្លើងស្តុបផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ចែកម៉ាសអស់ ចំនួន ២.៥០០ម៉ាស ស្មើមនុស្សចំនួន២.៥០០នាក់។ ទីតាំងទី២ នៅចំណុចផ្សារត្រី ក្នុងសង្កាត់ប៉ោយប៉ែត ក្រុងប៉ោយប៉ែត ចែកម៉ាសចំនួន២.៥០០ម៉ាស ស្មើមនុស្សចំនួន២៥០០នាក់។ សរុបទាំងពីរទីតាំង ចែកម៉ាសបាន៥.០០០ម៉ាស៕ ដោយ ៖ សុខ សារ៉ាយ
ចែករំលែកព័តមាននេះ